Esir 3:7 - Ebaibul

⁷ Aŋun, apotu ikes inakis ŋisiliŋa neni a ŋikadukok ka neni a ŋikecak ŋabaoi, inanakis ŋamuja, ŋimaten ka ŋamyeta neni a ŋisidonianika Ŋitironi, ikotere eyaunete ŋakito ŋuna a Cedar alo Lebanon nanam tari Yopa, lopite ŋolo alimokinitor ikes erwosit Kirus ŋolo a Perisia.

Esir 3:7 Iomraidhean Croise

2 Sam. 5:11

Kiyakiya Iram erwosit ŋolo a Tiro ŋituŋa neni a Daudi. Kitaya ikes ŋakito ŋuna a cedar ka ŋikeceak ŋabaoi ka ŋikadukok a ŋamoru, ido apotu ŋul toduko akai a Daudi ŋina ka apukan.

1 Ŋirw. 5:6

Aŋun, tolimok ŋituŋa okoyepakin ayoŋ ŋakito a ŋikito a ŋulu enyaritae Cedar alo Lebanon. Epote ŋiketiyak kaŋ kimorikinos ka ŋiketiyak kon kitiyata kaapei ido akainakini ayoŋ iyoŋ eropit ŋolo ilimuni iyoŋ aŋuna a ŋiketiyak kon; anerae iyeni iyoŋ atemar mam ice alokidiŋ yok ŋini eyeni ŋikito ikwa ŋituŋa ŋulu a Sidon.”

2 Ŋirw. 12:10

Apaki daadaŋ ŋina ilelebunotor ŋisiliŋa nasaduku ŋin, arukunete ekegiran ŋolo ke erwosit ka esacaradoti ŋolo apolon nooi, kimara ŋisiliŋa ŋul kiturakis locweei.

2 Ŋirw. 12:13

Nai amam alosiliŋa a ŋul ŋulu aponi togyelere ŋabakuli ŋuna a esilipa, ŋausi ŋuna inokere ŋitaae, ŋabakuli ŋuna ewuasere, kori ŋarupepe, kori idiobore ŋini itiyaunitae a egolid, kori a esilipa.

2 Ŋakiro a ŋirwa 34:10

Apotu ŋituŋa ŋulu eyakit Yosia ŋul inakis ŋisiliŋa neni a ŋulu apolokinito etic ŋolo ka Akai ke Ekapolon, tosodo ŋul totaca ŋiketiyak ŋulu adukete neni amunaanara ka akitojokun nabo Akai ka Akuj.

Esir 3:6

Ameun anakoloŋit a ŋina esyaunan a elap a ŋolo a ŋikanikaarei togeut ikes ainanakin ŋainakineta ŋuna epeyo neni ke Ekapolon. Nai ariŋa nyedukokina akisyakinet a Akai ka Akuj.

Esek. 27:17

Apotu ŋituŋa a Yudaya ka ŋulu a Isirael kicurutata ka iyoŋ; apotu ikes yaasi ŋiboro kon, ikiinakis iyoŋ ŋaganoi ŋuna alo Minisis, ŋakima, ao, akimyet ka ekitoe ŋolo a ŋajemei.

Yona 1:3

Nai abu Yona tonyou tolot Tarisis erae ŋolo eŋerit ŋuna abala Ekapolon. Aŋun, abu totiyaiyar Yopa, toryamu ameeli ŋina alosi Tarisis, totac ŋisiliŋa ŋuludoket, toloma tooma keŋ, ikotere erukorete Tarisis ka ŋituŋa ŋulu alosete inaa, anerae aŋerit iŋes akiwuap acamit ke Ekapolon.

Ŋitic. 12:20

Aŋoikinit Erode ŋituŋa ŋulu a Tiro ka Sidon. Potu nai ŋituŋa ŋul kaapei neni keŋ. Ani kedaut ikes akitacamun Blasto ŋolo arae eketiyan ke Erode, ŋolo ekinyomitae ŋakiro kec, kiŋita ikes Erode akisil ka ikes; anerae arae nakwap ŋina epukat Erode aryamununuya akwap kec akimuj.

Ŋitic. 9:36

Ayai Yoppa akanupan ŋina anyaritae Tabisa. (Anyaritae ekiro keŋ a Ŋagirik Dorka, iŋes atemar “Agete.”) Etiyae iŋes ŋuna ajokak akiŋaranakin ŋikulyak.

Ŋitic. 9:38

Keris ŋikasyomak kiirasi atemar ayai Petero Yoppa, ido aŋuna aapiya Lidda alo Yoppa, kiyakiyasi ikes ŋikilyok ŋiarei akimaima iŋes temasi, “Okoe, kiwonyu neni kosi atipei.”

Ŋitic. 9:43

Kiriya Petero ŋirwa ŋulu alalak alo Yoppa, iboi aneni a Simoni, a ŋolo emanyimanyi ŋilowi a ŋityaŋ.