Esir 6:12 - Ebaibul

¹² Elipi Akuj ŋina adau aseun Yerusalem aruwor akibois ŋina ilipere iŋes, tolema anapukan erwosit daadaŋ ka ŋituŋa daadaŋ ŋulu ikatakinete akilocokin ŋakiro nu, kori ŋini inyasuni Akai ka Akuj na alo Yerusalem. Ayoŋ, Darius atub ŋakiro ŋun, emaikina kiwuapae emam apegakinet.”

Esir 6:12 Iomraidhean Croise

1 Ŋirw. 9:3

Tema Ekapolon neni a Solomon, “Adau ayoŋ akiirar akilip kon ka adyekitoi kon, ŋuna ibu iyoŋ kirwor alokiŋaren kaŋ; adau ayoŋ akitaleun Akai na ŋina idau iyoŋ akiduk ka eturubakini ayoŋ ekiro kaŋ eyai ne ŋikaru ka ŋikaru arubakini ayoŋ eŋoliunit ka amina ne jik.

2 Ŋakiro a ŋirwa 7:16

Adau ayoŋ aseun ka akitaleun Akai na, ikotere erubakini ekiro kaŋ eyai ŋikaru ka ŋikaru, eyoki ayoŋ ka edari akibois ŋin ŋirwa daadaŋ.

Esir 6:13

Ikwapei nai alimunitor erwosit Darius, apotu Tatenai ŋolo arae ekapolokiniton a akwap a ŋina alokekwaye aŋolol Eupurate kaapei ka Sesar-Bosenai ta ŋirukitos kec ŋuluce kitiyata isiyookinito ŋakiro daadaŋ ŋuna abu erwosit Darius tolimu.

Esir 6:14

Aŋun, apotu ŋikasikou a Ŋiburaniyae toloto kiŋaren anakiduk Akai ka Akuj emam ŋace ka akidwar a ŋikadwarak a lu: Agai ka Sakariya lokoku a Ido. Apotu ikes kirikakis aduketait kec alotooma akiciket ŋina ka Akuj a Isirael ka atubunet a Kirus, Darius ka erwosit Aritaseses ŋirwosi ŋulu a Perisia;

Esir 7:15

Ikiyakitae daŋ iyoŋ ayaar esilipa ka egolid, ŋiboro ŋulu elemunito erwosit kaapei ŋikilyok ŋulu iŋarakinito iŋes anakipuka akwap, elemunito ikes ŋul anacamit kec a ŋikulepek ainakin neni ka Akuj a ŋina a Isirael, a Akuj a ŋina eyai akibois keŋ Yerusalem,

Esir 7:17

Emaikina iyoŋ kisitiya ŋisiliŋa ŋul agyelya ŋimoŋin, ŋimeesekin, ŋikaalei ŋulumesekin ka ŋainakineta ŋuna a ŋikinyom ta ŋainakineta ŋuna a ŋimaten, emaikina iyoŋ inak ikes neni ke Ekapolon a Namuroet a ŋina ka Akai ka Akuj kon alo Yerusalem.

Esir 7:26

Ŋituŋa daadaŋ ŋulu nyiwuapete ŋikisila ŋulu ka Akuj kon ka ŋikisila ŋulu ke erwosit, emaikina totubokinae ikes alokisila kerae atwanare, kori alemar alotuŋa, kori ademar ŋiboro kec, kori togolokinoe kai.”

Esta 8:14

Aŋun, apotu ŋikakerak todokakis ŋaŋolei ŋuna apiranak ŋuna ka apukan, toema kiŋa atipei, anerae alimokinit erwosit ikes akionyakin. Aponi nai ekisil ŋol tolimokinae lotuŋa alokai ka apukan a ŋina alo Susa.

Ŋikiru. 5:10

Okoe Akuj, totubok ka kisican ikes; kimyek ikes tomunyaros make anakiro a ŋuna etukete ikes akitiya. Aŋuna aseciata ikes nooi, kirita ikes nariet, anerae ikiŋero ikes iyoŋ.

Awos. 20:24

Emaikina iyes kitiyaut a ŋalup Namuroet aŋuna kaŋ, ido inanakis ŋainakineta kus neni kaŋ a nen, ŋainakineta kus ŋuna a ŋamesekin ka ŋimoŋin ŋuna epeyo ka ŋuna ke ekisil. Abuni ayoŋ akiterereŋ iyes anakibois a daadaŋ a ŋina akainakini ayoŋ iyes akilipya ayoŋ.

Ekal. 9:10

Etic daadaŋ ŋolo itiyaete iyes kitiyata anagogoŋu kus a daadaŋ, anerae emam etic, kori atamatam, kori ayenut, kori aosou anakibois a ŋikatwak a ŋina ilosete iyes alomar.

Isa. 60:12

Emunyaryo ŋituŋa a akwap, kori a apukan a ŋina nyikitiyanakini iyes; inyasunio nooi ŋakwapin ŋun.

Obad. 1:10

“Aŋuna ibunio iyoŋ toarya iryanyana ŋiletok a Yakob, ikirumete iyoŋ ŋileec ka ikitoŋopiyaryo iyoŋ jik.

Ŋitic. 9:5

Kiŋit Saulo tema, “Ŋae iyoŋ Ekapolon?” Toboŋok etoil tema, “Arae ayoŋ Yesu ŋolo isicanit iyoŋ.

Ŋikis. 12:11

emaikina nai iyes yaut ŋiboro daadaŋ ŋulu adau ayoŋ alimokin iyes nakibois ŋina eseuni Ekapolon Akuj kus akiboiyo, iyaunete iyes nen ŋainakineta kus ŋuna epeyo, ŋamuronisya kus atutubet apei alotooma ŋitomon a ŋiboro kus, ŋainakineta kus ka ŋainakineta kus daadaŋ ŋuna ajokak ŋuna ipotu iyes kikoŋo ainakin neni ke Ekapolon.

Ŋikis. 12:5

Nai emaikina iyes kiwarut akibois ŋina eseuni Ekapolon Akuj kus anakiboisyo a ŋikabilae kus aruwor neni iboiyo iŋes ka neni ilipere enyaritae ekiro keŋ. Emaikina iyes toloseneneete nen,

Ŋikis. 16:2

Emaikina iyes inakis neni ke Ekapolon Akuj kus amuronot ŋina a Paska, anamesekin ka anaatuk kus, kitiyata ŋun anakibois a ŋina eseuni Ekapolon Akuj kus kilipere enyaritae ekiro keŋ.