Esir 7:5 - Ebaibul

⁵ a ŋolo arae lokoku ka Abisya a ŋolo arae lokoku a Pineas a ŋolo arae lokoku ka Eleasar a ŋolo arae lokoku ka Aron a esacaradoti a ŋolo Apolon nooi.

Esir 7:5 Iomraidhean Croise

1 Ŋakiro a ŋirwa 6:4

Eleasar ka Isamar. Abu Eleasar touru Pineas, touru Pineas Abisua,

2 Ŋakiro a ŋirwa 19:11

Ikipolokini iyes anakitub ŋakiro ŋuna ke edin Amaria esacaradoti ŋolo Apolon nooi ka ikipolokini iyes anakitub ŋakiro ŋuna ka apukan Sebadia lokoku a Isimael ŋolo erae ekarikon a ekabila a Yuda. Itiyaete ŋilepi etic kus erae ŋikapolok aneni kus. Kitiyata ka atitinyu, elipi ayoŋ Ekapolon toruko ka ŋulu itiyaete ejok.”

2 Ŋakiro a ŋirwa 26:20

Ani iŋolikinete Asaria esacaradoti ŋolo Apolon nooi ka ŋisacaradotin ŋuluce iŋes, kiŋolikis kikamu atapon ereet keŋ, aŋun, apotu kiwonyakiniata iŋes kiŋa atipei, ka abu iŋes daŋ elope kiwonyak alosit kiŋa atipei anerae kebu Ekapolon kitedyakak iŋes.

Esir 7:4

a ŋolo arae lokoku a Seraia a ŋolo arae lokoku a Usi a ŋolo arae lokoku a Buki

Esir 7:6

Abu Esira kitipeiyo alo Babilon Yerusalem. Arae iŋes ekegiran ŋolo ayeni ejok ŋikisila a Moses ŋulu abu Ekapolon Akuj a Ŋisirael inak Moses. Abu erwosit inak Esira ibore daadaŋ ŋini eŋita iŋes, anerae eŋarakinit Ekapolon Akuj keŋ iŋes.

Awos. 6:25

Abu lokoku ka Aron ŋolo anyaritae Eleasar kiit nakoku a Putiel ŋina abu touru Pineas. Arae ŋul ŋituŋa a ekal a Lepi a ŋatekerin kec.

Ŋilep. 10:12

Tema Moses neni ka Aron ka ŋidwe keŋ ŋulusapa ŋulu edoŋito, Eleasar ka Isamar ebe, “Tolemutu ainakinet ŋina a ŋikinyom ŋina idoŋit anainakineta a ŋuna epeyo aŋuna ke Ekapolon, tonyama alodiyete namuroet emam ŋakinyalet, anerae erae ainakinet ŋina asegan nooi.

Ŋilep. 10:16

Kiŋit Moses ikes ŋakiro ka ameot a ŋina alemunitae erae ainakinet aŋuna ka asecit, ido aponi tolimokinae iŋes atemar aponi kicunyae. Toŋoik Moses nooi Eleasar ka Isamar, ŋidwe ka Aron ŋulusapa ŋulu edoŋito, kiŋit ikes tema,

Ŋilep. 10:6

Tema nai Moses neni ka Aron ka ŋidwe keŋ ŋulusapa Eleasar ka Isamar, “Nyimyekis ŋitim ijaanaete, ido nyicila ŋilowi kus, ani kitiyata iyes ŋun, itwakete iyes, ido eŋoikini Ekapolon ŋituŋa daadaŋ. Nai ecamakinitae Ŋisirael ŋuluce daadaŋ kigworo aŋuna ka atwanare a ŋin a ŋina etoruni nakim ŋina eyakuuni Ekapolon.

Ekim. 27:2

Apotu ŋidwe a Selopead ŋulupesur ŋul toloto towua alokiŋaren Moses, Eleasar esacaradoti, ŋikarikok a Ŋisirael ka atukot a Ŋisirael daadaŋ alokiŋaren eema ŋolokilipet temasi,

Ekim. 3:32

Eleasar lokoku ka Aron a ŋolo erae esacaradoti iŋes epolokini ŋikarikok a ŋilepi ka epolokinit ŋulu ainakinitae akitiya ŋiticisyo anakibois a ŋina asegan.

Ekim. 31:31

Apotu Moses ka Eleasar esacaradoti kitiyata lopite ŋolo ecikitor Ekapolon Moses.

Ekim. 31:54

Aŋun, apotu Moses ka Eleasar esacaradoti kijaut egolid aneni ŋikarikok a ŋikajiok a ŋulu arae ŋalipulipui ka ŋamiamiae, kiwuakis egolid ŋol tooma eema ŋolokilipet ikwapei ibore ŋini etamunitotor Ŋisirael Ekapolon.

Ekim. 31:6

Abu nai Moses kiyakiya ŋikilyok ŋul lojie, a ŋolokabila alemunit ŋikilyok aliput. Apotu ŋikilyok ŋul torukosi kaapei ka Pineas lokoku ka Eleasar a esacaradoti a ŋolo atiŋit ŋiboro ŋulu esitiyao anakibois a ŋina asegan ka ŋarupepe ŋuna akusyo eramere eli.

Ŋibur. 5:4

Nyeseun ituŋanan bon tema apoloor iŋes oruwor Esacaradoti ŋolo Apolon nooi. Akuj bon enyarae ituŋanan kituruwo Esacaradoti ŋolo Apolon nooi--ikwapei anyaraa koloŋ Aron.

Yos. 14:1

Ŋakiro ŋuna etupakinito, erae ŋuna elimorito epite ŋolo aponiata Ŋisirael tokora akwap a Kanaan alowae a ŋolo alo To aŋolol Yorodan. Ŋituŋa ŋulu akorete ŋalup lotuŋa ikes lu: Eleasar esacaradoti ka Yosua lokoku a Nun ta ŋikapolokinitok ŋikalya ŋulu a ŋikabilae a Isirael.

Yos. 22:13

Aŋun, apotu Ŋisirael kiyakiyasi Pineas lokoku a Eleasar a esacaradoti alosit nakwap a Gilead neni a ŋituŋa a ekabila a Ruben ka ŋulu a Gad ta ŋulu a atutubet a apei a ŋina a Manase.

Yos. 22:31

Tolimok nai Pineas lokoku ka Eleasar ŋolo arae esacaradoti ŋituŋa a Ruben ka ŋulu a Gad ta ŋulu ka atutubet a a apei a ŋina a Manase tema, “Ikiyenu iwon nakoloŋit na atemar ikirukit iwon ka Ekapolon, anerae nyeŋero iyes akiwuapit ŋakiro ke Ekapolon anakiduk Namuroet na. Idaut tokona iyes aiun Ŋisirael, ido nyisicani Ekapolon ŋituŋa yok.”

Yos. 24:33

Abu Eleasar daŋ lokoku ka Aron totwan. Aponi tonukae iŋes Gibea lotaun ŋolo ainakinitae neni a Pineas alokoku keŋ anakwap a ŋina a ŋikamukumukui a ŋina a Epuraim.

Ŋikat. 20:28

ido arae Pineas lokoku ke Eleasar a ŋolo erae lokoku ka Aron iŋes etiyae etic ŋolo ka akidarit Asaduku alorwa a ŋul), kiŋita nai Ŋisirael Ekapolon temasi, “Elosyo ba isua nabo akitijiore ŋiyeneta kosi ŋituŋa a ekabila a Benjamin, kori imyekinio?” Toboŋok Ekapolon ikes tema, “Apesi, kitijikis ikes, anerae moi taparacu epotokini ayoŋ ikes napedor kus.”