Esek. 8:3 - Ebaibul

³ Abu iŋes torwaa ibore ŋini ekwaan ka akan keŋ, kikamu ŋitim anakou kaŋ okoya ayoŋ. Abu etorube ŋolo a etau ka Akuj ŋol okoya ayoŋ kidiŋ nakuj ka akwap, ekaku abu okoya ayoŋ Yerusalem alotorubei a ŋulu ka Akuj. Ekewuak iŋes ayoŋ lopuke ŋolo iwasi alotooma alopuke a ŋolo alo Kuju elomaryo nalapatu ŋina ka Kai ka Akuj. Ayai nen etorube ŋolo ka akuj a ŋina etiyaunitae, etorube ŋolo etiilit Akuj nooi.

Esek. 8:3 Iomraidhean Croise

1 Ŋirw. 18:12

Arotokin ayoŋ aneni kon bon, ikiyai iyoŋ, etau ŋolo ke Ekapolon neni nyayeni ayoŋ; aŋun, ani kalot ayoŋ olimok Aab, atemar iyai iyoŋ ne, ido nyikiryamu iŋes iyoŋ, akaari Aab ayoŋ. Orae bo ayoŋ ŋolo arae eketiyan kon ŋolo elipi neni ke Ekapolon ŋinapei eriŋa adit.

2 Ŋirw. 16:14

Tolema iŋes Namuroet ŋinaŋorot ŋina a eburonis alokiŋaren Akai ka Akuj, anakibois a ŋina alokidiŋ Namuroet ŋina kitete ka Akai ka Akuj kiwuak lowae ŋolo alo Kuju Namuroet ŋina kitete.

2 Ŋirw. 2:16

Tolimokis ikes Elisa temasi, “Kiira, eyakae tokona isua ŋiketiyak kon ŋatomonikan ŋulu ikigogoŋ ne. Kimyekinae isua oloto akiwarar Ekapolon kon; acepaki eyait etau ŋolo ke Ekapolon iŋes tocakaki kidiama emoru edio, kori nakadipaalat.” Tema Elisa, “Mam, nyilot.”

2 Ŋirw. 21:7

Abu kiwuak etorube ŋolo ecieunitae ŋolo ka akuj a ŋinaberu a ŋina anyaritae Asera tooma kai ka Akuj, neni koloŋ alimokinit Ekapolon Daudi ka lokoku keŋ Solomon ebe, “Kai ka Akuj na ane alo Yerusalem, iŋes aseu ayoŋ anakwap a daadaŋ a ŋina a ŋikabilae a ŋulutomon ka ŋiarei a Ŋisirael atemar ekelipere ayoŋ ŋikaru ka ŋikaru.

Ŋikiru. 78:58

Apotu ikes kitoŋoa Akuj aŋuna a ŋakiboisyo kec aŋuna elipyata neni a ŋakujo, apotu ikes kitoŋoa Akuj aŋuna a ŋitorubei a ŋakujo kec.

Awos. 20:4

“Nyitiyaut aŋuna kus etorube a idiobore erae akuj kus, kerae etorube a ibore a ŋini eyai kidiama nakuj, kori a ŋini eyai kwap tooma ŋalup, kori a ŋini eyai nakipi ŋuna alokwap ŋalup.

Awos. 20:5

Nyiryediko kilipa neni kec; anerae ayoŋ Ekapolon Akuj kus, Akuj ŋina alilyan, esicani ayoŋ ŋidwe aŋuna ka asecit atapapa kec akitodol nanyamet ŋina a ŋauni ka ŋina a ŋaomwon a ŋulu akaŋerito ayoŋ,

Awos. 34:14

(anerae nyemaikina iyes kilipa neni ka akuj a ace, Ekapolon ŋolo erae ekiro keŋ ‘Alilyan’ iŋes erae Akuj ŋina elilyana).

Yer. 32:34

Apotu ikes tosipokis ŋitorubei ŋulu ka asiilyo Kai ŋina enyaritae a ekiro kaŋ, kinyasut Akai ŋin.

