Esir 7:25 - Ebaibul

²⁵ “Tosodi iyoŋ Esira, anaosou kon a ŋina ikiinit Akuj iyoŋ, toseu ŋikarikok a ŋituŋa ka ŋikatubok ŋakiro ŋulu etubete ŋakiro a ŋituŋa daadaŋ anakwap a ŋina alokekwaye aŋolol Eupurate, emaikina ŋikilyok ŋul toyenete ŋikisila ŋulu ka Akuj kon, tosodi emaikina iyoŋ kitatam ŋulu nyeyenete ŋikisila ŋulu ka Akuj.

Esir 7:25 Iomraidhean Croise

Akisy. 41:38

Tema Parao neni a ŋiketiyak keŋ, “Ikipedori kire iwon aryamun ituŋanan ice ŋini ikoni ekile lo a? Ituŋanan ŋini eyai Etau ka Akuj tooma keŋ a?”

Akisy. 41:39

Aŋun, tema Parao neni a Yosepu, “Ikwapei ikitoodikinia Akuj iyoŋ ŋakiro nu daadaŋ, mam ituŋanan ice ŋini epatana ayenun ŋakiro, ŋini eos ikwa iyoŋ.

1 Ŋirw. 3:28

Kiirasi Ŋisirael daadaŋ epite ŋolo kebunio erwosit totubio ŋakiro ŋun; min akereru neni kec aŋuna a erwosit, anerae apotu ikes kiŋolikis aosou ŋina ka Akuj ŋinatubet ŋakiro iyookino eyai neni a erwosit.

2 Ŋirw. 17:27

Tolimu nai erwosit ŋolo ka Asiriya tema, “Tolakakisi esacaradoti epei ŋolo arikunio alo Samaria, toboŋo akiboi alo Samaria, ikotere kitatam ŋituŋa ŋakiro ŋuna ecamakinit Akuj ŋina ka akwap a ŋin.”

1 Ŋakiro a ŋirwa 22:12

Ŋuna apolok ikes nu, elipi ikiinak Ekapolon iyoŋ ayenut ka aosou apaki ŋina ikiwuakinia iŋes iyoŋ akipuka Isirael daadaŋ, ikotere iyoŋ iwuapi ŋikisila ke Ekapolon ka Akuj kon.

1 Ŋakiro a ŋirwa 23:4

Tema Daudi, “Alotooma lu, emaikina ŋalipyo ŋatomoniarei ka ŋiomwon itiyaete etic ŋolo ka Akai ke Ekapolon, emaikina ŋalipyo ŋakanikapei toruwor ŋikapolok ka ŋikatubok ŋakiro,

Esir 10:4

Kitiyata ŋun, anerae erae etic kus, ikiriit isua ka iyes, togogoŋioto, kitiyata ŋun.”

Esir 6:6

“Iyoŋ Tatenai ekapolokiniton akwap a ŋina alokekwaye aŋolol Eupurate, iyoŋ Sesar-Bosenai ka iyes ŋirukitos kec, iyes ŋikiyakia ŋulu iya nakwap ŋina alokekwaye aŋolol Eupurate nyiretakis ŋituŋa akiduk Akai ka Akuj.

Esir 7:10

Arae Esira ituŋanan ŋini kebu kiwuak etau akiswon ŋikisila ŋulu ke Ekapolon ka akiwuap ikes ta ŋakiro ŋuna etubunitoe ka ŋikisila alo Isirael.

Esir 7:14

anerae ikiyaki iyoŋ erwosit kaapei ka ŋikilyok ŋulukanikaarei ŋulu iŋarakinito iŋes anakipuka akwap, akiŋitiŋitiun ŋakiro ŋuna etapito Yudaya ka Yerusalem, ŋakiro ŋuna elimunitoe alokisila ka Akuj kon, alokisila a ŋulu itiŋit iyoŋ anakan kon.

Neem. 9:3

Towua ikes anakiboisyo kec, ido yaasi ŋisaae ŋiuni esyomete ŋakiro alokitaabo a ŋolo a ŋikisila a Ekapolon a Akuj kec, tosodo nabo alotooma ŋisaae ŋiuni tolimonosi ŋasecisya kec ka kilipa neni ke Ekapolon a Akuj kec.

Ŋikiru. 19:7

Iyookino ŋikisila ŋulu ke Ekapolon, ikisimukyanakinete anakiyar. Ikinyoma ŋakiciketa ŋuna ke Ekapolon, einanakinete aosou neni a ŋulu emam ŋuna eyenete.

Ŋakit. 2:6

Ekapolon iŋes ikiinanakini aosou; Ekapolon elimununui ŋakiro ŋuna ka aosou ka ŋuna ka ayenun.

Ŋakit. 6:23

Erae ŋakiciketa ŋun etaa aneni kon ka erae ŋakitatameta ŋun akica aneni kon erae ŋuna ebookoi iyoŋ toesik ŋuna ikitatamete epite ŋolo emaikina iyoŋ toyarya.

Mal. 2:7

Erae etic ke esacaradoti akitatam ŋuna ka aosou, ido emaikina ŋituŋa kiwara ŋakiro ŋuna itatami iŋes, anerae erae iŋes ekiyakia ŋolo ke Ekapolon a ŋolo Etiron.

Mat. 13:52

Tolimok Yesu ikes tema, “Itoodiunito ŋakiro ŋun atemar eketataman a Ŋikisila ŋolo itatamitae aŋuna ka Apukan a ŋina anakuj, ikoni elope a akai ŋolo itoodiuni anabaru keŋ ŋiboro ŋulu kitet ka ŋulu ŋorok.”

Mar. 6:34

Ani edokuni Yesu anataker, toanyuwa asepic ŋina apolon; kisyonioto iŋes ŋituŋa, anerae ekote ikes ŋamesekin ŋuna emam ekeyokon. Kisyak nai akitatam ikes ŋakiro ŋuna agelegelya.

Ŋikis. 16:18

Emaikina iyes toseut ŋikatubok ŋakiro ka ŋikapolok alokabilae kus a daadaŋ, alotaunio kus a daadaŋ a ŋulu ikiini Ekapolon Akuj kus iyes, ikotere etubete ŋakiro a ŋituŋa anakiyookino.

Ŋikol. 1:28

Aŋun, elimonokinio isua ŋakiro a Kristo neni a ŋituŋa daadaŋ. Alotooma aosou daadaŋ icikanakinio ikes, ikotere yaunere ŋinituŋanan neni ka Akuj erae ŋini epakit anakiro a ŋuna ka Akuj anakimorikina ka Kristo.

Yak. 1:5

Ani keyai ipei alokidiŋ kus ŋini icana aosou, itemokino iŋes kiŋit Akuj. Einakini Akuj iŋes ikwa einanakinia ŋituŋa daadaŋ anarimao emam akisibura.