Esir 1:1 - Ebaibul

¹ Alokaru a ŋolo ke epei ipukat erwosit Kirus Perisia, abu Ekapolon kisiyook ŋakiro ŋuna sek alimunit iŋes aneni a ekadwaran Yeremia. Abu Ekapolon kiwuak lotau a erwosit Kirus a ŋolo a Perisia, alimun ŋakiro ŋuna aponi kigirae ka kiyakiyarae tosyomae ikeunitae ŋakiro keŋ neni a ŋituŋa a apukan keŋ a daadaŋ. Abasi ŋakiro ebe,

Esir 1:1 Iomraidhean Croise

Esir 1:5

Apotu nai ŋikarikok a ŋikalya a ŋikabilae a Yudaya ka Benjamin ka ŋisacaradotin ta ŋilepi kaapei ka ŋituŋa daadaŋ ŋulu abu etau ŋolo ka Akuj min nen kec, tonyout kitipeiyosi Yerusalem adukokin nabo Akai ke Ekapolon Yerusalem.

Esir 4:3

Nai toboŋokis Serubabel ka Yesua ta ŋikarikok a ŋatekerin temasi neni kec, “Nyipedorete iyes akitiya kaapei ka isua akiduk Akai aŋuna ka Akuj kosi, nai ikiduki isua make Akai aŋuna ke Ekapolon Akuj a Isirael, lopite ŋolo ikicikitor isua erwosit Kirus ŋolo a Perisia.”

Esir 6:14

Aŋun, apotu ŋikasikou a Ŋiburaniyae toloto kiŋaren anakiduk Akai ka Akuj emam ŋace ka akidwar a ŋikadwarak a lu: Agai ka Sakariya lokoku a Ido. Apotu ikes kirikakis aduketait kec alotooma akiciket ŋina ka Akuj a Isirael ka atubunet a Kirus, Darius ka erwosit Aritaseses ŋirwosi ŋulu a Perisia;

Esir 6:22

Apotu ikes kinumunuma ka alelyanu ŋasuban ŋuna a ŋamugati a ŋuna emam ŋakinyalet, kinumunuma ikes ŋasuban ŋun ŋirwa ŋikanikaarei, anerae abu Ekapolon inak ikes alelyanu ka abu kilocok etau a erwosit ka Asiriya tominak ikes ka abu erwosit ŋol kiŋarak Ŋisirael alotic a ŋolo ka akiduk Akai ka Akuj a Isirael.

Esir 6:3

“Alokaru a ŋolo esyaunan ipukat erwosit Kirus, abu iŋes totub ŋakiro nu ebe, ‘Emaikina Akai ka Akuj ŋina alo Yerusalem, todukokinae nabo, emaikina todukokinae akibois ŋina einanakinere ŋamuronisya ŋina eyaununuyo ŋainakineta ŋuna epeyo. Emaikina aoyau keŋ erae ŋimitae ŋatomoniarei ka ŋikanikaarei ameun alokwap tari kidiama ka torae alokiŋaren ka neni iteotor ŋimitae ŋatomiarei ka ŋikanikaarei,

Esir 7:27

Kipuroe Ekapolon, Akuj atapapaa yok, ŋina ewuakini ŋakiro ŋuna ikote ŋun lotau a erwosit, ikotere itopolooryo Akai ka Akuj alo Yerusalem,

Ŋikiru. 106:46

Abu inak daadaŋ ŋulu sek atiŋito ikes erae ŋirikon kisyonito ikes.

Ŋakit. 21:1

Erae Ekapolon itenit ŋatameta a erwosit, itenit iŋes ŋatameta a erwosit lopite ŋolo itenikinia ayonae ŋakipi toleleiya neni ecamit iŋes.

Isa. 44:28

Ayoŋ alimokini neni a erwosit Kirus ebe, ‘Irae iyoŋ ekeyokon a ŋituŋa kaŋ, itiyae iŋes ŋakiro daadaŋ ŋuna acamit ayoŋ.’ Ayoŋ alimuni aŋuna a Yerusalem ebe, ‘Edukokinio iŋes nabo,’ ayoŋ alimuni aŋuna ka Akai ka Akuj ebe, ‘Edukokinio akisyakinet a aduketait kon.’ ”

Isa. 45:1

Alimu Ekapolon ŋakiro nu aŋuna a Kirus, a ŋolo aseu iŋes akisitiya aŋuna ka akilounia ŋituŋa a ŋakwapin, ka akilounia ŋirwosi, aseu iŋes Kirus, ikotere eŋaari Ekapolon ŋikekya a ŋitaunio alokiŋaren keŋ, nyegolokinio nabo ŋipukei a ŋitaunio a ŋul jik. Abu Ekapolon tema neni a Kirus,

Yer. 1:1

Erae nu ŋakiro a Yeremia a lokoku ka Ilikia, arae Yeremia epei a ŋisacaradotin a ŋulu aya Anasos nakwap ŋina a Benjamin.

Yer. 29:10

Ŋakiro a Ekapolon ŋuna alimu Ekapolon ikes nu ebe, “Abuni ayoŋ neni kus kelunyar ŋikaru ŋatomonikanikaarei ikipukat iyes erwosit a Babilon, esiyookini nai ayoŋ akiikinet kaŋ, ido ekenyaku iyes nakibois na.

Esek. 38:5

Eriito ikes ka ŋituŋa a Perisia, Esiopia ka ŋulu a Put, eyakatar ikes daadaŋ ŋiupala ŋulucicik ka ŋakopiyae ŋuna iuryarito akou nyewana,

Dan. 1:21

Abu Daniel torubak iboi alokai a erwosit akitodol ekaru ŋolo esyaunan erae Cirus erwosit.

Dan. 2:1

Alokaru a ŋolo a ŋiarei ipukat Nebukadinesar, abu Nebukadinesar kiruja, ido apotu ŋakirujaeta ŋun kisiyaloloŋo etau keŋ tojoŋo ajotoonor.

Dan. 6:25

Ekaku aŋun, abu Darius kigirak abaruwa neni a ŋituŋa a ŋakwapin a daadaŋ ka nakwapin daadaŋ ka ŋuna irworosi ŋaŋajepa ŋuna egelegelya tema neni kec, “Elipi toryamut iyes ekisil!

Dan. 9:2

abu ayoŋ Daniel, ekaru ŋol oyenu alokitaaboi ŋakiro a Ekapolon aneni a Yeremia a ekadwaran, ŋakiro ŋuna ebookoi idoŋi Yerusalem esil ŋikaru ŋatomonikanikaarei.

Yoa. 1:23

Toboŋok Yoana ikes aŋakiro a ŋuna koloŋ kirworit ekadwaran Isaya ebala, “Ayoŋ etoil a ituŋanan a ŋini ecela analoŋisat ebala, ‘Kisidiiryata erot ŋolo ke Ekapolon!’ ”