Esek. 9:8 - Ebaibul

⁸ Apaki ŋina aaryata ŋikilyok ŋul ŋituŋa, ayai ayoŋ neni kaŋ bon, abu ayoŋ oper alokwap obuburiyar, ekalou otema, “Okoe Ekapolon Akuj! Imunyari kire iyoŋ ŋipiya a Ŋisirael daadaŋ ananyunyura kon a ŋina iyau iyoŋ lotuŋa a Yerusalem a?”

Esek. 9:8 Iomraidhean Croise

Akisy. 18:23

Kiyotu Aburaam neni ke Ekapolon tema, “Erae mono kire a? Imunyari mono iyoŋ ŋulu iyookino ka ŋulu itiyaete aronis a?

1 Ŋakiro a ŋirwa 21:16

Kiŋoliya Daudi kidiama, kiŋolik emalaika ke Ekapolon ewoi alokidiŋ nakuj ka akwap, etiŋit ekileŋ ŋolo alemunitae anakuraro aarya ŋituŋa a Yerusalem. Apotu nai Daudi ka ŋikasikou tonapa ŋilowi ŋulukigworyet, toramakinos kwap, kijuuroto.

Esir 9:5

Apaki ŋina ka amuronot a ŋina ke eboŋ, abu ayoŋ anakiredakin akiron ka ecilicilaara ekaaso ka akaulat kaŋ oryedik, ekyaa ŋakan kaŋ apetarit neni ke Ekapolon Akuj kaŋ,

Yer. 14:13

Olimu nai ayoŋ otema, “Okoe, Ekapolon Akuj! Ŋikadwarak lu ŋulu elimonokinete ŋituŋa ebe, ‘Nyikiaryo iyes a ekileŋ, kori nyiyakaunotor iyes eron, nai akainakini ayoŋ iyes ekisil ŋolo a kire anakibois a na.’ ”

Yer. 14:19

Okoe Ekapolon, iŋer iyoŋ ŋituŋa a Yudaya jik a? Aluŋ mono etau kon Sion a? Kaanukiro ikisicania iyoŋ isua nooi adaunor epite ŋolo ikitaŋaleunere isua? Iitanitae isua ekisil, nai mam ajokis aryamun, iitanitae isua akitaŋaleuno, nai eryamunitae anyunyura akilo ekisil.

Yer. 4:10

Abu nai ayoŋ otema, ‘Okoe, Ekapolon Akuj, kire idau iyoŋ amodikin ŋituŋa a Yerusalem analimokin ikes atemar emam ŋace eyakaun neni kus,’ toarete bo ŋimoe ikes!”

Esek. 11:13

Ani eriŋa ayoŋ adwari ŋakiro ŋun, kiridak Pelatia lokoku a Benaia. Abu nai oramakin kwap ejuuru, eorou nooi otema, “Mam, Ekapolon Akuj! Imunyari kire iyoŋ ŋipiya ŋulu eyakasi Isirael a?”

Esek. 4:14

Abu nai ayoŋ otema, “Meere ikoŋina Ekapolon Akuj! Nyemunaara ayoŋ ŋinapei akuwan kaŋ. Ŋinapei anasoroko kaŋ akitodol tokona, nyenyama ayoŋ ibore ŋini etwani bon, kori ŋini earito ŋityaŋ ŋulu ka ariet. Nyiwuakina ayoŋ nakituk kaŋ akiriŋ ŋina eketaleo.”

Esek. 7:8

Aapuu ayoŋ ayaun anyunyura kaŋ neni kus; iŋolikinete tokona iyes aŋoit kaŋ eyakaun neni kus. Akatubokini ayoŋ iyes lopite ŋolo itiyatotor iyes, ekesicani iyes aŋuna ka asiilyo kus a daadaŋ.

Ekim. 14:5

Aŋun, abu Moses ka Aron toramakinos kwap, tobuburiyaros alokiŋaren atukot a Ŋisirael daadaŋ.

Ekim. 16:4

Ani iirari Moses ŋakiro kec toramakin, todol ereet kwap.

Ekim. 16:45

“Kiyotokisi alotuŋa alu ikotere omunya ikes atipei.” Toramakinos Moses ka Aron todolo ŋireetin kec kwap.

Ŋikis. 9:18

Ekaku abu ayoŋ aramakin kwap elip neni a Ekapolon lopite ŋolopei sek etiyator ŋapaarasya ŋatomoniomwon ka ŋakuwarisya ŋatomoniomwon, abu ayoŋ nyemuj adio kimuj, kori nyamat ŋadikipi aŋuna a ŋasecisya a daadaŋ aŋuna ipotu iyes kitiyata, kitoŋoa Ekapolon aŋuna itiyaata ŋuna aronok neni keŋ.

Yos. 7:6

Apotu Yosua kaapei ka ŋikarikok a Ŋisirael tocilicileta ŋilowi kec anakiyaloloŋ, tobuburiyaros kilipa alokiŋaren Asaduku ŋina ka Acamunet a ŋina ke Ekapolon. Topero ikes aneni akitodol eboŋ, ipuripurito apuwa nakyes kec akitoodiunia akiyaloloŋ kec.