Esir 8:18 - Ebaibul

¹⁸ Ikwapei ikiŋarakinitor isua Ekapolon, apotu ikes ikiyakikis isua Serebia ekile ŋolo ajokak ŋipitesyo ŋolo arae epei a ŋiletok a Mali alokoku a Lepi a ŋolo arae lokaku a Isirael, abu Serebia torukut ka ŋidwe keŋ ka ŋiyeneta keŋ arae ikes daadaŋ ŋitomon ka ŋikanikauni,

Esir 8:18 Iomraidhean Croise

1 Ŋakiro a ŋirwa 6:1

Arae ŋidwe a Lepi ŋulusapa lu: Gerisom ka Koas ta Merari.

1 Ŋakiro a ŋirwa 6:19

Arae ŋidwe a Merari ŋulusapa lu: Mali ka Musi. Arae nu ŋatekerin a ŋilepi imarunitae aneni atapapaa kec:

1 Ŋakiro a ŋirwa 6:4

Eleasar ka Isamar. Abu Eleasar touru Pineas, touru Pineas Abisua,

2 Ŋakiro a ŋirwa 30:22

Kirwor Esekia neni a ŋilepi a daadaŋ ŋakiro ŋuna esimukekinak nooi, anerae etoodiunito ŋilepi ayenut kec nooi etic ŋolo ke Ekapolon. Apotu ŋilepi kimuja ŋirwa ŋikanikaarei ŋinerin a ŋibaren ŋulu ainakinitae ikes, inanakis ŋainakineta ŋuna ke ekisil ka kipuro Ekapolon Akuj atapapaa kec eosi.

Esir 7:28

Akuj ŋina akainaki ayoŋ daŋ amina keŋ ŋina nyiryaŋiryaŋa alokiŋaren erwosit ka ŋulu iŋarakinito iŋes anakipuka ta alokiŋaren ŋikapolok daadaŋ ŋulu agogoŋok ŋulu ipukato kaapei ka erwosit. Abu ayoŋ nyakuryaniar, anerae ekeŋarakinit Ekapolon Akuj kaŋ, ido abu ayoŋ ocunak ŋikarikok alo Isirael aŋuna ka akitipeiyor kaapei ka ayoŋ.

Esir 7:6

Abu Esira kitipeiyo alo Babilon Yerusalem. Arae iŋes ekegiran ŋolo ayeni ejok ŋikisila a Moses ŋulu abu Ekapolon Akuj a Ŋisirael inak Moses. Abu erwosit inak Esira ibore daadaŋ ŋini eŋita iŋes, anerae eŋarakinit Ekapolon Akuj keŋ iŋes.

Esir 7:9

Ŋirwa ke elap epei, elap ŋolo ke epei, togeut Esira akitipeiyor alo Babilon ani edoli ŋirwa ke elap epei elap ŋolo a ŋikan todolu iŋes Yerusalem, anerae eŋarakinit Akuj keŋ iŋes.

Esir 8:16

Tosodi abu ayoŋ eyakiya ituŋanan anyarare Eliesar, Ariel, Semaia, Elinasan, Yarib, Nasan, Sakariya ka Mesulam ŋulu arae ŋikarikok, abu daŋ onyara Yeoiarib ka Elinasan ŋikilyok ŋulu aosok,

Esir 8:19

torukut daŋ ikes ka Asabia ta Yesaia ŋulu arae ŋiletok a Merari ka ŋiyeneta kec ta ŋidwe kec arae daadaŋ ŋatomoniarei

Esir 8:22

ekerumito ayoŋ ŋileec akiŋit erwosit ainakin isua ŋasigarya ka ŋaŋolei ka ŋikametok kec aŋuna ka aiun isua alomoe alosyo alorot, anerae aris isua kelimokin erwosit atemar iŋarakini Akuj daadaŋ ŋulu ikinyomito, iŋes, eyai nai apedor keŋ ka anyunyura keŋ neni a ŋulu eŋerito iŋes.

Esir 8:24

Abu nai ayoŋ otyaka ŋisacaradotin ŋitomon ka ŋiarei ŋulu arae ŋikarikok kec ikes lu: Serabia, Asabia ka ŋiyeneta kec ŋitomon.

Neem. 10:12

Sakur, Serebia, Sebania,

Neem. 12:24

Arae lu ŋikapolokinitok a ŋilepi: Asabia, Serabia, Yesua, lokoku a Kadimiel. Ŋirukitos kec ŋulu aboonokin ka ikes aeore ŋieosyo ŋulukipuret ka ŋulu ka alakar neni ka Akuj, lopite ŋolo ecikitor Daudi ŋolo arae ituŋanan ŋini ka Akuj.

Neem. 2:8

ka akainakin ayoŋ abaruwa oya neni ka Asap a ekedaran amoni ke erwosit ŋina a ŋikito, tolimokinae iŋes ainakin ayoŋ ŋabaoi, ikotere etiyaunia ŋakito ŋuna a ŋipukei a ŋulu ka aduketait a ŋinajiet a ŋina iteere Akai ka Akuj ka adukokinia arwatata ŋina ke etaun ta akai ŋina alosi ayoŋ akiboiyo.” Abu erwosit okoinak ayoŋ ŋuna eŋita, anerae ikirukit ayoŋ ka Akuj kaŋ ŋina ajokan.

Neem. 8:7

Apotu ŋilepi lu: Yesua, Bani, Serebia, Yamin, Akub, Sabasai, Odia, Maaseia, Kelita, Asaria, Yosabad, Anan, Pelaia, kiŋarakis ŋituŋa ayenun ŋikisila, apaki ŋina awuatar ŋituŋa analapatu.

Ŋakit. 24:3

Epedori ituŋanan adukokin akai alotooma aosou ka alotooma ayenut, epedori akai ŋin ayakaun;

Ŋakit. 3:6

Tocamunite Ekapolon alotooma daadaŋ ŋuna iwuapit iyoŋ, ikitoodikini Ekapolon iyoŋ erot ŋolo ejok.

Yer. 3:15

“‘Akainakini ayoŋ iyes ŋikepukak ŋulu iwuapito ŋakiro kaŋ, ikipukaete nai ikes iyes ka aosou ka ayenut.

Dan. 1:20

Anakiro a daadaŋ ka aosou ta anayenut daadaŋ ŋuna iŋisi erwosit ikes, abu erwosit toryamu atemar eloito ikes nooi ŋarwa ŋatomon ŋimurok ŋulu edwarete daadaŋ ka ŋimurok ŋulu a akwap keŋ.

Ekim. 3:20

Ŋiletok a Merari a ŋatekerin kec ikes lu: Mali ka Musi. Erae ŋun ŋatekerin a Lepi a ŋikalya atapapaa kec.

1 Ŋikor. 14:20

Ŋikaitotoi kaŋ, nyikote ŋidwe alopite a ŋolo itamyata iyes. Ipedorete iyes akitiya ikwa ŋidwe anakiro a ŋuna aronok, nai alopite a ŋolo itamyata iyes, toruworos ŋituŋa ŋulu ipakito anakiro a ŋuna ka Akuj.