Esek. 8:16 - Ebaibul

¹⁶ Abu nai Akuj okoyau ayoŋ nalapatu ŋina alotooma Akai ka Akuj, ayakasi diyete epuke ŋolo ka Akai ka Akuj, kidiŋ ebarasan ka namuroet ŋikilyok ŋulu aapiyarit ekimar kec ŋatomoniarei ka ŋikan. Amulenito ikes Akai ka Akuj, eŋoliyarito lowae ŋolo alo Kide, ejuuruyete ikes iŋoliyarito Kide, ilipete neni ka akoloŋ.

Esek. 8:16 Iomraidhean Croise

1 Ŋirw. 8:29

Elipi kite iyoŋ Akai na nakwaare ka naparan, kite akibois na ŋina ibu iyoŋ tolimu a ŋuna keŋ ebe, ‘Neni eyakaun ekiro kaŋ ne,’ ikotere nai iirari iyoŋ eketiyan kon ilipi neni kon iŋoliunit nakibois na.

2 Ŋirw. 16:14

Tolema iŋes Namuroet ŋinaŋorot ŋina a eburonis alokiŋaren Akai ka Akuj, anakibois a ŋina alokidiŋ Namuroet ŋina kitete ka Akai ka Akuj kiwuak lowae ŋolo alo Kuju Namuroet ŋina kitete.

2 Ŋirw. 21:5

Toduku iŋes ŋamuroeta ŋuna elipere ŋikacer nalapatui ŋunaarei alo Kai ka Akuj.

2 Ŋirw. 23:11

Tolema iŋes ŋitorubei a ŋaŋolei ŋulu sek etowoikinito ŋirwosi a Yudaya lokek ŋolo ka Akai ka Akuj, ŋuna etaleoritae neni ka akoloŋ, torae alodiyete akai ŋina a ekolup a ŋolo anyaritae Nasan Melek, akai ŋina ayai narwatata. Kicunyak iŋes ŋagaari ŋuna elipere akoloŋ.

2 Ŋirw. 23:5

Kirita iŋes ŋisacaradotin ŋulu a ŋakujo a ŋun, ŋisacaradotin ŋulu kepotu ŋirwosi a Yudaya kiwuakis aŋuna ka ainanakin ŋainanakineta anenimukur, aneni ilipere ŋakujo alotaunio a Yudaya ka alo Yerusalem, ŋulu ainanakinete ŋainanakineta neni a Baal, neni ka akoloŋ, neni ke elap, neni a ŋirematom ka neni a ŋitopon ka neni a ŋiboorei a ŋic a ŋulu ecayete alokidiama.

2 Ŋakiro a ŋirwa 29:6

Apotu atapapaa yok toruworos ŋulu pa ekinyomito Akuj yok, apotu kitiyata ŋuna pa etalakarito iŋes, ido apotu toŋero iŋes, nyemitakis akibois ŋina iboiyo Ekapolon.

2 Ŋakiro a ŋirwa 7:7

Abu Solomon kitaleiyo kidiŋ alapatu a ŋina ayai kiŋaren Akai ke Ekapolon, ido abu inak a nen Ekapolon ŋainakineta ŋuna epeyo ka ŋasepwa a ŋainakineta a ŋuna a ekisil; etiyae iŋes ŋun a nen, anerae adidiŋ Namuroet ŋina etiyaunitae a eburonis ŋina sek keris iŋes kitiyau, pa apedorito ŋainakineta nu apenare nen; ŋainakineta ŋuna epeyo, ŋainakineta ŋuna a ŋikinyom ka ŋasepwa.

Yer. 2:27

ŋulu ebasi neni a ekitoe ebe, ‘Irae iyoŋ papa kosi’ ka neni a amoru ebe, ‘Iyoŋ ikiuruuni isua’ Irworosi ikes ŋun, anerae akamuleno ikes ayoŋ ka nyeketeete ikes ayoŋ. Nai apaki ŋina eyakatar ikes locan elimunete ikes ebe, ‘Bua, toiunae isua.’

Yer. 32:33

Akamuleno ikes ayoŋ tari ŋina arubakinitor ayoŋ etatami ikes, nyiirara ikes ŋakiro kaŋ ka nyecamuna ŋuna etatami ayoŋ.

Yer. 44:17

Nai ikitiyae isua ŋuna adaun akikoŋ atemar ikitiyae, ikiinakini isua ŋainakineta kosi neni a arwosit a ŋina anakuj ka einakinio iŋes ŋainakineta ŋuna a ŋimaten lopite ŋolo sek etiyaere isua ka ŋolo sek etiyaata atapapaa kosi, ŋirwosi kosi ka ŋikapolok kosi alotaunio a Yudaya ka alorotin a Yerusalem. Ayakare isua akimuj ŋina alalan, ayakare abaru ka amam ŋican.

Yer. 7:18

Ikeyenete ŋidwe ŋikito, kinokakis atapapa akim, tomunaut ŋaberu ŋakirya akipounio ŋamugati aŋuna a arwosit a ŋina alokidiama ka eyaanarete ŋainakineta ŋuna a ŋimaten neni a ŋakujo a ŋace aŋuna ka akitoŋoya ayoŋ.

Yer. 8:2

ido elokinio ikes nakoloŋ, lolap ka losubuna ŋulu alokidiama daadaŋ ŋulu sek apotu ikes tominakis ka kitiyanakis, ŋulu apotu ikes kiwuapa ka kiŋita ŋakiro, ido kilipa neni kec, nyecunakinio ikes iwapei tonukae, ikwaanikinosi ikes ka aoret ipetipetakina kwap.

