Esir 4:20 - Ebaibul

²⁰ Ayakar Yerusalem ŋirwosi ŋulu agogoŋok ŋulu epukato akwap daadaŋ ŋina alokekwaye aŋolol Eupurate, ido alemenakinio ikes ocur ka etacit ŋolo alemununyete ŋituŋa aloboro a ŋulu ayakatar ikes, kori a ŋulu agyelanarete.

Esir 4:20 Iomraidhean Croise

Akisy. 15:18

Akoloŋit ŋin, tocamun Akuj ka Aburam tema Akuj, “Ainak ayoŋ akwap na neni a ŋiletok kon, anyoun anaŋolol a ŋina alo Ijipit tari naŋolol ŋina apolon nooi ŋina enyaritae Eupurate,

1 Ŋirw. 4:21

Arae Solomon apolokinit ŋakwapin ŋun daadaŋ anyoun anaŋolol a ŋina enyaritae Eupurate akitodol nakwap ŋina a Ŋipilistin, kiropo lokukor ŋolo a Ijipit. Atacete ŋakwapin ŋun ocur neni Solomon ka etiyanakinete ŋakwapin ŋun Solomon ŋirwa ŋulu a akiyar keŋ daadaŋ.

1 Ŋirw. 4:24

Epukat Solomon akwap daadaŋ ŋina alo To aŋolol ŋina enyaritae Eupurate ameun aneni enyaritae Tipisa tari Gasa, arae iŋes apolokinit ŋirwosi daadaŋ ŋulu alo To aŋolol Eupurate, esilito iŋes ka ŋikidunyet keŋ daadaŋ.

1 Ŋirw. 5:1

Ani iirari Iram, erwosit ŋolo a Tiro atemar eturuwor Solomon erwosit, elunyokin lorot a papa keŋ Daudi, kiyakiya iŋes ŋiketiyak keŋ neni a Solomon, anerae kerae sek iŋes ekone a Daudi.

1 Ŋirw. 5:4

Nai tokona, akainakinit ayoŋ Ekapolon Akuj kaŋ ekisil alowaetin a daadaŋ, mam emoit, kori ŋace daŋ ŋuna aronok.

1 Ŋakiro a ŋirwa 18:13

Torwoniar Daudi nooi kedau aboŋun alojie a ŋolo aarya Ŋiedomi ŋalipyo ŋatomon ka ŋikanikauni anakadipaalat a ŋina ka Acumbi.

1 Ŋakiro a ŋirwa 18:3

Abu daŋ Daudi kitijik erwosit ŋolo anyaritae Adadeser ŋolo a Soba, todoiyo ejie tari Amas, apaki ŋina alosyo Adadeser akikamar ŋakiboisyo ŋuna ayakasi diyete aŋolol ŋina enyaritae Eupurate.

1 Ŋakiro a ŋirwa 18:6

Kisiboik nai Daudi ŋasigarya keŋ Damasko, nakwap a Ŋiarameani; ido apotu Ŋiarameani toruworos ŋulu epukat Daudi, kisyakis akitac ocur neni a Daudi. Abu Ekapolon inak Daudi akilounun ŋimoe keŋ aneni daadaŋ abunio iŋes kitijikinio ikes.

1 Ŋakiro a ŋirwa 19:19

Ani eanyunete ŋituŋa ka Adadeser atemar elout Ŋisirael ikes, apotu kisila ka Daudi, toruwor Daudi ipukat ikes. Aŋun, apotu Ŋiarameani tokuryaketa akiŋarakin Ŋiamoni nabo.

2 Ŋakiro a ŋirwa 17:11

Apotu Ŋipilistin ŋice yaut ŋainakineta neni a Yeosapat, yaut esilipa daŋ erae ocur kec, yaut Ŋimarabui ŋakinei neni a Yeosapat; ŋimeesekin ŋalipyo ŋakanikaarei ka ŋamiae ŋakanikaarei, ŋikorwa ŋalipyo ŋakanikaarei ka ŋamiae ŋakanikaarei.

2 Ŋakiro a ŋirwa 9:14

pa imarakinitae ŋolo aryamununui iŋes aneni a ŋimucurus ikwapei ocur ka aneni a ŋirwosi a daadaŋ a ŋulu ka Arabia, ayaununeete ŋikapolok anakwap a Solomon egolid ka esilipa neni a Solomon.

Esir 4:13

Tokona ikilipi iyoŋ erwosit toyenu atemar, ani kedukokin nabo etaun lo ka kirikakin adukokin ŋarwatatain, ejoŋoete ŋituŋa lu akitac ocur ka etacit ŋolo sek amaikina ikes tolemut aloboro a ŋulu eyakatar ikes, kori egyelanarete, aŋun, ekudyokunete ŋiboro ŋulu sek elemununuyo aŋuna ke erwosit.

Esir 4:16

Ikiteyenikinitae isua iyoŋ erwosit atemar kedukokin nabo etaun ŋol, kirikakin adukokin ŋarwatatain keŋ, emamukaun ibore erae ŋini a erwosit anakwap a ŋina alokekwaye aŋolol Eupurate.”

Esir 4:19

Aŋun, abu ayoŋ otub atemar toripuripunae ŋakiro ŋun, ido adaun kire aripun atemar ŋinapei alorwa a ŋulu koloŋ keŋereneneete ŋituŋa a Yerusalem ŋirwosi ka ayakatar Yerusalem ŋituŋa ŋulu aŋerito ŋapukasinei ka ayakatar ŋituŋa ŋulu esyaak.

Esir 4:21

Aŋun, emaikina iyes tolimokis ŋituŋa ŋul atemar tojoŋoto akitiya etic ŋol ka atemar nyedukokin nabo etaun ŋol akitodol ŋina atubunio ayoŋ ŋakiro kaŋ.

Esir 7:24

Ikilimokinitae daŋ iyes atemar nyemaikina iyes toriekis akitac ocur, kori akijaun ediotacit aneni a ŋisacaradotin, a ŋilepi a ŋikaeok, a ŋiketeok ŋipukei, a ŋiketiyak ka ŋaketiyak ŋulu ka Akai ka Akuj, kori ŋiketiyak ca daadaŋ ŋulu ka Akai a ŋina ka Akuj.

Ŋikiru. 72:8

Elipi kipuka iŋes ameun ananam a ŋinace tari ŋinace ka ameun anaŋolol Eupurate tari nakisalet a akwap.

Aum. 1:1

Kesilyor etaun lo, ŋolo paaran eleleba ŋituŋa! Ekwaanikin bareca iŋes ka apuserut, torae bo sek arae iŋes etaun ŋolo etopoloorito ŋituŋa a ŋakwapin! Etaun lo iŋes sek epol anakiboisyo a ŋunace, ekwaanikin tokona ka epito.

Esek. 19:11

Aponi atorom keŋ ŋina agogoŋon nooi ŋin tolemunae toruwor ebela a erwosit. Abu sek ekitoe a epiini ŋol tooyaar kileŋ ŋaten ŋuna ka amoni a nen, Abu ekitoe ŋol kileereu a nen erae ŋolo eoya nooi ka ayakar ŋaten ŋuna alalak nooi.

Mat. 9:9

Torotok Yesu a nen; ani eriŋa elosi alorot, toanyuwa ekile ŋolo anyaritae Matayo iboi anapis a ŋina atacere ocur. Tolimok Yesu iŋes tema, “Kiwuapakinae ayoŋ.” Tonyou Matayo, kiwuapak Yesu.