Esir 6:15 - Ebaibul

¹⁵ ido aponi kirikakinae akiduk Akai ŋin ŋirwa ke elap ŋiuni elap ŋolo enyaritae Adar alokaru a ŋolo a ŋikanikapei ipukat erwosit Darius.

Esir 6:15 Iomraidhean Croise

1 Ŋirw. 8:63

Inak Solomon ŋamuronisya nu ŋuna ke ekisil neni a Ekapolon: Ŋimoŋin ŋalipyo ŋatomoniarei ka ŋiarei ka ŋamesekin ŋalipyo amiat ka ŋatomoniarei. Aŋun, apotu erwosit ka ŋituŋa a Isirael daadaŋ kitaleikis Akai neni ke Ekapolon.

Esir 4:24

Apaki ŋin, aponi kimyekinae etic ŋolo ka akiduk a Akai ka Akuj, torubak jik etic ŋol egolokinitoe akitodol ekaru ŋolo a ŋiarei ipukat erwosit Darius ŋolo a Perisia.

Esir 5:16

Abu nai Sesabasar todukok akisyakinet a Akai ka Akuj alo Yerusalem, tosodi ameun akoloŋit ŋin tari tokona edukio Akai ŋin ka eriŋa nyirikakina.’

Esir 9:9

Kire, ikirae isua ŋipi, nai nyimyekina iyoŋ isua amina anapiitonut, nai ikitoodik iyoŋ isua amina kon ŋina nyiryaŋiryaŋa alokiŋaren erwosit a Perisia aŋuna ka ainakin isua akiyar ŋina kitete ikotere ikidukokini nabo Akai ka Akuj, osubakisi neni emunaara ka ikiryamuni neni ikiunor alo Yudaya ka alo Yerusalem.

Esta 3:13

Inakinae ŋabaruwae ŋun neni a ŋikapiranak toemyata nakwapin ŋuna epukat erwosit daadaŋ, ikotere tomunaarae, toarae ka tomunyarae Ŋiyudayan daadaŋ; ŋulu cicik ka ŋulu apolok, ŋaberu ka ŋidwe alotooma akoloŋit apei bon. Akoloŋit ŋin iŋes ŋirwa ke elap ŋitomon ka ŋiuni elap ŋolo ŋitomon ka ŋiarei, ŋolo enyaritae Adar, ido etemokino toŋatarae ŋiboro a Ŋiyudayan akoloŋit ŋin.

Esta 3:7

Ani edoli elap ŋolo ke epei, ŋolo enyaritae Nisan, ekaru ŋolo a ŋitomon ka ŋiarei ipukat Ausero, kitiyata ikes Pur, (Iŋes Akilamilam) alokiŋaren Aman aŋuna ka aanyunia akoloŋit ka elap ŋolo emunyarere Ŋiyudayan. Abu nai akilamilam kitatakanu erae ŋirwa ke elap ŋitomon ka ŋiuni, elap ŋolo a ŋitomon ka ŋiarei, elap ŋolo enyaritae Adar.

Esta 8:12

Arae akoloŋit apei bon ayeunitae akitiyakinia ŋun alotooma ŋakwapin daadaŋ ŋuna ka akwap a erwosit Ausero. Arae akoloŋit ŋin ŋirwa ka elap ŋitomon ka ŋiuni, elap ŋolo a ŋitomon ka ŋiarei, ŋolo enyaritae Adar.

Esta 9:1

Ani edoli ŋirwa ka elap ŋitomon ka ŋiuni elap ŋolo a ŋitomon ka ŋiarei, iŋes elap ŋolo enyaritae Adar, aponi togeunae akitiya ŋuna a ekisil a ŋolo abu erwosit kitutub. Akoloŋit ŋin, atamete ŋimoe a Ŋiyudayan areun Ŋiyudayan, nai apotu Ŋiyudayan toreut ŋimoe kec ŋulu emanito ikes.

Esta 9:15

Tocunakin Ŋiyudayan ŋulu aya Susa daŋ ŋirwa ka elap ŋitomon ka ŋiomwon elap ŋolo ka Adar, toara ikes alo Susa ŋituŋa ŋamiae ŋauni. Nai apotu Ŋiyudayan nyeŋatasi ŋiboro a ŋituŋa a ŋul.

Esta 9:17

Etiyakinosi ŋakiro ŋun ŋirwa ka elap ŋitomon ka ŋiuni elap ŋolo ka Adar. Ani edoli ŋirwa ka elap ŋitomon ka ŋiomwon, apotu Ŋiyudayan kieŋut; kituruwosi akoloŋit ŋin ŋina a ŋasuban ka alelyan.

Esta 9:19

Ŋakiro ŋun nai ecunanakinotor Ŋiyudayan ŋulu iboiyete alorerya ŋirwa ke elap ŋitomon ka ŋiomwon elap ŋolo ka Adar; ituruworitor akoloŋit ŋin ŋina ka alelyan, ŋina a ŋasuban, akoloŋit ŋina ajokan ŋina einanakinere make ŋainakineta.

Esta 9:21

Alimokin ikes atamunit akitiya ŋasuban ŋirwa ka elap ŋitomon ka ŋiomwon ta ŋirwa ka elap ŋitomon ka ŋikan elap ŋolo ka Adar a ŋolokaru.

Sakar 1:1

Ani edoli elap ŋolo a ŋikanikauni alokaru a ŋolo a ŋiarei, a ŋolo araakar Darius ekepukan ŋolo a Perisia, abu akirot ke Ekapolon bu neni a Sakariya ke ekadwaran a ŋolo arae lokoku a Berekia. Arae Berekia lokoku a Ido. Abala akirot ŋin ebe,

Sakar 1:16

Aŋun ŋakiro ŋuna irworo Ekapolon ikes nu, ‘Aboŋuni ayoŋ Yerusalem esyoni iŋes, ido edukokinio nabo Akai kaŋ nen. Ebutari etaun Yerusalem daadaŋ.’

Sakar 4:9

“Adau Serubabel adukokin akisyakinet ŋina ka Akai ka Akuj, irikakini iŋes akiduk Akai. Ani itiyakin ŋun, eyenunete nai ŋituŋa kaŋ atemar ayoŋ abu ekeyakiya iyoŋ neni kec.