Esir 10:1 - Ebaibul

¹ Ani eriŋa Esira ilipi elimonori ŋasecisya ŋun kigworo ecakanakin kwap alokiŋaren Akai ka Akuj, tocunun neni ayai Esira Ŋisirael ŋulu alalak nooi: Ŋikilyok, ŋaberu ka ŋidwe, apotu ŋituŋa ŋul daŋ kigworo nooi.

Esir 10:1 Iomraidhean Croise

1 Ŋirw. 8:30

Kiira adyekitoi a eketiyan kon ka ŋina a ŋituŋa kon a Ŋisirael apaki ŋina ilipyata iŋoliunito nakibois na. Okoe kiirarae isua anakuj aneni iboiyo iyoŋ topupok, ido ikisyon.

1 Ŋirw. 9:3

Tema Ekapolon neni a Solomon, “Adau ayoŋ akiirar akilip kon ka adyekitoi kon, ŋuna ibu iyoŋ kirwor alokiŋaren kaŋ; adau ayoŋ akitaleun Akai na ŋina idau iyoŋ akiduk ka eturubakini ayoŋ ekiro kaŋ eyai ne ŋikaru ka ŋikaru arubakini ayoŋ eŋoliunit ka amina ne jik.

2 Ŋakiro a ŋirwa 20:13

Apaki ŋin, awuasi ŋikilyok ŋulu a Yudaya daadaŋ ka ŋaberu kec ta ŋidwe kec alokiŋaren Ekapolon.

2 Ŋakiro a ŋirwa 20:9

‘Ani kepotu ŋican neni kosi, ejie, atubokino, kori ŋidekesyo, kori ŋironia, ikiwoi isua alokiŋaren Akai na ka alokiŋaren kon, anerae Kai na ikilipere iyoŋ, ikigworonokini isua iyoŋ alo Kai a na alorwa a ŋulu a ŋican, ido ikiirari iyoŋ isua itoiu’

Esir 10:6

Tonyou nai Esira alokiŋaren Akai ka Akuj tolot nagule ŋina a Yeoanan a lokoku ka Eliasib neni abu iŋes toper akuwar ŋin. Nyenyama iŋes kori nyemata iŋes idiobore, anerae eyaloloŋi iŋes aŋuna ka amamukau anupit aneni a ŋituŋa a ŋulu aboŋunete anakwap a ŋina arikoritae ikes.

Neem. 1:4

Ani eirari ayoŋ ŋakiro ŋun, abu eboikin, egwor, eyaloloŋ ŋirwa ŋulu alalak eredakinit akiron ka elipi alokiŋaren Akuj ŋina anakuj.

Neem. 1:6

kiŋolik eketiyan kon ka kiira akilip a eketiyan kon, ŋina tokona elipi ayoŋ alokiŋaren kon naparan ka nakwaare aŋuna a ŋiketiyak kon, a ŋituŋa a Isirael, alimorit ayoŋ ŋasecisya a Ŋisirael ŋuna aseci isua aneni kon, ikisec ayoŋ kaapei ka ekal kaŋ.

Neem. 10:28

Apotu ŋituŋa ŋuluce lu daadaŋ: Ŋisacaradotin, ŋilepi, ŋiketeok ŋipukei, ŋikaeok, ŋiketiyak ka Akai ka Akuj ka daadaŋ ŋulu apotu totyakaros alotuŋa a ŋakwapin aŋuna ka akiwuap ŋikisila ŋulu ka Akuj, kaapei ka ŋaberu kec, ŋidwe kec ŋulusapa ka ŋulupesur ka daadaŋ ŋulu ayakatar aosou ka ayenut,

Neem. 8:9

Apotu nai Neemia ŋolo arae ekepukan ka Esira ŋolo arae esacaradoti ka eketataman a ŋikisila ta ŋilepi ŋulu etatamete, tolimokis ŋituŋa temasi, “Erae akoloŋit na ŋina eseg aneni ke Ekapolon Akuj kus, nyiyaloloŋo, kori nyigworo.” Alimunete ikes ŋun, anerae apotu ŋituŋa daadaŋ kigworo apaki ŋina eiraryata ŋakiro ŋuna a ŋikisila.

Ŋikiru. 119:136

Eleleete ŋakiyo anakonyen kaŋ, anerae nyiwuapitae ŋikisila kon.

Ŋikiru. 32:5

Abu nai ayoŋ ocamu asecit kaŋ aneni kon, abu nyemunon aronis kaŋ. Abu otema “Alimori ayoŋ aronis kaŋ neni ke Ekapolon,” ido ibu iyoŋ ikisyoni ayoŋ akiilit a ŋina ka asecit kaŋ.

