Esir 1:6 - Ebaibul

⁶ Apotu ŋikidunyet kec daadaŋ inanakis ikes ŋiboro ŋulu isitiyao alo Kai ka Akuj, ŋulu etiyaunitae a esilipa, inanakis ikes egolid, ŋiboro ŋulu egelegelya, ŋibaren ka ŋainakineta ŋuna epol egyelit pa imaritae ŋainakineta ŋuna ainakini ituŋanan anacamit keŋ a ilope.

Esir 1:6 Iomraidhean Croise

1 Ŋakiro a ŋirwa 29:9

Apotu ŋituŋa tolelyana aŋuna aponiata ŋikarikok inakis alotooma acamit kec, apotu ikes inakis neni ke Ekapolon einakina a ŋitai kec a daadaŋ. Abu erwosit Daudi daŋ tolelyan nooi.

Esir 1:4

Emaikina ŋipiya a ŋituŋa daadaŋ, anakiboisyo a daadaŋ a ŋuna iboiyoto ikes, toryamut aneni a ŋituŋa a ŋulu a akibois a ŋina iboiyoto ikes esilipa, egolid, ŋiboro ka ŋibaren pa imaritae ŋainakineta ŋuna elemunete ŋituŋa anacamit kec a ŋilopeyek aŋuna ka Akai ka Akuj alo Yerusalem.’ ”

Esir 8:33

Ani edolete ŋirwa ŋiomwon eyakae Kai ka Akuj kosi, aponi kipimae esilipa, egolid ka ŋabakulei, inakinae neni a esacaradoti Meremos alokoku ka Uria, arukito iŋes ka Eleasar lokoku a Pineas, arukito ikes ka ŋilepi lu: Yosabad lokoku ka Yesua ka Naodia lokoku a Binui.

Neem. 6:9

Alimunete ikes ŋun, anerae acamito ikes daadaŋ akitubul isua etamete ebe, “Imyekinete ikes etic ŋolo ka akiduk, ido nyitiyakinio etic ŋol.” Nai tokona, okoe Akuj, kitogogoŋoi ayoŋ.

Ŋikiru. 106:46

Abu inak daadaŋ ŋulu sek atiŋito ikes erae ŋirikon kisyonito ikes.

Ŋikiru. 110:3

Einakinosi ŋituŋa kon anacamit akoloŋit ŋina irikio iyoŋ ŋikajiok kon lojie alokidiama ŋimukura ŋulu asegak. Alopite a ŋolo eponiata ŋakopi taparacu, epote ŋisorok kon neni kon.

Awos. 12:35

Apotu Ŋisirael kitiyata ŋuna alimokinit Moses ikes; kijaununut aneni a Ŋijipitian ŋiboro ŋulu etiyaunitae a esilipa ka egolid kaapei ka ŋilowi daŋ.

Awos. 12:36

Kebu Ekapolon kitirimaanik Ŋijipitian Ŋisirael, ido kepotu Ŋijipitian inakis Ŋisirael ŋiboro ŋulu eŋitasi. Aŋun, kepotu Ŋisirael toŋatut ŋiboro aneni a Ŋijipitian.

Isa. 35:3

Kitogogoŋo ŋakan ŋuna epalag, kitogogoŋo ŋakuŋin ŋuna emaranete.

2 Ŋikor. 9:7

Itemokino nai ŋinituŋanan inak ikwapei etubunitor iŋes elope, meere ka alejeo kori ka akitiŋakinit, anerae emina Akuj ŋini einanakini ka alakara.