Yer. 7:30

“Alimu Ekapolon atemar etiyata ŋituŋa a Yudaya ŋakiro ŋuna aronok alokiŋaren kaŋ, ewuakis ikes asiilyo kec Kai ŋina enyaritae a ekiro kaŋ, eturuwosi ŋina nyeseg

Esek. 1:1

Alokaru a ŋolo a ŋatomoniuni, elap ŋolo a ŋiomwon, ŋirwa ke elap ŋikan, eriŋa ayoŋ ikiya ka ŋirikon ŋuluce diyete aŋolol Kebar neni aponi itorikor, abu kidiama toŋaar, eŋolik ayoŋ ŋatakanikineta ŋuna aponito aneni ka Akuj.

Esek. 10:3

Awuasi ŋisubuna ŋulu a ŋabebenuk alowae a ŋolo alo kwap Akai ka Akuj elomari ekile ŋol Kai ka Akuj, ido abu edou kilelebun nalapatu ŋina alokidiŋ Akai ka Akuj.

Esek. 11:1

Abu nai etau okopororya ayoŋ, okoyau lopuke ŋolo alo Kide Akai ka Akuj, lopuke ŋolo iŋoliyarit Kide. Ayakasi lopuke ŋol ŋikilyok ŋatomoniarei ka ŋikan; eŋolik ayoŋ alokilyok a ŋul Yaasania lokoku ka Asur ka Pelatia lokoku a Benaia ta ŋikarikok a ŋituŋa.

Esek. 11:24

Alotorube a ŋolo abu ayoŋ oyakaun, abu etau ekekyaa ayoŋ a nen, okoyau ayoŋ neni a ŋituŋa a ŋulu eelaritae nakwap ŋina a Kalidea. Abu nai etorube ŋolo abu ayoŋ eŋolik torotok aneni kaŋ.

Esek. 2:9

Abu nai ayoŋ oŋoleŋolek, eŋolik akan iopeunitoe neni kaŋ, ayai nakan ŋin ekitaabo ŋolo egiritae ŋakiro.

Esek. 3:12

Abu nai Etau ŋolo ka Akuj ekekyaa ayoŋ kidiama, eiira ayoŋ alokaku kaŋ eruye ŋolo acela nooi ŋolo alosi atipei ebala, “Kipuroe apolou ŋina ke Ekapolon alokidiama anakuj!”

Esek. 3:14

Abu nai Etau ŋolo ka Akuj ekekyaa ayoŋ kidiama okoya a nen, abu ayoŋ onyunyur ka abu etau kaŋ toŋo aŋuna eketiŋakinitor Ekapolon ayoŋ ŋuna acamit iŋes.

Esek. 37:1

Abu apedor ŋina ke Ekapolon bu neni kaŋ, abu etau a Ekapolon okoya ayoŋ ekewuak kidiŋ akadipaalat; eleleba ŋakoyo nakadipaalat ŋin.

Esek. 40:2

Anakitoodianakineta a ŋuna ka Akuj aŋuna abu ayoŋ eŋolik, abu Akuj okoya ayoŋ nakwap a Isirael, ekewuak ayoŋ lomoru ŋolo aoyan, ŋolo aya ŋaduketa ŋuna asibito ŋuna a etaun lowae keŋ ŋolo alo Kwap.

Esek. 43:5

abu etau ekekyaa ayoŋ kidiama, okoya ayoŋ nalapatu ŋina alotooma Akai ka Akuj, abu nai akica ŋina a Ekapolon kilelebun Kai ka Akuj.

Esek. 43:8

Apaki ŋina aponiata ŋirwosi a Ŋisirael toduko ŋipukei kec diyete ŋulu kaŋ ka kiwuanakis ŋakito ŋuna anawae ka ŋuna alokidiama ŋipukei diyete ŋuna kaŋ, toruwor arwatata bon eyai kidiŋ kaŋ ka ikes, apotu ikes apaki ŋin tomunaasi ekiro kaŋ ŋolo asegan anakitiya asiilyo. Aŋun, abu ayoŋ anaŋoit kaŋ omunya ikes.

Esek. 5:11

Aŋun, ikwapei araakar ayoŋ Akuj ŋina ayari, aŋuna itisiliyaniata iyes Akai kaŋ a aronis a daadaŋ ka asiilyo kus daadaŋ, ajoŋoe ayoŋ amina iyes, nyekeŋolikini ayoŋ iyes, ido ekesyon, kori okoesik akisican.

