Esek. 9:2 - Ebaibul

² Apotu nai ŋikilyok ŋikanikapei potu alowae a ŋolo a epuke a ŋolo ayai neni amukur alowae a ŋolo alo Kuju Akai ka Akuj. Ayakar ŋolokile ibore ŋiniaaret, arukito ŋikilyok ŋul ka ekile ŋolo anapit ŋilowi ŋulu amilimilak, toyakar nawae keŋ ibore ŋini aya ŋiboro ŋulukigiret. Apotu ikes tolomasi tooma towua alodiyete namuroet ŋina etiyaunitae ke eburonis.

Esek. 9:2 Iomraidhean Croise

2 Ŋirw. 15:35

Tari kikote nen daŋ, aponi nyeukonor neni elipeneneere ŋakujo. Apotu ŋituŋa torubakis emuroete ka einanakinete ŋainakineta neni a ŋakujo a nen. Arae Yosam iŋes adukokini ekek ŋolo ekyara ŋolo ka Akai ka Akuj.

2 Ŋakiro a ŋirwa 27:3

Arae Yosam abu todukok epuke ŋolo alo Kuju Akai ka Akuj ka iŋes aduki neni alalan a arwatata a ŋina alowae a ŋolo enyaritae Opel alomukura a Yerusalem.

2 Ŋakiro a ŋirwa 4:1

Abu Uram-Abi kitiyau ke eburonis Namuroet ŋina arae aoyau alosepyon ŋimitae ŋikanikaomwon, torae aoyau alokiŋaren ka neni iteotor ŋimitae ŋikanikaomwon ka aoyau alokwap tari kidiama ŋimitae ŋiomwon ka atutubet.

Awos. 40:29

Kiwuak Namuroet ŋina epeyere ŋainakineta lopuke ŋolo ke Eema a ŋolo iryamununoi, ido kiwuak nen ŋainakineta ŋuna epeyo ka ŋikinyom ŋulu arae ainakinet, lopite ŋolo ecikitor Ekapolon iŋes.

Yer. 1:15

Anyaraunit ayoŋ tokona ŋituŋa a ŋikabilae daadaŋ a ŋapukasinei a ŋuna alo Kuju, tosodi epote ikes, ido iwuakinete ŋirwosi kec daadaŋ ŋikicoloŋo kec ŋulukipukaet lopukei a Yerusalem imanito ŋarwatatain ŋuna ewuato iŋes daadaŋ ka imanito ŋitaunio a Yudaya daadaŋ.

Yer. 25:9

Anyarauni ayoŋ ŋituŋa a ŋikabilae a ŋulu a lo Kuju ka a eketiyan kaŋ Nebukadinesar ŋolo a Babilon, ayauni ayoŋ ikes kitijioto akwap na anyarauni ayoŋ ikes kitijioto ŋituŋa a Yudaya ka ŋituŋa a ŋakwapin a daadaŋ a ŋuna idunyatar ikes. Amunyari ayoŋ ikes jik, eturuwo ikes ŋulu ebulit ka ŋulu irumito ŋileec ta ŋulu inyasuna ŋikaru ka ŋikaru.

Yer. 26:10

Ani iirarete ŋikapolokinitok ŋituŋa a Yudaya ŋakiro ŋun, apotu ikes kitipeiyosi alokai ka apukan toloto Kai ka Akuj, kiboikinos lopuke ŋolo enyaritae Epuke ŋolo Kitete alo Kai ka Akuj.

Yer. 4:6

Tododasi abendera Sion toema, ikotere iunosi, nyididyoto, anerae ayaunit ayoŋ aronis alo Kuju ka akinyasuno ŋina alalan nooi.

Esek. 10:2

Tema Akuj neni a ekile a ŋolo anapit ŋilowi ŋulu amilimilak, “Ape toloma kidiŋ ŋiboorei ŋulu ikwaan ka ŋakejen a agaari ŋulu eyakasi kwap ŋisubuna ŋulu a ŋabebenuk kilelebik a nen alokidiŋ ŋisubuna ŋulu a ŋabebenuk, ŋatotol nakan kon, ido kielak lotaun.” Abu ayoŋ eteo ekile ŋol elosi alomar Kai ka Akuj.

Esek. 8:3

Abu iŋes torwaa ibore ŋini ekwaan ka akan keŋ, kikamu ŋitim anakou kaŋ okoya ayoŋ. Abu etorube ŋolo a etau ka Akuj ŋol okoya ayoŋ kidiŋ nakuj ka akwap, ekaku abu okoya ayoŋ Yerusalem alotorubei a ŋulu ka Akuj. Ekewuak iŋes ayoŋ lopuke ŋolo iwasi alotooma alopuke a ŋolo alo Kuju elomaryo nalapatu ŋina ka Kai ka Akuj. Ayai nen etorube ŋolo ka akuj a ŋina etiyaunitae, etorube ŋolo etiilit Akuj nooi.

Esek. 9:11

Abu nai ekile ŋolo anapit ŋilowi ŋulu amilimilak toyakar nawae keŋ ibore ŋini aya ŋiboro ŋulukigiret ya ŋakiro neni ka Akuj tema, “Adau ayoŋ akitiya lopite ŋolo ikicikitor iyoŋ ayoŋ.”

Esek. 9:3

Apaki ŋin, aris akica ŋina ka ayakau a Akuj a Ŋisirael kelot kidiama ŋisubuna ŋulu a ŋabebenuk neni sek ayai, aris kelot lopuke ŋolo ka Akai ka Akuj. Abu nai Ekapolon tonyara ekile ŋolo anapit ŋilowi ŋulu amilimilak toyakar nawae keŋ ibore ŋini aya ŋiboro ŋulukigiret;

Dan. 10:5

abu ayoŋ ereo kidiama, eŋolik ekile ŋolo anapit ŋilowi ŋulu amilimilak, tonapite anacir akoroba ŋina etiyaunitae a egolid a ŋolo alo Upas.

Dan. 12:6

Abu epei kec tolimok ekile ŋolo anapit elou ŋolo amilimilan, ŋolo awoi alokidiama ŋakipi tema, “Apaki ŋina etya ai eayete ŋaumonokineta nu nyedauna? ”

Ŋilep. 16:4

Emaikina iŋes tonap esati, tonap alotooma esati ŋilowi ŋice ŋulu amilimilak; toenik arokoba ŋina amilimilan nacir keŋ, ido nai tonap akopiya ŋina amilimilan. Erae ŋinapen ŋul ŋulu asegak. Emaikina iŋes kiloŋar, ido nai tonap ŋinapen ŋul.

Amos 9:1

Tema Amos, “Abu ayoŋ eŋolik Ekapolon ewoi alodiyete Namuroet.” Okolimok iŋes ayoŋ tema, “Toram nooi ŋakyes a ŋipirin a ŋulu a Akai a ŋina ka Akuj, ikotere tomaranikis ŋalapatui ŋuna a Akai a ŋina ka Akuj; ido ŋulu ebucarosi, aari ayoŋ ke ekileŋ, mam ikes ipei daŋ ŋini eemi, mam ikes ipei daŋ ŋini ebucar.

Akis. 15:6

Apotu ŋimalaikan ŋulukanikaarei ŋulu ayakatar ŋakisicaneta ŋunakanikaarei tolomut alo Kai ka Akuj enapito ŋilowi ŋulu asegak ŋulu amilimilak, tonapito ŋarokobae ŋuna ke egolid anatorobwo kec.