Esir 5:15 - Ebaibul

¹⁵ Abu erwosit Kirus tolimok Sesabasar tema, ‘Ya ŋiboro lu, kiwuak Kai ka Akuj alo Yerusalem, ido kimyek todukokinae nabo Akai ŋin nenipei koloŋ ayai.

Esir 5:15 Iomraidhean Croise

Esir 1:2

“Ebala erwosit Kirus ŋolo a Perisia ebe: ‘Adau Ekapolon Akuj ŋina anakuj ainakin ayoŋ akipuka ŋakwapin daadaŋ anakwap, ido akaseu ayoŋ adukokin aŋuna keŋ Akai Yerusalem nakwap a Yudaya.

Esir 3:3

Apotu ikes todukokis Namuroet nakisyakinet keŋ, tari ŋina akeritotor ikes ŋituŋa ŋulu eboiyete anakwap a ŋin. Tosodi inanakis ŋainakineta ŋuna epeyo alokidiama Namuroet ŋin, taparacu ka eboŋ.

Esir 5:14

Nabo daŋ, abu erwosit Kirus tolema alokai ka Akuj a ŋina alo Babilon ŋiboro ŋulu etiyaunitae a egolid ka esilipa ŋulu kebu Nebukadinesar tolema alo Kai ka Akuj a ŋina ayai Yerusalem ka abu yau kai ka akuj ŋina alo Babilon. Abu erwosit Kirus inak ŋiboro ŋul neni a ecekile a ŋolo anyaritae Sesabasar a ŋolo abu iŋes kiwuak toruwor ekapolokiton akwap a Yudaya.’

Esir 5:16

Abu nai Sesabasar todukok akisyakinet a Akai ka Akuj alo Yerusalem, tosodi ameun akoloŋit ŋin tari tokona edukio Akai ŋin ka eriŋa nyirikakina.’

Esir 6:3

“Alokaru a ŋolo esyaunan ipukat erwosit Kirus, abu iŋes totub ŋakiro nu ebe, ‘Emaikina Akai ka Akuj ŋina alo Yerusalem, todukokinae nabo, emaikina todukokinae akibois ŋina einanakinere ŋamuronisya ŋina eyaununuyo ŋainakineta ŋuna epeyo. Emaikina aoyau keŋ erae ŋimitae ŋatomoniarei ka ŋikanikaarei ameun alokwap tari kidiama ka torae alokiŋaren ka neni iteotor ŋimitae ŋatomiarei ka ŋikanikaarei,