Esir 1:2 - Ebaibul

² “Ebala erwosit Kirus ŋolo a Perisia ebe: ‘Adau Ekapolon Akuj ŋina anakuj ainakin ayoŋ akipuka ŋakwapin daadaŋ anakwap, ido akaseu ayoŋ adukokin aŋuna keŋ Akai Yerusalem nakwap a Yudaya.

Esir 1:2 Iomraidhean Croise

1 Ŋirw. 8:27

“Nai ipedori mono kire iyoŋ Akuj akiboi alokwap ka ŋituŋa a? Ŋina nyelolomya tari nakuj daadaŋ akiboiyo iyoŋ, ikokini nai Akai ka Akuj ŋina aduku ayoŋ epedori akitemokin iyoŋ akiboiyo ai?

2 Ŋakiro a ŋirwa 2:12

Tema daŋ Kiram, “Akipuro toyai neni ke Ekapolon Akuj a Isirael ŋina abu tosub nakuj ka akwap, ŋina adau ainakin erwosit Daudi ikoku ŋinisapat ŋini aoson, ŋini einakinitae aosou ka ayenut ŋuna ajokak ka ŋuna aronok, ŋini elosi akiduk Akai aŋuna a Ekapolon ka akai ŋina ka apukan aŋuna keŋ.

Esir 1:5

Apotu nai ŋikarikok a ŋikalya a ŋikabilae a Yudaya ka Benjamin ka ŋisacaradotin ta ŋilepi kaapei ka ŋituŋa daadaŋ ŋulu abu etau ŋolo ka Akuj min nen kec, tonyout kitipeiyosi Yerusalem adukokin nabo Akai ke Ekapolon Yerusalem.

Esir 3:7

Aŋun, apotu ikes inakis ŋisiliŋa neni a ŋikadukok ka neni a ŋikecak ŋabaoi, inanakis ŋamuja, ŋimaten ka ŋamyeta neni a ŋisidonianika Ŋitironi, ikotere eyaunete ŋakito ŋuna a Cedar alo Lebanon nanam tari Yopa, lopite ŋolo alimokinitor ikes erwosit Kirus ŋolo a Perisia.

Esir 4:3

Nai toboŋokis Serubabel ka Yesua ta ŋikarikok a ŋatekerin temasi neni kec, “Nyipedorete iyes akitiya kaapei ka isua akiduk Akai aŋuna ka Akuj kosi, nai ikiduki isua make Akai aŋuna ke Ekapolon Akuj a Isirael, lopite ŋolo ikicikitor isua erwosit Kirus ŋolo a Perisia.”

Esir 5:15

Abu erwosit Kirus tolimok Sesabasar tema, ‘Ya ŋiboro lu, kiwuak Kai ka Akuj alo Yerusalem, ido kimyek todukokinae nabo Akai ŋin nenipei koloŋ ayai.

Esir 6:10

ikotere einakinete ikes ŋamuronisya ŋuna elakara Akuj ŋina anakuj einakinio kilipa aŋuna ka akiyar a erwosit ka ŋidwe keŋ.

Esir 6:3

“Alokaru a ŋolo esyaunan ipukat erwosit Kirus, abu iŋes totub ŋakiro nu ebe, ‘Emaikina Akai ka Akuj ŋina alo Yerusalem, todukokinae nabo, emaikina todukokinae akibois ŋina einanakinere ŋamuronisya ŋina eyaununuyo ŋainakineta ŋuna epeyo. Emaikina aoyau keŋ erae ŋimitae ŋatomoniarei ka ŋikanikaarei ameun alokwap tari kidiama ka torae alokiŋaren ka neni iteotor ŋimitae ŋatomiarei ka ŋikanikaarei,

Esir 7:12

“Ayoŋ Aritaseses ŋolo arae erwosit a ŋirwosi, egirit abaruwa na neni a esacaradoti Esira, ekegiran ŋolo a ŋikisila a ŋulu ka Akuj a ŋina anakuj, toyai ekisil neni kon! Tokona,

Neem. 1:4

Ani eirari ayoŋ ŋakiro ŋun, abu eboikin, egwor, eyaloloŋ ŋirwa ŋulu alalak eredakinit akiron ka elipi alokiŋaren Akuj ŋina anakuj.

