Esek. 9:6 - Ebaibul

⁶ Toara ŋikasikou, ŋisorok, ŋasorok ka ŋidwe ta ŋakimak, nai nyiar ituŋanan daadaŋ ŋini eyakar emacar loreet keŋ. Kisyakisi akiar anakibois kaŋ a ŋina asegan.” Aŋun, apotu ŋikilyok ŋul kisyakis akiar, alokasikou a ŋulu eboiyete alokiŋaren Akai ka Akuj.

Esek. 9:6 Iomraidhean Croise

Akisy. 4:15

Tolimok Ekapolon Kain tema, “Nyikote neni! Ani ca ŋini ikiari iyoŋ, inyaŋaryo ŋakinyaŋaret ŋakanikaarei.” Tosodi Ekapolon kiwuak emacar neni a Kain, ikotere nyearya ituŋanan ŋini iryamun ka Kain iŋes.

2 Ŋakiro a ŋirwa 36:17

Aŋun, abu Akuj tocamak erwosit a Babilon ebuni akirem ikes. Abu toar ŋisorok kec anakibois kec a ŋina asegan, abu nyisyon esorokit, kori asorokit, ekasikout, kori akimat, kori ituŋanan idio daadaŋ ŋini apalag. Abu Akuj kipotok ŋituŋa ŋul daadaŋ neni a Nebukadinesar toar.

Awos. 12:23

anerae akoloŋit ŋin nakwaare, itori Ekapolon ne eari Ŋijipitian; ani kiŋolik iŋes ŋaokot eya nakito ŋuna a ŋipukei, elunyar iŋes alopukei a ŋul. Nyecamakini iŋes ekamunyaran elomuni nakais kus akiar iyes.

Yer. 16:6

Etwakete ŋituŋa daadaŋ a akwap a na, ŋikapolok ka ŋulucaryo. Nyenukyo ikes, mam ituŋanan iwololoe aŋuna kec, mam ŋini egeri akuwan, mam akibany ŋitim aŋuna kec.

Yer. 25:29

Kiirasi, ageu ayoŋ ayaun ŋican lotaun lo ŋolo enyaritae a ekiro kaŋ, ido ikokinete iyes ipuunosi anakisicanio ai? Nyibucarosi iyes pa ikisicanitae, anerae anyarau ayoŋ ŋituŋa akitijiore ŋituŋa ka akwap a daadaŋ.’

Yer. 44:7

Alimu tokona Ekapolon ŋolo a ŋajoresyo, Akuj ŋina a Ŋisirael atemar kaanukiro itiyaata iyes ŋakiro ŋuna eduporok iyes, ŋuna elemarete ŋikilyok, ŋaberu, ŋidwe ka ŋiŋwea anakwap a Yudaya, tomamukaun ŋipiya kus idoŋete?

Yer. 44:8

Kaanukiro ikitoŋoeta iyes ayoŋ a ŋiticisyo a ŋulu itiyaete iyes a ŋakan kus, inanakinete ŋainanakineta neni a ŋakujo a ŋace anakwap a Ijipit aneni ipotu iyes akiboi? Icamito iyes ikimunyar, ido toruworos ŋituŋa ŋulu icenere ŋuluce ka inyasere ŋituŋa ŋulu a ŋakwapin a daadaŋ a?

Yer. 6:11

Nai ileleba anyunyura ŋina ke Ekapolon tooma kaŋ, akaburu ayoŋ akidaŋidaŋ iŋes.” Tolimu nai Ekapolon tema, “Tolimok ŋuna ka anyunyura kaŋ neni a ŋidwe alorotin ka tolimok neni a ŋatukon a ŋisorok daŋ eyaaryo ŋaberu ka ŋikilyok, eyaaryo tari ŋituŋa ŋulu emojoŋito.

Yer. 9:21

Adolu atwanare lodirisae kus, aloma nakais a apukan kus, ebunit atwanare alemar ŋidwe kus alorotin ka ŋisorok analapatui a ŋuna ke etaun.

