Esek. 9:4 - Ebaibul

⁴ tema neni keŋ, “Ape kirimok Yerusalem daadaŋ, kiwuanak emacar loreetin a ŋituŋa a ŋulu iyaloloŋete ka ŋulu igworosi aŋuna ka asiilyo a daadaŋ a ŋina itiyao alo Yerusalem.”

Esek. 9:4 Iomraidhean Croise

Akisy. 4:15

Tolimok Ekapolon Kain tema, “Nyikote neni! Ani ca ŋini ikiari iyoŋ, inyaŋaryo ŋakinyaŋaret ŋakanikaarei.” Tosodi Ekapolon kiwuak emacar neni a Kain, ikotere nyearya ituŋanan ŋini iryamun ka Kain iŋes.

2 Ŋirw. 22:13

“Toloto toanyutu aneni ke Ekapolon ŋakiro ŋuna ekekamunito ayoŋ kaapei ka ŋituŋa ta akwap a Yudaya daadaŋ anakiro a ŋuna igirir lokitaabo lo ŋolo arukaun. Ikiŋoikinit nooi Ekapolon iwon, anerae apotu atapapaa yok towout akiwuap ŋakiro ŋuna a ekitaabo a lo; nyitiya ikes lopite ŋolo ecamuna ka ŋuna daadaŋ igiritae tooma ne ŋuna ikitapito iwon.”

Ŋikiru. 119:136

Eleleete ŋakiyo anakonyen kaŋ, anerae nyiwuapitae ŋikisila kon.

Ŋikiru. 119:53

Ani eŋolikini ayoŋ ŋulu aronok ŋulu eŋerito ŋikisila kon, aŋoyenene ayoŋ nooi.

Awos. 12:13

Eruwor ŋaokot emacar ŋolo itoodiunit ŋakais ŋuna iyes. Ani eŋolikini ayoŋ ŋaokot, alunyar ayoŋ aneni kus, ido mam ŋican eyakaun neni kus apaki ŋina ayaunia ayoŋ akisicanet nakwap a Ijipit.

Awos. 12:23

anerae akoloŋit ŋin nakwaare, itori Ekapolon ne eari Ŋijipitian; ani kiŋolik iŋes ŋaokot eya nakito ŋuna a ŋipukei, elunyar iŋes alopukei a ŋul. Nyecamakini iŋes ekamunyaran elomuni nakais kus akiar iyes.

Awos. 12:7

Emaikina nai ikes toorut ŋaokot ŋadi alobaren a ŋul, kiosakis nakito ŋuna anawae ka ŋuna alokidiama ŋipukei a ŋakais a ŋuna enyamyata ikes ŋimeesekin ŋul.

Isa. 57:15

Alimu Ekapolon ŋolo iboi alokidiama nooi, ŋolo iboi ŋikaru ka ŋikaru ŋolo erae ekiro keŋ ŋolo asegan ebe, “Eboi ayoŋ alokidiama ka anakibois a ŋina asegan, kaapei ka ŋituŋa ŋulu itiditeuna ka iapara alotai kec, ikotere ainakini ikes nabo ŋitai ŋulu itiditeuna ka oinak ikes nabo ŋitai ŋulu iapara.

Yer. 13:17

Nai ani pa kiirasi iyes ŋakiro keŋ, alosi ayoŋ akigwor anakimunono aŋuna kaakituro kus egwori ayoŋ nooi kibwaliyasi ŋakiyo ŋakonyen kaŋ anerae erikoryo ŋituŋa a Ekapolon nakwap ace.

Esek. 21:6

Aŋun lokoku a ituŋanan, toumen esibit eyakasi ŋakiro ŋuna ikinomito etau nooi. Toumen iyalaloŋi aneni epedoryata ŋituŋa daadaŋ akiŋolikin iyoŋ.

Esek. 6:11

“Ŋakiro ŋuna irworo Ekapolon Akuj ikes nu, ‘Kibapibapakisi ŋakan kus, topeto akwap a ŋakejen, kikaloutu iyaloloŋete aŋuna ka aronis a daadaŋ ka asiilyo ŋina etiyata Ŋisirael, anerae emunyari ikes ekileŋ ka akoro ta edeke.

Esek. 9:5

Abu iŋes tolimok ŋirukitos a ekile a ŋol apupi ayoŋ tema, “Totupakisi iŋes kirimokis etaun daadaŋ toara ŋituŋa, nyimyekis ituŋanan daadaŋ ŋini iŋolikinete iyes, kori nyikisyon ituŋanan idio.