Neem. 1:5

Abu ayoŋ otema anakilip kaŋ, “Okoe Ekapolon, Akuj ŋina anakuj, Akuj ŋina etiron ka ŋina ikitubuli, ŋina iricit acamunet ka amina ŋina nyiryaŋiryaŋa aŋuna a ŋulu ikiminasi iyoŋ ka aŋuna a ŋulu iwuapito ŋakiciketa kon,

Ŋikiru. 136:26

Tolakaros neni ka Akuj a ŋina anakuj, anerae erae amina keŋ ŋina nyiryaŋiryaŋa ŋina a ŋikaru ka ŋikaru.

Ŋikiru. 85:2

Idau iyoŋ akisyon aronis a ŋituŋa kon; isyoni iyoŋ ikes anasecisya kec a daadaŋ.

Ŋakit. 21:1

Erae Ekapolon itenit ŋatameta a erwosit, itenit iŋes ŋatameta a erwosit lopite ŋolo itenikinia ayonae ŋakipi toleleiya neni ecamit iŋes.

Isa. 41:2

“Ŋae etonyou ekelounan ŋolo alo Kide, ŋae anyarau iŋes akitiya etic keŋ? Ŋae ainakini iŋes akiloun ŋirwosi ka ŋapukasinei? Aridaa iŋes ŋirwosi a ekileŋ keŋ lopite ŋolo etwaarere apuwa, eela iŋes a ŋikaleŋeleŋe keŋ ŋirwosi lopite ŋolo ielarya ekuwuam ŋanya kiwok.

Isa. 44:26

Ayoŋ esiyoonokini ŋakiro ŋuna irworosi ŋiketiyak kaŋ ka esiyoonokini ŋakiro ŋuna edwarete ŋikiyakya kaŋ; ayoŋ alimuni aŋuna a Yerusalem ebe, ‘Epote ŋituŋa akiboi alotooma keŋ’ ka ayoŋ alimu aŋuna a ŋitaunio a Yudaya ebe, ‘Edukokinio ikes nabo ka etonyouni ayoŋ ŋarwatatain a ŋakais kec ŋuna eritanakina.’

Isa. 44:28

Ayoŋ alimokini neni a erwosit Kirus ebe, ‘Irae iyoŋ ekeyokon a ŋituŋa kaŋ, itiyae iŋes ŋakiro daadaŋ ŋuna acamit ayoŋ.’ Ayoŋ alimuni aŋuna a Yerusalem ebe, ‘Edukokinio iŋes nabo,’ ayoŋ alimuni aŋuna ka Akai ka Akuj ebe, ‘Edukokinio akisyakinet a aduketait kon.’ ”

Isa. 45:1

Alimu Ekapolon ŋakiro nu aŋuna a Kirus, a ŋolo aseu iŋes akisitiya aŋuna ka akilounia ŋituŋa a ŋakwapin, ka akilounia ŋirwosi, aseu iŋes Kirus, ikotere eŋaari Ekapolon ŋikekya a ŋitaunio alokiŋaren keŋ, nyegolokinio nabo ŋipukei a ŋitaunio a ŋul jik. Abu Ekapolon tema neni a Kirus,

Isa. 66:1

Ŋakiro ŋuna irworo Ekapolon ikes nu, “Erae nakuj neni epukator ayoŋ ka erae akwap neni ecakit ayoŋ; Akai ŋina ikoni ai ikidukokinete iyes ayoŋ, ai eyai neni kieŋunet kaŋ?

Yer. 10:11

Aŋun tolimok ŋituŋa ebe, “Emunyaryo anakwap ŋakujo ŋuna pa arae ikes etiyaunete ŋiboro ŋulu alokidiama ka ŋulu alokwap, eŋopiyarete ikes alokwap ka kidiama.

Yer. 27:5

Erae ayoŋ asubuni akwap a apedor kaŋ a ŋina apolon ka a agogoŋu kaŋ, ayoŋ asubuni ŋituŋa ka ŋityaŋ ŋulu eya nakwap, ido ainakini ayoŋ neni a ŋini acamit ainakin.

