Esir 8:21 - Ebaibul

²¹ Abu nai ayoŋ olimu atemar kiredakinae akiron anaŋolol Aapa, emika ŋawat kosi alokiŋaren Akuj kosi ibore ŋini ecamito ka eŋita iŋes ikiyok isua analosit kosi kaapei ka ŋidwe kosi ka a ŋuna a ŋiboro a daadaŋ ŋulu ikiyakar isua,

Esir 8:21 Iomraidhean Croise

2 Ŋakiro a ŋirwa 20:3

Tobul Yeosapat, toseu alotau keŋ akiŋit Ekapolon ŋakiro; tolimu atemar torono ŋituŋa a Yudaya daadaŋ.

2 Ŋakiro a ŋirwa 20:4

Apotu nai ŋituŋa a Yudaya daadaŋ tocununos Yerusalem alotaunio a Yudaya a daadaŋ akiŋit Ekapolon kiteyenik iŋes ŋuna kitiya.

Esir 8:15

Abu ayoŋ ocunak ikes diyete aŋolol ŋina elele Aapa, aponi isua kiriyae a nen ŋirwa ŋiuni. Ani emarakini ayoŋ ŋituŋa ka ŋisacaradotin, abu ayoŋ aryamu atemar amam ŋiletok a Lepi aya nen.

Esir 8:31

Aponi nai isua torotokinoe anaŋolol Aapa ŋirwa ke elap ŋitomon ka ŋiarei elap ŋolo ke epei, aŋuna ka alosit Yerusalem, ikiŋarakinit isua Ekapolon, abu iŋes ikiiu isua anapedor a ŋimoe kosi ka alotuŋa a ŋulu ikidapito isua alorot.

Neem. 9:1

Ŋirwa ke elap ŋatomoniarei ka ŋiomwon a elap a ŋolo a ŋikanikaarei tocunakin Ŋisirael iwapei iredakinito akiron ka enapito ŋiguniyae ka eya ŋalup nakyes kec.

Esta 4:16

“Emaikina Moridekai tolot, tocunak Ŋiyudayan daadaŋ ŋulu eya Susa; kiredakis akiron aŋuna kaŋ. Nyemaikina ikes kimuja kori tomata ŋirwa ŋiuni, nakwaare kori naparan. Ayoŋ ka ŋaketiyak kaŋ ikiredakini akiron ikwapei iyes. Ekaku ka akiron, alosi ayoŋ neni a erwosit; tari daŋ pa kecamakinito ŋikisila, ani keruwor daŋ atwanare, otwan.”

Ŋikiru. 137:1

Aponi isua kiboikinetei diyete ŋaŋololin ŋuna a Babilon, ido aponi isua kigworoi etamunio Sion.

Ŋikiru. 5:8

Okoe Ekapolon, aŋuna a ŋimoe kaŋ, kitenae ayoŋ alotooma akiyookino kon. Kisidiiri erot kon alokiŋaren kaŋ.

Ŋikiru. 5:9

Nyikinyom ŋakiro ŋuna irworosi ŋimoe kaŋ; ileleba aryenyeo lotai kec, ŋakiro ŋuna irworosi ikes, eyaununeete atwanare; ileleba amodiyo ŋina aronon lorwor kec.

Ŋikiru. 8:2

Itaanyu iyoŋ ŋidwe ŋulu cicik ka ŋulu enakete akipuro iyoŋ, iwuak iyoŋ ariwo kidiŋ iyoŋ ka ŋimoe kon, akisililiŋia ŋimoe kon ka ŋikenyaŋak.

Ŋakit. 3:6

Tocamunite Ekapolon alotooma daadaŋ ŋuna iwuapit iyoŋ, ikitoodikini Ekapolon iyoŋ erot ŋolo ejok.

Isa. 30:21

Ani kilot iyes lowae ŋolo aloteten, kori lowae ŋolo alokedyeny, iirarete iyes etoil alokaku kus ebala, “Erot lo, tomekisi.”

Isa. 35:8

Eyakaun nen erot ŋolo apolon, enyarao iŋes, erot ŋolo asegan. Nyelosete ŋikasecak alorot a ŋol, nai eruwor erot ŋolo a ŋituŋa ka Akuj, mam ikaloton a nen eoliyori, nyeoliyori tari ibaŋaanot.

Isa. 42:16

Ariki ayoŋ ŋimudukanotin, etoryo ikes lorot ŋolo nyeyenete, omekinia ŋirotin ŋulu sek nyemekinito, eteni ayoŋ ikes. Elocokini ayoŋ akiryonut alokiŋaren kec toruwor akica, elelyaari ayoŋ ŋakiboisyo ŋuna sek esagam. Ŋakiro ŋun ikes etiyakini ayoŋ, ido nyemyekini ayoŋ akitiya ŋun.

Isa. 49:10

Nyenyami ikes akoro, kori akure, nyeari ikes ekuwuam ŋolo amwanan, kori akoloŋ, anerae iteni ikes ŋolo abu kisyoni ikes, iteni ikes kitoryo neni eya ŋiitan a ŋakipi.