Esek. 9:6

Toara ŋikasikou, ŋisorok, ŋasorok ka ŋidwe ta ŋakimak, nai nyiar ituŋanan daadaŋ ŋini eyakar emacar loreet keŋ. Kisyakisi akiar anakibois kaŋ a ŋina asegan.” Aŋun, apotu ŋikilyok ŋul kisyakis akiar, alokasikou a ŋulu eboiyete alokiŋaren Akai ka Akuj.

Amos 6:6

iyes ŋulu imasete epiini a ŋabakulei, ido kiwosas ŋamyeta ŋuna akukunyok nai nyikinomorito ŋakiro ŋuna ka akinyasuno a ŋina ebunit neni a Ŋisirael.

Sepan. 1:12

Apaki ŋin, atiŋi ayoŋ etaa ŋolo enoki, ewarya ŋikasecak Yerusalem, ido esicani ŋituŋa ŋulu ebasi ikiyakar ibore daadaŋ, ŋulu irworosi ebe, ‘Emam ibore itiyakini Ekapolon alopite a lo kori a ŋol.’

Sepan. 3:18

elelyani iŋes aŋuna kus eeo lopite ŋolo eeore akoloŋit ŋina a ŋasuban.’ ” Ebala Ekapolon “Alemari ayoŋ ŋican aneni kus, ikotere nyikitoŋoi iyes aŋuna a ŋican a ŋul.

Mal. 3:16

Apotu nai ŋituŋa ŋulu ekerito Ekapolon kirworiut make, ido abu Ekapolon topupok ŋuna erworosi ikes, kiira ŋakiro kec. Aponi kigirae lokitaabo alokiŋaren Ekapolon, ŋakiro a ŋulu ekerito Ekapolon ka ŋuna a ŋulu itopoloorito ekiro keŋ.

2 Ŋikor. 1:22

ewuak iŋes emacar keŋ neni yok ka ewuak Etau keŋ lotai yok erae ibore ŋini ikiteyenuni iwon atemar eryamunio ibore ŋini adau iŋes akiikin.

2 Ŋikor. 12:21

Akabulit ayoŋ atemar ŋina adolunio inaa, ebuni Akuj kaŋ akisurum ayoŋ ŋileec alokiŋaren kus ka abuni nai ayoŋ akigworo aŋuna a ŋulu alalak, a ŋulu apotu toseca ŋapakio ŋuna alunyarosi toriŋa nyekiwa ŋipitesyo kec ŋulu ka aronis, ebe adoteu ka amalao.

Ŋigal. 6:17

Erikakini: nyitemokino nabo idiotuŋanan ekesican ayoŋ, anerae itoodiunito ŋapores ŋuna anakuwan kaŋ atemar arae ayoŋ epito ŋolo a Kristo.

Ŋiep. 4:30

Nyitunyunyurikis Etau ŋolo Asegan ŋolo ka Akuj, anerae erae Etau ŋolo Asegan emacar keŋ ŋolo ikituruworit iyes ŋulu keŋ, ibore ŋini itoodiunit atemar ebunit Akoloŋit ŋina ikilakunia Akuj iyes jik.

2 Tim. 2:19

Nai akisyakinet ŋina agogoŋon ŋina kebu Akuj todupaki, ewuoi nyiukonokin; kidiama keŋ igiritae ŋakiro nu, “Eyeni Ekapolon ŋulu erae ŋulu keŋ” ka “Ituŋanan daadaŋ ŋini ebala arae iŋes ŋini ke Ekapolon, itemokino toesik akitiya aronis.”

Akis. 14:1

Abu eŋolik oanyuwa Imesek ewuoi alomoru a ŋolo enyaritae Sion; arukito ka ŋituŋa ŋalipyo amiat ka ŋatomoniomwon ka ŋiomwon, ŋulu egiritae ekiro a Imesek ka ŋolo a Papa keŋ loreetin kec.

Akis. 20:4

Abu oanyuwa ŋikicoloŋo ŋulu ka apolou icoloŋito ŋulu ainakinitae apedor aruwor ŋikatubok. Abu daŋ oanyuwa ŋitai a ŋituŋa a ŋulu ketubonoryo ŋakyes, aŋuna araakatar ikes ŋisuudae a Yesu ka aŋuna ka Akirot a ŋina ka Akuj. Kepotu ikes nyilipa neni ke etyaŋ kori neni ke etorube keŋ ka nyiwuakina emacar ŋolo ke etyaŋ loreetin kori nakan kec. Toyarut ikes kipukata kaapei ka Kristo ŋikaru aliput apei.

Akis. 9:4

Aponi tolimokinae ikes nyewan ŋinya kori ŋikito kori ŋinibore erupunit alokwap daadaŋ; nai mati ŋituŋa daadaŋ ŋulu emam emacar ŋolo ka Akuj aloreetin kec.