Yer. 29:10

Ŋakiro a Ekapolon ŋuna alimu Ekapolon ikes nu ebe, “Abuni ayoŋ neni kus kelunyar ŋikaru ŋatomonikanikaarei ikipukat iyes erwosit a Babilon, esiyookini nai ayoŋ akiikinet kaŋ, ido ekenyaku iyes nakibois na.

Dan. 1:21

Abu Daniel torubak iboi alokai a erwosit akitodol ekaru ŋolo esyaunan erae Cirus erwosit.

Dan. 2:21

Iŋes iloconokini ŋisaae ka ŋapakio, elemanari ŋirwosi ka iwuanakini ŋirwosi. einanakini aosou neni a ŋikaosok ka einanakini aosou neni a ŋulu eyakatar ayenut.

Dan. 2:28

nai eyai Akuj ŋina eyai nakuj ŋina isileereuni ŋakiro ŋuna imunono ka adau iŋes akiteyenikin erwosit Nebukadinesar ŋakiro ŋuna itiyakinosi alorwa a ŋulu eponito. Ŋakiro ŋuna ibu iyoŋ kiruja ka ibu iyoŋ kiŋolik anakiruja apaki ŋina iperyo iyoŋ alokitaada kon ikes nu:

Dan. 4:25

Ikiritaryo iyoŋ alotuŋa a ŋuluce, eruwor neni iboiyoto ŋityaŋ ŋulu ka ariet iboiyo iyoŋ. Inyami iyoŋ ŋinya ikwa enyamyata ŋaatuk, ikitopalalete iyoŋ ŋakopi ŋuna alokidiama, irubakini iyoŋ ikoni nen ŋikaru ŋikanikaarei akitodol ŋina iyenunia iyoŋ atemar Akuj ŋina alokidiama nooi iŋes ipukat ŋakwapin ŋuna ipukato ŋituŋa ka einakini iŋes apukan neni a ŋini ecamit iŋes ainakin.

Dan. 4:32

Ikiritaryo iyoŋ alotuŋa a ŋuluce, eruwor neni iboiyoto ŋityaŋ ŋulu ka ariet iboiyo iyoŋ, inyami iyoŋ ŋinya ikwa enyamyata ŋaatuk, irubakini iyoŋ ikoni nen ŋikaru ŋikanikaarei, akitodol ŋina iyenunia iyoŋ atemar Akuj ŋina alokidiama nooi iŋes ipukat ŋakwapin ŋuna ipukato ŋituŋa, einakini iŋes apukan neni a ŋini ecamit iŋes ainakin.”

Dan. 5:23

idau iyoŋ akitopoloor bon anaŋerit Ekapolon ŋolo eyai nakuj. Adaun ayaun ŋiboro ŋulu ka Akai keŋ neni kon, ido isitiyata iyoŋ ka ŋikapolok kon, ŋaberu kon ka ŋaberu kon ŋuna nyiisitae ŋiboro ŋul amasya epiini. Ipur iyoŋ ŋakujo ŋuna itiyaunitae a egolid, a esilipa, a eburonis, a ŋasuwa ka a akitoe ta a amoru, ŋakujo ŋuna nyiteete kori nyepupete, kori nyeyenete ŋakiro; nai nyitopolooro iyoŋ Akuj ŋina ikiinit iyoŋ ekieŋanu, Akuj ŋina ikidarit iyoŋ aloticisyo kon a daadaŋ.

Dan. 6:25

Ekaku aŋun, abu Darius kigirak abaruwa neni a ŋituŋa a ŋakwapin a daadaŋ ka nakwapin daadaŋ ka ŋuna irworosi ŋaŋajepa ŋuna egelegelya tema neni kec, “Elipi toryamut iyes ekisil!

Yona 1:9

Toboŋok Yona tema, “Arae ayoŋ Eburaniyat, etopoloorit ayoŋ Ekapolon Akuj ŋina eyai nakuj, ŋina abu tosub anam ka akwap.”