Esir 2:63 - Ebaibul

⁶³ aŋun, abu ekepukan tolimok ikes atemar nyemaikina ikes kimuja ŋamuja ŋuna itesegitae, mati kilamilam esacaradoti toyenunia ŋakiro ŋuna emaikina ikes kitiyata.

Esir 2:63 Iomraidhean Croise

Esir 2:64

Arae ekimar a ŋituŋa a daadaŋ a ŋulu apotu toboŋut Yerusalem alo Babilon ŋalipyo ŋatomoniomwon ka ŋaarei ka ŋamiae ŋauni ka ŋatomonikanikapei,

Neem. 10:1

Nakaratas ŋina ipucakinitae ŋin, eyakasi ŋirorwa a Neemia a ekepukan a ŋolo arae lokoku ka Akalia ka ŋolo a Sedekia,

Neem. 10:2

Seraia, Asaria, Yeremia,

Neem. 7:65

Aŋun, abu ekepukan tolimok ikes atemar nyemaikina ikes kimuja ŋamuja ŋuna itesegitae, mati kilamilam esacaradoti toyenunia ŋakiro ŋuna emaikina ikes kitiyata.

Neem. 8:9

Apotu nai Neemia ŋolo arae ekepukan ka Esira ŋolo arae esacaradoti ka eketataman a ŋikisila ta ŋilepi ŋulu etatamete, tolimokis ŋituŋa temasi, “Erae akoloŋit na ŋina eseg aneni ke Ekapolon Akuj kus, nyiyaloloŋo, kori nyigworo.” Alimunete ikes ŋun, anerae apotu ŋituŋa daadaŋ kigworo apaki ŋina eiraryata ŋakiro ŋuna a ŋikisila.

Awos. 28:30

Kiwuak loboli ŋol ŋolotubet ŋakiro ŋiboro lu: Ibore ŋini isileereununui ŋakiro ŋini enyaritae Urim ka ŋini isiyoonokini ŋakiro ŋini enyaritae Sumim. Emaikina Aron enapit ŋiboro ŋul anatorobu keŋ apaki daadaŋ ŋina elomarya nakibois ŋina Asegan nooi ŋina eyai Ekapolon. Aŋun, emaikina Aron torubak enapit eboli anatorobu keŋ apaki daadaŋ ŋina etubio ŋakiro a Ŋisirael alokiŋaren Ekapolon.”

Ŋilep. 2:10

Tosodi nai akimuj ŋinace ŋina idoŋit, emaikina kidoŋ erae ŋina ka Aron ka ŋidwe keŋ ŋulusapa. Erae ainakinet ŋina a ŋikinyom ŋin ŋina asegan nooi ŋina epeyo aŋuna ke Ekapolon.

Ŋilep. 2:3

Tosodi nai ŋikinyom ŋuluce ŋulu idoŋito anainakinet, emaikina kidoŋo erae ŋulu ka Aron ka ŋidwe keŋ ŋulusapa. Erae ainakinet ŋina ŋikinyom ŋina asegan nooi ŋina epeyo aŋuna ke Ekapolon.

Ŋilep. 22:10

“‘Nyecamakinitae ituŋanan ŋini nyerae ŋini ke ekal a ŋisacaradotin enyami ŋainakineta ŋuna asegak ŋun, mam tari epito ŋolo ke esacaradoti, kori ituŋanan ŋini ilejileji lore keŋ.

Ŋilep. 22:13

Nai, ani ekaku keruwor nakoku ke esacaradoti ŋin apuserut, kori kelaki, ido tomam ŋidwe, toboŋu akiboi lore a papa keŋ lopite ŋolo sek eboiyo eriŋa erae apese, emaikina iŋes tonyam akimuj ŋina enyami papa keŋ. Nyecamakinitae ŋituŋa ŋulu nyerae ŋisacaradotin enyamete akimuj ŋin.

Ŋilep. 6:17

Nyemaikina kipoi iwuakinitae ŋakinyalet; ainak ayoŋ ikes ŋakirya ŋun erae ŋuna emaikina ikes toryamut anainakinet a ŋina epeyo aŋuna kaŋ. Eseg ainakinet ŋin nooi, ikwaan ka aŋuna ka asecit ta ŋina ke ekaile aŋuna ka asecit.

Ŋilep. 6:29

Emaikina ituŋanan daadaŋ ŋini erae ŋinisapat aloletok a ŋisacaradotin kimuj ainakinet ŋin, erae ainakinet ŋin ŋina eseg nooi.

Ŋilep. 7:16

Nai, ani kerae ainakinet keŋ ŋin ŋina ikoŋitor iŋes, kori ŋina emam ŋakiro elemunitere, emaikina tonyamae akoloŋit ŋina eyaunia ituŋanan, nai ibore ŋini idoŋi, emaikina kimujae akoloŋit ŋina etupakini ŋin,

Ŋilep. 8:8

Kitanapik Moses Aron eboli, ido kiwuak ŋiboro lu loboli: Ibore ŋini isileereununui ŋakiro ŋini enyaritae Urim

Ekim. 18:19

Ŋainakineta ŋuna asegak daadaŋ ŋuna einakinete Ŋisirael neni ke Ekapolon, akainak ayoŋ iyoŋ ka ŋidwe kon ŋulusapa ka ŋulupesur, erae ainakinet ŋina emaikina iyes toryamut erae ŋina kus ŋikaru ka ŋikaru. Erae ŋun Acamunet ŋinaruba alokiŋaren Ekapolon, ŋina emaikina iyoŋ ka ŋiletok kon kiwuapa.”

Ekim. 18:32

Nyikitoroniaryo iyes kitiyata ŋun, anerae iinakis iyes neni ajokan nooi a ŋainakineta a ŋun neni ke Ekapolon. Nyemaikina iyes tomunaasi ŋainakineta a Ŋisirael ŋuna asegak, ani kitiyata iyes ŋun itwakete.’ ”

Ekim. 27:21

Nai, ewoi iŋes alokiŋaren Eleasar esacaradoti, ŋolo iŋitununui aŋuna keŋ ŋakiro anakisileerekinet a ŋina ke Ekapolon, mati kelimu iŋes atemar apena toloto nai Ŋisirael daadaŋ ka iŋes lojie ka mati kelimu iŋes atemar oboŋosi, iŋes nai eboŋunioto iŋes ka Ŋisirael daadaŋ alojie.”

Ŋikis. 33:8

Abu Moses kirwor ŋakiro nu aŋuna a ŋituŋa a ekabila a Lepi: Inak ŋiletok a Lepi ibore ŋini enyaritae Sumim, inak daŋ ikes ibore ŋini isileereununui ŋakiro ŋini enyaritae Urim, ŋiletok a Lepi ŋulu ibu iyoŋ kikatak alo Masa, ŋulu ibu iyoŋ apaki ŋina ayakatar neni aya ŋakipi ŋuna a Meriba,

1 Sam. 28:6

Ani iŋisi Saul Ekapolon ŋuna emaikina iŋes kitiya, abu Ekapolon nyeboŋok iŋes, kerae anakirujaeta, kori anakilamilam ka adio, kori alokadwaran ke edio.