Esir 5:2 - Ebaibul

² Tosodo nai Serubabel lokoku a Sealtiel ka Yesua lokoku a Yosadak kisyakis akiduk nabo Akai ka Akuj alo Yerusalem, eŋarakinito ŋikadwarak a Akuj ikes alotic a ŋol.

Esir 5:2 Iomraidhean Croise

Esir 1:8

Inak erwosit Kirus ŋolo a Perisia ŋiboro ŋul daadaŋ kinyakarae Yerusalem. Abu iŋes inak ŋiboro daadaŋ neni a Mesiredas a ŋolo arae ekeŋadan ŋisiliŋa a erwosit, a ŋolo abu kimar ŋiboro ŋul, ido inak neni a Sesibasar a ŋolo arae ekapolokiniton a ŋituŋa a ekabila a Yuda.

Esir 10:18

Aponi toryamunae aloletok a ŋisacaradotin ŋikilyok ŋulu kepotu kiitut ŋaberu ŋunagelae. Aloletok a Yesua alokoku a Yosadak ka alokaitotoi keŋ, ŋulu ke potu kiitut ŋaberu ŋunagelae ikes lu: Maaseia, Elieser, Yarib ka Gedalia.

Esir 3:2

togeut nai Yesua lokoku a Yeosadak kaapei ka ŋisacaradotin ŋuluce ka Serubabel lokoku a Sealtiel ta ŋiyeneta keŋ adukokin Namuroet ŋina ka Akuj a Isirael ikotere einanakinete ŋainakineta ŋuna epeyo alokidiama Namuroet ŋin, lopite ŋolo elimunitere alokisila a Moses a ŋolo arae ituŋanan ŋini ka Akuj.

Esir 3:8

Alokaru a ŋolo a ŋiarei elap ŋolo a ŋiarei ameun anakoloŋit a ŋina adolunioto Ŋisirael Kai ka Akuj Yerusalem, togeikis Serubabel lokoku a Sealitiel ka Yesua lokoku a Yosadak akisyakinet a Akai ka Akuj. Etiyaete ikes kaapei ka ŋituŋa kec ŋuluce: Ŋisacaradotin, ŋilepi ka daadaŋ ŋulu aboŋunete Yerusalem anakwap a ŋina arikoritae ikes. Apotu ikes toseut ŋilepi ŋulu arae ŋikaru kec ŋatomoniarei ka adepar apolokin etic ŋolo ka akiduk Akai a Ekapolon.

Esir 6:14

Aŋun, apotu ŋikasikou a Ŋiburaniyae toloto kiŋaren anakiduk Akai ka Akuj emam ŋace ka akidwar a ŋikadwarak a lu: Agai ka Sakariya lokoku a Ido. Apotu ikes kirikakis aduketait kec alotooma akiciket ŋina ka Akuj a Isirael ka atubunet a Kirus, Darius ka erwosit Aritaseses ŋirwosi ŋulu a Perisia;

Agai 2:18

Nai ageun akoloŋit na, ŋina eraakar ŋirwa ke elap ŋatomoniarei ka ŋiomwon, elap ŋolo a ŋikanikaomwon, totamatamata nooi ŋuna ka akoloŋit a ŋina egeunere akiduk Akai ke Ekapolon.

Sakar 4:14

Aŋun, abu nai iŋes tema, “Erae ŋul ŋikilyok ŋiarei ŋulu aseu ka etaleu Akuj akitiyanakin Akuj ŋina erae Ekapolon a akwap a daadaŋ.”

Sakar 4:4

Abu ayoŋ eŋit emalaika ŋolo ikirworo ka ayoŋ otema, “Nyo ŋiboorei lu Ekapolon kaŋ?”

Sakar 6:11

Kitiyau ebokot alosilipa ka alogolid a ŋolo alemut ikes, ido kiwuak ebokot ŋol nakou a Yosua a esacaradoti a ŋolo Apolon nooi, a ŋolo erae lokoku a Yeosadak.

Sakar 8:9

“Totitinyokiata! Ipupete tokona iyes ŋakiro ŋunapei apotu ŋikadwarak kirworo apaki ŋina esyakinere adukokin nabo Akai ŋina ka Akuj.

2 Ŋikor. 1:24

Nyikicamit isua akitiŋakin iyes ŋuna itemokino tonupa; ikiyeni isua atemar icasito iyes ananupit kus. Akilo ŋun, ikitiyae isua kaapei ka iyes aŋuna ka alakara kus.