Esir 4:24 - Ebaibul

²⁴ Apaki ŋin, aponi kimyekinae etic ŋolo ka akiduk a Akai ka Akuj, torubak jik etic ŋol egolokinitoe akitodol ekaru ŋolo a ŋiarei ipukat erwosit Darius ŋolo a Perisia.

Esir 4:24 Iomraidhean Croise

Esir 3:8

Alokaru a ŋolo a ŋiarei elap ŋolo a ŋiarei ameun anakoloŋit a ŋina adolunioto Ŋisirael Kai ka Akuj Yerusalem, togeikis Serubabel lokoku a Sealitiel ka Yesua lokoku a Yosadak akisyakinet a Akai ka Akuj. Etiyaete ikes kaapei ka ŋituŋa kec ŋuluce: Ŋisacaradotin, ŋilepi ka daadaŋ ŋulu aboŋunete Yerusalem anakwap a ŋina arikoritae ikes. Apotu ikes toseut ŋilepi ŋulu arae ŋikaru kec ŋatomoniarei ka adepar apolokin etic ŋolo ka akiduk Akai a Ekapolon.

Esir 4:23

Tosodi ani eswomakinio abaruwa a erwosit Aritaseses neni a Reum ka neni a Simisai a ekegirigiran ka neni a ŋirukitos kec a ŋuluce, toloto ikes atipei neni Ŋiburaniyae Yerusalem, kitiŋakis Ŋiburaniyae ka agogoŋu akimyekin etic kec ŋolo ka akiduk nabo etaun.

Esir 4:5

ido apotu ikes kiluŋuluŋa ŋikapolokinitok a ŋituŋa ka akwap a Perisia, ikotere nyecamakis ŋituŋa a ekabila a Yuda edukete nabo Akai ka Akuj. Torubakis ikes itiyaete ŋun ŋirwa daadaŋ ŋulu epukator Kirus akitodol apaki ŋina aruworor Darius ekepukan a Perisia.

Esir 5:1

Apotu ŋikadwarak Agai ka Sakarya lokoku a Ido todwara alokiro ka Akuj a ŋina a Isirael neni a Ŋiburaniyae a ŋulu ayakasi Yudaya ka Yerusalem.

Esir 5:5

Nai eyoki Akuj ŋikasikou a Ŋiburaniyae, aŋun, apotu ŋikapolok a Perisia ŋulu aya nakwapin ŋun nyiretakis Ŋiburaniyae akitiya etic ŋolo alosikinito ikes mati kigirakin Darius abaruwa ka keryamun aboŋokinet a abaruwa a ŋin.

Esir 6:1

Abu nai erwosit Darius totub akirot tolimu atemar toripiripae lokitaaaboi ŋulu igiritae ŋakiro ŋuna ka apukan, ŋulu eŋadatae Babilon.

Esir 6:14

Aŋun, apotu ŋikasikou a Ŋiburaniyae toloto kiŋaren anakiduk Akai ka Akuj emam ŋace ka akidwar a ŋikadwarak a lu: Agai ka Sakariya lokoku a Ido. Apotu ikes kirikakis aduketait kec alotooma akiciket ŋina ka Akuj a Isirael ka atubunet a Kirus, Darius ka erwosit Aritaseses ŋirwosi ŋulu a Perisia;

Esir 6:15

ido aponi kirikakinae akiduk Akai ŋin ŋirwa ke elap ŋiuni elap ŋolo enyaritae Adar alokaru a ŋolo a ŋikanikapei ipukat erwosit Darius.

Neem. 6:3

Aŋun, abu ayoŋ eyakiya ŋituŋa neni kec alimokin ikes ebe, “Etiyae ayoŋ etic ŋolo agogoŋon nooi, ido nyapedori ayoŋ abunore. Kaanukiro emyekinia ayoŋ etic, ido otiyaun neni kus?”

Neem. 6:9

Alimunete ikes ŋun, anerae acamito ikes daadaŋ akitubul isua etamete ebe, “Imyekinete ikes etic ŋolo ka akiduk, ido nyitiyakinio etic ŋol.” Nai tokona, okoe Akuj, kitogogoŋoi ayoŋ.

Yob 20:5

atemar erae alakara a ŋulu aronok ŋina euruwuana ka atemar erae alelyanu a ŋulu nyekerito Akuj adio cici a?

Dan. 11:2

“Akalimokini tokona ayoŋ iyoŋ ŋakiro ŋuna a kire. Eyakaunosi ŋirwosi ŋice ŋiuni Perisia, ebuni ŋolo a ŋiomwon ŋolo ebarit akilo ŋirwosi ŋulu esyaunak ŋuluuni daadaŋ. Kedau iŋes agogoŋior aŋuna ka abaru keŋ, ecunakini iŋes ŋituŋa daadaŋ akitijikin ekepukan ka Akaia.

Dan. 9:25

Aŋun, toyenu atemar ameun anapaki a ŋina alimorere atemar emaikina kinyakunae Yerusalem ka todukoe nabo, akitodol apaki ŋina ebunio ekarikon ŋolo eseunit Akuj, eyakaun ŋikaru ŋatomoniomwon ka ŋikanikaomwon ka alotooma ŋikaru ŋamiae ŋaomwon ka ŋatomonikanikapei ka ŋiomwon, edukokinio Yerusalem nabo toyakaun ŋirotin ŋulu ke etaun ka ŋarwatatain ŋuna erae ŋatabab ewuatere etaun, nai itiyao ŋun anapaki a ŋina a ŋican.

Agai 1:1

Ani edolete ŋikaru ŋulu araakar Darius erwosit a Perisia ŋiarei, ŋirwa ke elap epei elap ŋolo a ŋikanikapei, bu akirot ka Akuj aneni a ekadwaran a Agai neni a ekepukan a Yudaya a ŋolo anyaritae Serubabel lokoku Sealtiel ta neni a esacaradoti a ŋolo Apolon nooi a ŋolo anyaritae Yosua a lokoku a Yeosadak.

Agai 1:15

Apotu ŋun daadaŋ kitiyakin ŋirwa ke elap ŋatomoniarei ka ŋiomwon elap ŋolo a ŋikanikapei.

Agai 2:15

“Nai tokona, ekelipit ayoŋ iyes totamatamata nu nooi alotai kus, ageun akoloŋit na tari ŋirwa ŋulu eponito, totamatamata epite ŋolo eyakaunotor ŋakiro nyedukokina amoru kidiama amoru ŋinace alo Kai ke Ekapolon.

Agai 2:18

Nai ageun akoloŋit na, ŋina eraakar ŋirwa ke elap ŋatomoniarei ka ŋiomwon, elap ŋolo a ŋikanikaomwon, totamatamata nooi ŋuna ka akoloŋit a ŋina egeunere akiduk Akai ke Ekapolon.

Sakar 1:1

Ani edoli elap ŋolo a ŋikanikauni alokaru a ŋolo a ŋiarei, a ŋolo araakar Darius ekepukan ŋolo a Perisia, abu akirot ke Ekapolon bu neni a Sakariya ke ekadwaran a ŋolo arae lokoku a Berekia. Arae Berekia lokoku a Ido. Abala akirot ŋin ebe,

1 Ŋites. 2:18

Aŋuna acamitere isua aboŋun neni kus, abu ayoŋ Paulo elope ekatak abunore ŋapakio ŋuna alalak, nai abu Satan ikisipiyo isua.