Esek. 11:1

Abu nai etau okopororya ayoŋ, okoyau lopuke ŋolo alo Kide Akai ka Akuj, lopuke ŋolo iŋoliyarit Kide. Ayakasi lopuke ŋol ŋikilyok ŋatomoniarei ka ŋikan; eŋolik ayoŋ alokilyok a ŋul Yaasania lokoku ka Asur ka Pelatia lokoku a Benaia ta ŋikarikok a ŋituŋa.

Esek. 9:4

tema neni keŋ, “Ape kirimok Yerusalem daadaŋ, kiwuanak emacar loreetin a ŋituŋa a ŋulu iyaloloŋete ka ŋulu igworosi aŋuna ka asiilyo a daadaŋ a ŋina itiyao alo Yerusalem.”

Esek. 9:5

Abu iŋes tolimok ŋirukitos a ekile a ŋol apupi ayoŋ tema, “Totupakisi iŋes kirimokis etaun daadaŋ toara ŋituŋa, nyimyekis ituŋanan daadaŋ ŋini iŋolikinete iyes, kori nyikisyon ituŋanan idio.

Amos 3:2

Alimu Ekapolon ŋakiro nu ebe, ‘Iyes bon abu ayoŋ okoyenu ka ekeric alokidiŋ ŋituŋa a ŋakwapin a daadaŋ, aŋun, ekesicani ayoŋ iyes aŋuna a ŋasecisya kus.’

Luk. 12:47

“Aŋun, eketiyan ŋolo eyeni ŋuna ecamit ekapolon keŋ, nai kiboikin pa etenit kitiya ŋun, ibuŋao nooi.

Ŋikis. 2:34

Apaki ŋin, aponi iwon kikamarae ŋitaunio keŋ daadaŋ ka alotooma ŋolotaun, aponi iwon tomunyarae ŋikilyok, ŋaberu ka ŋidwe. Nyimyekina iwon ituŋanan keŋ ipei daŋ eyari.

Ŋikis. 3:6

Tosodi, aponi iwon tomunyarae ikes jik, lopite ŋolo etiyatere neni a erwosit Sikon a ŋolo a Esibon, aponi iwon tomunyarae alotooma ŋolotaun, ŋikilyok, ŋaberu ka ŋidwe.

Ŋikis. 32:23

“Atokokini ayoŋ ŋican neni kec, agumakini ayoŋ ikes ŋikaleŋeleŋe kaŋ daadaŋ,

2 Tim. 2:19

Nai akisyakinet ŋina agogoŋon ŋina kebu Akuj todupaki, ewuoi nyiukonokin; kidiama keŋ igiritae ŋakiro nu, “Eyeni Ekapolon ŋulu erae ŋulu keŋ” ka “Ituŋanan daadaŋ ŋini ebala arae iŋes ŋini ke Ekapolon, itemokino toesik akitiya aronis.”

Akis. 14:4

Erae ikes ŋikilyok ŋulu nyiryamakina ka ŋaberu, anerae etaleoro ikes. Iwuapito ikes Imesek neni elosi daadaŋ. Aponi toiunae ikes alokidiŋ ŋituŋa ŋuluce ka erae ikes ainakinet ŋina ke ekiŋaren ŋina ainakinio neni ka Akuj ka neni a Imesek.

Akis. 7:3

Tolimok iŋes ikes tema, “Nyiwan akwap kori anam kori ŋikito akitodol ŋina ikiwuakinia ŋimacarin loreetin a ŋulu erae ŋiketiyak ŋulu ka Akuj yok.”

Akis. 9:4

Aponi tolimokinae ikes nyewan ŋinya kori ŋikito kori ŋinibore erupunit alokwap daadaŋ; nai mati ŋituŋa daadaŋ ŋulu emam emacar ŋolo ka Akuj aloreetin kec.

1 Sam. 15:3

Ape tokona kisiiryak Ŋiamaleki, tomunya jik ibore daadaŋ ŋini eyakatar ikes, nyimyek ikes, toar ŋikilyok, ŋaberu, ŋidwe, ŋaatuk, ŋakinei, ŋikaala ka ŋisigirya.’ ”