Esir 7:8 - Ebaibul

⁸ Adolunete ikes Yerusalem elap ŋolo a ŋikan, alokaru a ŋolo a ŋikanikaarei ipukat Aritaseses.

Esir 7:8 Iomraidhean Croise

Esir 10:9

Apotu nai ŋituŋa a Yudaya daadaŋ ka ŋulu a Benjamin tocunakinos Yerusalem alotooma ŋirwa ŋiuni, arae elap ŋolo a ŋikanikaomwon, ŋirwa ke elap a ŋol ŋatomoniarei acununotor ikes Yerusalem. Kiboikinos ŋituŋa daadaŋ neni alapat alokiŋaren Akai ka Akuj, amaranete ikes aŋuna a ŋakiro a ŋuna anyaraunitere ikes ka aŋuna ka akiru a ŋina alal nooi.

Esir 7:7

Apotu daŋ Ŋisirael ŋice ka ŋisacaradotin ŋice ka ŋilepi ŋice ka ŋikaeok, ŋiketeok ŋipukei ka ŋiketiyak a Akai ka Akuj kitipeiyosi Yerusalem alokaru a ŋolo a ŋikanikaarei ipukat erwosit Aritaseses.

Esir 7:9

Ŋirwa ke elap epei, elap ŋolo ke epei, togeut Esira akitipeiyor alo Babilon ani edoli ŋirwa ke elap epei elap ŋolo a ŋikan todolu iŋes Yerusalem, anerae eŋarakinit Akuj keŋ iŋes.

Esir 8:32

Todolunoe isua Yerusalem kiboi a nen ŋirwa ŋiuni.

Esir 9:9

Kire, ikirae isua ŋipi, nai nyimyekina iyoŋ isua amina anapiitonut, nai ikitoodik iyoŋ isua amina kon ŋina nyiryaŋiryaŋa alokiŋaren erwosit a Perisia aŋuna ka ainakin isua akiyar ŋina kitete ikotere ikidukokini nabo Akai ka Akuj, osubakisi neni emunaara ka ikiryamuni neni ikiunor alo Yudaya ka alo Yerusalem.

Esta 2:16

Ani edoli elap ŋolo a ŋitomon ŋolo enyaritae Tebet, ekaru ŋolo a ŋikanikaarei ipukat Ausero, yaarae Esta kai a apukan ŋina eboiyo erwosit.

Dan. 9:25

Aŋun, toyenu atemar ameun anapaki a ŋina alimorere atemar emaikina kinyakunae Yerusalem ka todukoe nabo, akitodol apaki ŋina ebunio ekarikon ŋolo eseunit Akuj, eyakaun ŋikaru ŋatomoniomwon ka ŋikanikaomwon ka alotooma ŋikaru ŋamiae ŋaomwon ka ŋatomonikanikapei ka ŋiomwon, edukokinio Yerusalem nabo toyakaun ŋirotin ŋulu ke etaun ka ŋarwatatain ŋuna erae ŋatabab ewuatere etaun, nai itiyao ŋun anapaki a ŋina a ŋican.