Esir 4:2 - Ebaibul

² toloto ikes neni a Serubabel ka neni a Yesua ta neni a ŋikarikok a ŋatekerin, tolimokis ikes ebe, “Oduko kaapei ka iyes, anerae ilipyo isua daŋ neni ka Akuj kus lopite ŋolo ilipyata iyes, ido einanakinio isua neni keŋ ŋamuronisya ameun alorwa a ŋulu a erwosit Esaraadon a ŋolo ka Asiriya, a ŋolo ikiyauni isua ne.”

Esir 4:2 Iomraidhean Croise

Akisy. 10:11

Alo Sinar, abu Nimirod tolot Asiriya, todukok ŋitaunio lu nen: Ninepe, Reobosir ka Kala;

2 Ŋirw. 17:24

Yau erwosit ŋolo ka Asiriya ŋituŋa, ŋice alo Babilon, ŋice alo Kusa, ŋice alo Aba, ŋice alo Amas ka ŋice alo Separabaim, kitolomu ikes lotaunio a Samaria (ekiro ŋolo aponi tonyaraere atyekatait ŋina a Isirael) akilunyokin neni sek aya Ŋisirael. Torebuwasi ikes Samaria, toloma lotaunio keŋ.

2 Ŋirw. 17:41

Kire elipete ŋituŋa a ŋakwapin a ŋun neni ke Ekapolon, nai elipeneneete daŋ neni a ŋitorubei a ŋulu ecyeununeete ikes. Tari tokona eriŋa ŋidwe kec ka ŋidwe a ŋikecedwe erubakinito iwuapito ŋipitesyo atapapaa kec.

2 Ŋirw. 19:37

Akoloŋit apei eriŋa iŋes ilipi alokai a ŋina ka Akuj keŋ a ŋina anyaritae Nisirok apotu ŋidwe keŋ ŋulusapa Adiramalek ka Sareser kitelo iŋes a ekileŋ toara, ido tosiwa ikes nakwap ŋina anyaritae Ararat. Abu lokoku keŋ ŋolo anyaritae Esaradon kilunyokin lokicoloŋ keŋ kipuka Asiriya.

Esir 1:5

Apotu nai ŋikarikok a ŋikalya a ŋikabilae a Yudaya ka Benjamin ka ŋisacaradotin ta ŋilepi kaapei ka ŋituŋa daadaŋ ŋulu abu etau ŋolo ka Akuj min nen kec, tonyout kitipeiyosi Yerusalem adukokin nabo Akai ke Ekapolon Yerusalem.

Esir 2:2

Aboŋunete ikes kaapei ka Serubabel, Yesua, Neemia, Seraia, Reelaia, Moridekai, Bilisan, Misipar, Bigipai, Reum ka Baana. Erae lo ekimar a Ŋisirael a ŋulu apotu toboŋut nakwap a Yudaya:

Esir 3:12

Nai ŋisacaradotin ŋulu alalak, ŋilepi, ŋikarikok a ŋatekerin ka ŋituŋa ŋulu amojoŋito ŋulu sek eŋolikinito Akai ka Akuj ŋina a ekiŋaren ewoi anakisyakinet keŋ, apotu kigworo eworoete nooi iŋolikinete Akai ŋina ariŋa edukio, tari daŋ ŋina alalakyata ŋituŋa ŋulu eworoete aŋuna ka alakara.

Esir 3:2

togeut nai Yesua lokoku a Yeosadak kaapei ka ŋisacaradotin ŋuluce ka Serubabel lokoku a Sealtiel ta ŋiyeneta keŋ adukokin Namuroet ŋina ka Akuj a Isirael ikotere einanakinete ŋainakineta ŋuna epeyo alokidiama Namuroet ŋin, lopite ŋolo elimunitere alokisila a Moses a ŋolo arae ituŋanan ŋini ka Akuj.

Neem. 9:32

“Aŋun nai, Akuj kosi, Akuj ŋina ka apedor, ŋina etiron ka ŋina ikitubuli, ŋina iricit acamunet ka amina ŋina nyiryaŋiryaŋa, nyijamak ŋatyokisyo ŋuna apotu neni kosi, neni a ŋirwosi kosi, neni a ŋikepukak kosi, neni a ŋisacaradotin kosi, neni a ŋikadwarak kosi ka neni atapapaa kosi, neni a ŋituŋa kon a daadaŋ ameun anapaki a ŋina a ŋirwosi a ŋulu ka Asiriya akitodol nakoloŋit na.

Ŋikiru. 73:8

Ekyenatar ikes ŋituŋa ŋuluce ka irworosi ikes ŋakiro ŋuna aronok; iturosi ikes, ido etukete ŋakiro ŋunakisicanet ŋuluce.

Isa. 37:37

Abu nai erwosit Senakerib ŋolo ka Asiriya tolot, toboŋo lore keŋ, kiboi alo Ninepe.

Isa. 37:38

Akoloŋit apei eriŋa Senakerib ilipi alokai a akuj keŋ a ŋina anyaritae Nisirok, apotu ŋidwe keŋ ŋulusapa Adiramalek ka Sareser toara iŋes a ekileŋ, ido tosiwa nakwap ŋina ka Ararat. Abu lokoku keŋ ŋolo anyaritae Esaradon kilunyokin lokicoloŋ keŋ kipuka Asiriya.

Osea 14:3

Nyepedori Asiriya aiun isua, nyikime nabo isua ŋaŋolei, nyeriŋa nabo isua ikitemari neni a ŋiboro a ŋulu ikitiyauni isua a ŋakan kosi ebe, ‘Ŋakujo kosi.’ ”

Ŋigal. 2:4

Nai acamito ŋice atemar kitiyae ikoŋina. Apotu ŋikilyok ŋul kirepunos natukot kosi erae ŋikaripiripak itusubuna ŋikanupak, aŋuna ka akimimaun alacakina ŋina ayakare isua anakimorikina kosi ka Yesu Kristo. Apotu ikes kitiyata ŋun, anerae acamito akitiŋakin isua akiwuap Ŋikisila a Moses.

2 Tim. 3:8

Ikwaŋina aponiata Yane ka Yambure kitepega Moses, itepegete ŋikilyok ŋul daŋ ŋakiro ŋuna a kire--ŋikilyok ŋulu nyisitiyaete ŋatameta kec ka ŋulu enyasut anupit kec.