Isa. 58:3

Ebasi ikes, “Kaanukiro ikiredanakinia isua akiron, nai nyikite iyoŋ isua? Ikitiditeunun isua make, nai nyimisit iyoŋ.” Topupokisi, itiyaete iyes ŋuna ikitalakarito iyes pei akoloŋit ŋina iredanakineta akiron, ido isicanito iyes ŋiketiyak kus.

Isa. 58:5

Itamete iyes erae ŋin akiredakin akiron ŋina acamit ayoŋ a? Itiditeuna iyes alotooma akoloŋit apei bon a? Acamit mono ayoŋ akijurur a ituŋanan esibit eoot ŋolo isijuurui ekuwuam a? Acamit mono ayoŋ akiper kus aloguniyae ka alokurono a? Erae mono ibore ŋin akiredanakin akiron a? Erae mono ŋin akoloŋit ŋina italakarit Ekapolon a?

Yer. 10:23

Okoe Ekapolon, ayeni ayoŋ atemar, nyepedorito ŋituŋa akiyokuun akiyar kec, nyepedorete ikes akiten akiyar kec.

Yer. 42:3

Kimyek Ekapolon Akuj kon ikitoodik isua neni emaikina tolotoi ka ŋuna emaikina kitiyae.”

Dan. 9:3

Abu nai ayoŋ ewar Ekapolon Akuj ewarit aboŋokinet, abu etiya ŋun, anakilip, anadyekitoi, anakiredakin akiron, ananapit ŋiguniyae ka akipurupura ekuron.

Yoel 1:14

Tolimutu akoloŋit ŋina asegan, ŋina iredakiniata akiron; Tonyarautu atukot ŋina italeuno. Tonyarautu ŋikasikou ka ŋituŋa daadaŋ ŋulu iboiyete anakwap kus ipotu Kai ke Ekapolon Akuj kus, kikaloikisi Ekapolon.

Ŋilep. 16:29

“Emaikina iyes kiwuapa ŋakiro ŋuna etubunitoe nu ŋikaru ka ŋikaru: Ani edoli ŋirwa ke elap ŋitomon, elap ŋolo a ŋikanikaarei, emaikina iyes kiredakis akiron, ido nyitiyata etic edio; kiraakasi Ŋisirael ŋulu ikiurito Ŋisirael, kori ŋigelanotin ŋulu iboiyete kaapei ka Ŋisirael;

Ŋilep. 16:31

Erae akoloŋit ŋin ŋina a Sabato, ŋina emaikina kieŋunere, ido emaikina iyes kiredakis akiron; erae ŋun ŋakiro ŋuna etubunitoe ŋuna a ŋikaru ka ŋikaru.

Ŋilep. 23:29

Ituŋanan daadaŋ ŋini nyiredakini akiron akoloŋit ŋin daadaŋ, emaikina kiritarae alotuŋa keŋ.

Yona 3:5

Tonupa ŋituŋa a Ninepe Akuj, ido totubut atemar emaikina kiredakis daadaŋ akiron ka tonapa ŋiguniyae, anyoun aneni a ŋulu itopolooritae ka ŋulu nyitopolooritae.

Yona 3:7

Kiyakiya akirot lotuŋa a Ninepe ebe, “Anatubunet ke erwosit ka ŋulu ipukatotor iŋes, nyecamakinitae ituŋanan, etyaŋ, ŋaatuk kori ŋakinei iirete idio ibore; nyecamakinitae kimuja, todaka, kori tomata.

Ekim. 14:3

Kaanukiro ikiyaunia isua Ekapolon nakwap na ikiari ke ekileŋ? Eruworosi ŋaberu kosi ka ŋidwe kosi ŋiŋatara. Nyejok mono iwon aboŋor Ijipit a?”

Ekim. 14:31

Nai ŋidwe kus ŋulu sek ibasi iyes eŋataryo, etolomari ayoŋ ikes nakwap ŋin, edolete ikes nakwap ŋina ijamuwarito iyes.

Ŋitic. 2:39

Anerae arae akiikinet ka Akuj ŋina kus ka ŋikusidwe ta neni a ŋituŋa a daadaŋ a ŋulu elwaka a ŋulu enyaraunit Ekapolon yok Akuj neni keŋ.”

Ŋikat. 20:26

Toloto nabo Ŋisirael daadaŋ Besel kigworo neni ke Ekapolon iboiyete a nen, kiredakis akiron akoloŋit ŋin akitodol eboŋ. Inanakis nai alo kiŋaren Ekapolon ŋainakineta ŋuna epeyo ka ŋamuronisya ŋuna ke ekisil.

1 Sam. 7:6

Aŋun, apotu ikes tocunakinos Misipa, tookut ŋakipi tobukosi alokiŋaren Ekapolon. Kiredakis ikes akiron akoloŋit ŋin temasi, “Ikidau isua akisec alokiŋaren Ekapolon.” Ido abu Samuel toruwor ekatubon ŋakiro ka ekarikon a Ŋisirael alo Misipa.