Esek. 7:20

Alonapito kec a ŋulu ebusak, a ŋulu aponiata ikes kiturokinotor, apotu ikes kitiyaut ŋitorubei ŋulu ka asiilyo ka ŋakujo kec ŋuna pa acamit ayoŋ. Aŋun, eturuwori ayoŋ ikes ŋulu itoroniarito ŋiboro ŋulu ebaritotor ikes.

Esek. 8:5

Tema nai Akuj neni kaŋ, “Lokoku a ituŋanan kiŋoliu kidiama lowae ŋolo alo Kuju lo.” Aŋun, abu ayoŋ eŋoliya inaa, eŋolik etorube ŋolo etiilit Akuj nooi eyai Kuju epuke ŋolo elomarere namuroet.

Esek. 9:2

Apotu nai ŋikilyok ŋikanikapei potu alowae a ŋolo a epuke a ŋolo ayai neni amukur alowae a ŋolo alo Kuju Akai ka Akuj. Ayakar ŋolokile ibore ŋiniaaret, arukito ŋikilyok ŋul ka ekile ŋolo anapit ŋilowi ŋulu amilimilak, toyakar nawae keŋ ibore ŋini aya ŋiboro ŋulukigiret. Apotu ikes tolomasi tooma towua alodiyete namuroet ŋina etiyaunitae ke eburonis.

Dan. 10:10

Abu nai akan okotap ayoŋ, ido eketonyou ayoŋ alokwap, edoŋ ayoŋ nen alyat a ŋakan ka ŋakuŋin, omarani.

Dan. 10:18

“Abu nabo emalaika ŋolo asibit ituŋanan okotap ayoŋ, tosodi eketogogoŋ ayoŋ.”

Dan. 5:5

Apaki ŋinapei amatatar erwosit ka ŋirukitos keŋ, totakanu atipei akan a ituŋanan, kisyak akigir nenidelet anarwatata a akai ka apukan, alodiyete awoet a etaa. Ete erwosit akan ŋin apaki ŋina egiria ŋakiro narwatata.

Ŋitic. 8:39

Ani elomunete ikes anakipi, ya Etau ŋolo ke Ekapolon Pilipo, nyiŋolik nabo ekapolon iŋes. Nai tolot lore keŋ elelyani.

Ŋikis. 32:16

Inakis iŋes tolilik ŋakujo ŋunagelae, kitoŋoa iŋes a ŋakiro a ŋuna eŋerit iŋes.

Ŋikis. 32:21

Apotu ikes eketililikis ayoŋ ibore ŋini nyerae akuj, eketoŋoa ayoŋ a ŋitorubei kec a ŋulu a ŋakujo. Aŋun, ainakini ayoŋ ikes tolilikis ibore ŋini nyerae ituŋanan, kitoŋoa ŋituŋa ŋulu abaŋaaka ikes.

Ŋikis. 4:24

anerae ikwaan Ekapolon Akuj kus ka akim ŋina ikimunyari, erae Akuj ŋina elilyana.

Ŋikis. 5:9

Nyiryediko kilipa neni kec, anerae ayoŋ Ekapolon Akuj kus arae Akuj ŋina alilyan, esicani ayoŋ ŋidwe aŋuna ka asecit atapapa kec akitodol nanyamet ŋina a ŋauni ka ŋina a ŋaomwon a ŋulu akaŋerito ayoŋ,

Ŋikis. 6:15

anerae Ekapolon Akuj kus ŋina irukito kaapei ka iyes erae ŋina alilyan. Ani kiwuapa ŋakujo ŋace, eŋoi Ekapolon Akuj kus neni kus ka ikimunyari iŋes iyes anakwap.

Yos. 24:19

Nai abu Yosua tolimok ŋituŋa tema, “Nyipedorete iyes akitiyanakin Ekapolon. Erae iŋes Akuj ŋina Asegan; erae iŋes Akuj ŋina alilyan. Nyisyoni iŋes ŋasecisya aŋuna ka aŋerit kus iŋes.