Yer. 13:17

Nai ani pa kiirasi iyes ŋakiro keŋ, alosi ayoŋ akigwor anakimunono aŋuna kaakituro kus egwori ayoŋ nooi kibwaliyasi ŋakiyo ŋakonyen kaŋ anerae erikoryo ŋituŋa a Ekapolon nakwap ace.

Yer. 9:1

Okoe kerae ca torae akou kaŋ eitanit a ŋakipi ka torae ŋakonyen kaŋ elelya a ŋakiyo, kapedorit ayoŋ akigworo naparan ka nakwaare aŋuna a ŋituŋa kaŋ a ŋulu aari, a ŋulu a ŋican.

Dan. 9:20

Ani eriŋa ayoŋ erworo, elipi, alimonori ŋasecisya kaŋ ka ŋasecisya a ŋituŋa kaŋ a Ŋisirael ka adyekanar neni ke Ekapolon Akuj kaŋ aŋuna a emukura keŋ a ŋolo asegan a ŋolo ka Akuj kaŋ

Osea 14:2

Okoe Ŋisirael, toboŋutu neni ke Ekapolon, a ŋakiro kus aŋuna ka akiki tolimokisi Ekapolon ebe, “Tolema ekaile ŋolo ka asecit daadaŋ, tocamu ŋinibore ejok daadaŋ, ido ikiinakini isua iyoŋ ŋainakineta ŋuna ikiikinio iyoŋ.

Sakar 12:10

“Elelebikini ayoŋ neni a ŋipapae a Daudi ka ŋituŋa ŋuluce ŋulu a Yerusalem etau ŋolo ka akisyon ka ŋolo ka akilip. Iŋoliunete ikes neni kaŋ a ŋolo apotu ikes kicuma, igworete ikes aŋuna kaŋ lopite ŋolo igworor ituŋanan aŋuna a ikoku a ŋini sek arae ipei bon. Iyaloloŋete ikes aŋuna keŋ nooi, lopite ŋolo iyaloloŋio ituŋanan ikoku ŋini erae ikiyae.

Mat. 3:6

ido kibatisa Yoana ikes anaŋolol alo Yorodan kedaut alimonor ŋasecisya kec.

Luk. 19:41

Toapiya Yesu Yerusalem; ani iŋolikini, kikalou aŋuna a ŋituŋa a ŋulu ke etaun a ŋol,

Ŋitic. 10:30

Toboŋok Kornelio tema, “Ŋirwa ŋiuni ŋulu alunyarosi, elipi ayoŋ alokai kaŋ ŋisaae ŋikanikaomwon ŋulu ka apaaran--arae esaa lopeilo. Apaki ŋinapei ŋin, onaŋakin ekile ŋolo anapit ŋilowi ŋulu amilimilete ewuoi alokiŋaren kaŋ.

Ŋitic. 21:5

Tari ŋina alimunitere ŋun, ani edaun ŋarwa ŋuna arukitere isua ka ikes, kitemokinetei isua arotokin. Ikitenakis isua ŋikanupak daadaŋ ka ŋaberu kec ta ŋidwe daŋ, tolotoi kiŋa etaun nacukut ŋina ka anam, toryedikoe kilipae, ido totyakatei.

Ŋirom. 9:2

Erae ŋun kire atemar epol nooi akiyaloloŋ kaŋ ka nyedaun aryeba ŋina eyai lotau kaŋ aŋuna a ŋituŋa kaŋ. Erworo ayoŋ aŋuna a ŋituŋa a ŋulu ke ekabila kaŋ.

Ŋikis. 31:12

Akoloŋit ŋin tocunakisi ŋituŋa, ŋikilyok, ŋaberu ka ŋidwe kaapei ka ŋigelaanotin ŋulu iboiyete alotaunio kus, ikotere kiirasi ka toyenut akitopoloorit Ekapolon Akuj kus, kiwuapa ejok ŋakiro daadaŋ ŋuna eya lokisila ŋul,

Yos. 7:6

Apotu Yosua kaapei ka ŋikarikok a Ŋisirael tocilicileta ŋilowi kec anakiyaloloŋ, tobuburiyaros kilipa alokiŋaren Asaduku ŋina ka Acamunet a ŋina ke Ekapolon. Topero ikes aneni akitodol eboŋ, ipuripurito apuwa nakyes kec akitoodiunia akiyaloloŋ kec.

Yos. 8:35

Tosyomak Yosua ŋituŋa Ŋikisila a Moses daadaŋ, kiirasi ŋituŋa daadaŋ kiirasi tari ŋaberu ka ŋidwe ta ŋituŋa ŋulu a ŋakwapin a ŋunagelae ŋulu aya nen.