Esek. 10:3

Awuasi ŋisubuna ŋulu a ŋabebenuk alowae a ŋolo alo kwap Akai ka Akuj elomari ekile ŋol Kai ka Akuj, ido abu edou kilelebun nalapatu ŋina alokidiŋ Akai ka Akuj.

Esek. 11:1

Abu nai etau okopororya ayoŋ, okoyau lopuke ŋolo alo Kide Akai ka Akuj, lopuke ŋolo iŋoliyarit Kide. Ayakasi lopuke ŋol ŋikilyok ŋatomoniarei ka ŋikan; eŋolik ayoŋ alokilyok a ŋul Yaasania lokoku ka Asur ka Pelatia lokoku a Benaia ta ŋikarikok a ŋituŋa.

Esek. 23:35

Ŋuna tokona irworo Ekapolon Akuj ikes nu, aŋuna ikimuryakinia iyoŋ ayoŋ ka aŋuna nyeriŋa iyoŋ ikimitakinit ayoŋ, emaikina iyoŋ ikitir ŋakiro kon ŋuna ka aleeco ka amalao.”

Esek. 23:39

Akoloŋit ŋinapei aayata ikes ŋidwe kec erae ŋamuronisya neni a ŋakujo kec, apotu tolomasi nakibois kaŋ ŋina asegan tomunaasi, ŋakiro ŋun ikes apotu Oola ka Ooliba kitiyata alokai kaŋ.

Esek. 40:28

Abu nai ekile ŋol okoya ayoŋ nalapatu ŋina alotooma Akai ka Akuj, ayai alapatu ŋin diyete epuke ŋolo ayai lowae ŋolo alo Kwap, abu iŋes kipim epuke ŋol toryamu eriyan ka ŋuluce.

Esek. 40:6

Abu ekile ŋol tolot lopuke ŋolo iŋoliyarit lowae ŋolo alo Kide, todoka anadoketa a epuke a ŋol, kipim nenilapat a epuke a ŋol ameun alokidiama tari kwap, toryamu erae ŋimitae ŋiuni.

Esek. 43:5

abu etau ekekyaa ayoŋ kidiama, okoya ayoŋ nalapatu ŋina alotooma Akai ka Akuj, abu nai akica ŋina a Ekapolon kilelebun Kai ka Akuj.

Esek. 43:8

Apaki ŋina aponiata ŋirwosi a Ŋisirael toduko ŋipukei kec diyete ŋulu kaŋ ka kiwuanakis ŋakito ŋuna anawae ka ŋuna alokidiama ŋipukei diyete ŋuna kaŋ, toruwor arwatata bon eyai kidiŋ kaŋ ka ikes, apotu ikes apaki ŋin tomunaasi ekiro kaŋ ŋolo asegan anakitiya asiilyo. Aŋun, abu ayoŋ anaŋoit kaŋ omunya ikes.

Esek. 45:19

Emaikina esacaradoti tolemu ŋaokot ŋadi ŋuna ka ainakinet aŋuna ka asecit, kiosak nakito a epuke a Akai ka Akuj ka lokoonae ŋuluomwon anamuroet ŋulu alokidiama ta nakito ŋuna a ŋipukei a alapatu a ŋina alotooma.

Esek. 46:1

Alimu Ekapolon Akuj nu ebe, “Alotooma ŋirwa ŋikanikapei ŋulu itiyaere, emaikina egolitoe epuke ŋolo elomunere nalapatu ŋina alotooma alowae a ŋolo alo Kide, nai ani edoli akoloŋit ŋina a Sabato, emaikina toŋaarae ka akoloŋit ŋina elomunia elap ŋolokitete, emaikina toŋaarae.

Esek. 7:23

Kitemonokisi ŋiriko! Anerae elelebun atwanare ŋina ka atubonokin nakwap kus, elelebun aryenyeo lotaun kus.

Esek. 8:15

Tema Akuj neni kaŋ, “Lokoku a ituŋanan, iŋolik iyoŋ ŋakiro nu a? Iŋolikini iyoŋ ŋace ŋuna ka asiilyo a ŋina apolon nooi akilo ŋun.”

Yoel 2:17

Emaikina ŋisacaradotin ŋulu itiyaete alokiŋaren Ekapolon, kigworo alokidiŋ ebarasan ŋolo ka Akai ka Akuj ka Namuroet. Emaikina ikes temasi, “Kisyoni ŋituŋa kon, okoe Ekapolon. Nyituruwo ŋituŋa kon ke elope ŋulu ejamuwaritae, ŋulu irworore anakwapin. Kaanukiro emaikina ŋakwapin iŋitasi ebe, ‘Ai mono eyai Akuj kec?’ ”

Ŋikis. 17:3

aŋuna alosyo akitiyanakin ŋakujo ŋace ka akilip neni kec, kerae neni ka akoloŋ, kori, a elap, kori a ŋiboorei ca daadaŋ ŋulu eya kidiama, a ŋulu nyakacamakinit ayoŋ iyes kilipa neni kec,

Ŋikis. 4:19

Tosodi ani ireorete iyes kidiama kiŋolikis akoloŋ, elap ka ŋikacer ka ŋiboorei daadaŋ ŋulu eyakasi kidiama, tocoito ioliyorete ikisyakis akilip neni kec ka kitiyanakis ikes, erae ŋul ŋiboorei ŋulu akoraki Akuj ŋituŋa daadaŋ ŋulu a ŋakwapin a daadaŋ.