Esek. 8:1 - Ebaibul

¹ Ani edoli ekaru ŋolo a ŋikanikapei, elap ŋolo a ŋikanikapei, ŋirwa ke elap ŋikan, apaki ŋina eboiyo ayoŋ alokai kaŋ, kiboiyete ŋikasikou ŋulu a Yudaya alokiŋaren kaŋ, abu apedor ŋina ke Ekapolon Akuj bu neni kaŋ a nen.

Esek. 8:1 Iomraidhean Croise

2 Ŋirw. 6:32

Tosodi kiyakiya iŋes ekile alosit arikun Elisa. Apaki ŋinapei, ayai Elisa kai keŋ, eboiyete ka ŋikasikou. Ani eriŋa ekile ŋolo eyakit erwosit nyedoluno, tolimok Elisa ŋikasikou tema, “Iyenete iyes atemar iyakuunit ekaaran ŋol ekile atubor akou kaŋ a? Ani tokona edoluni ŋolo iyakuunitae ne, togolokis ekek, nyimyekis iŋes tolomu. Etupit erwosit elope iŋes ediyediye.”

Esek. 14:1

Apotu ŋikasikou a Isirael ŋice potu neni kaŋ, kiboikinos kiŋaren kaŋ.

Esek. 14:4

Aŋun, kirwor neni kec tolimok ebe, ‘Alimu Ekapolon Akuj ŋakiro nu atemar ani kiwuak ituŋanan idio etau keŋ neni a ŋakujo ka kimyek aronis erikori iŋes nasecit, ido ani kitiyata ŋun, tolot neni a ekadwaran, ayoŋ Ekapolon aboŋokini iŋes ŋini ebuni, aboŋokini ayoŋ iŋes alotyae a ŋolo a ŋakujo keŋ.

Esek. 20:1

Alokaru a ŋolo a ŋikanikaarei, elap ŋolo a ŋikan, ŋirwa ke elap ŋitomon kedaun arikor isua nakwapin; apotu ŋikasikou a Ŋisirael ŋice potu neni kaŋ akiŋita ŋakiro ŋuna ebala Ekapolon. Apotu ikes kiboikinos kiŋaren kaŋ.

Esek. 24:1

Alokaru a ŋolo a ŋikanikaomwon, elap ŋolo a ŋitomon, ŋirwa ke elap ŋitomon, abu Ekapolon kirwor neni kaŋ tema,

Esek. 26:1

Alokaru a ŋolo a ŋitomon ka epei, ŋirwa ke elap epei, abu Ekapolon kirwor neni kaŋ tema,

Esek. 29:1

Alokaru a ŋolo a ŋitomon, elap ŋolo a ŋitomon, ŋirwa ke elap ŋitomon ka ŋiarei, abu Ekapolon kirwor neni kaŋ tema,

Esek. 29:17

Alokaru a ŋolo a ŋatomoniarei ka ŋikanikaarei, elap ŋolo ke epei, ŋirwa ke elap epei, abu Ekapolon kirwor neni kaŋ tema,

Esek. 3:12

Abu nai Etau ŋolo ka Akuj ekekyaa ayoŋ kidiama, eiira ayoŋ alokaku kaŋ eruye ŋolo acela nooi ŋolo alosi atipei ebala, “Kipuroe apolou ŋina ke Ekapolon alokidiama anakuj!”

Esek. 3:14

Abu nai Etau ŋolo ka Akuj ekekyaa ayoŋ kidiama okoya a nen, abu ayoŋ onyunyur ka abu etau kaŋ toŋo aŋuna eketiŋakinitor Ekapolon ayoŋ ŋuna acamit iŋes.

Esek. 3:22

Abu apedor ŋina ke Ekapolon bu neni kaŋ aneni akatyakaritae, tema Ekapolon neni kaŋ, “Tonyou, ape totiyaar nakadipaalat, ido ekesirworik ayoŋ iyoŋ a nen.”

Esek. 30:20

Alokaru a ŋolo a ŋitomon ka epei, elap ŋolo ka epei, ŋirwa ka elap ŋikanikaarei, abu Ekapolon kirwor neni kaŋ tema,

Esek. 31:1

Alokaru a ŋolo a ŋitomon ka epei, elap ŋolo a ŋiuni, ŋirwa ka elap epei, abu Ekapolon kirwor neni kaŋ tema,

Esek. 32:1

Alokaru a ŋolo a ŋitomon ka ŋiarei, elap ŋolo a ŋitomon ka ŋiarei, ŋirwa ka elap epei, abu Ekapolon kirwor neni kaŋ tema,

Esek. 32:17

Alokaru a ŋolo a ŋitomon ka ŋiarei, elap ŋolo ka epei, ŋirwa ka elap ŋitomon ka ŋikan, abu Ekapolon kirwor neni kaŋ tema,

Esek. 33:22

Eboŋ sek eriŋa nyedolo akoloŋit ŋina abunio ekasiiunan ŋol alo Yerusalem, aris ayoŋ kayenu atemar ayai Ekapolon neni kaŋ, aris Ekapolon keŋaa akituk kaŋ eriŋa ekasiiunan ŋol nyedoluno neni kaŋ, akoloŋit ŋinace taparacu. Aŋun, aŋaara akituk kaŋ, pa nabo ekepiyorit ayoŋ akirworo.

Esek. 33:31

Eponeneete neni kon ŋituŋa kaŋ lopite ŋolopei sek eponianiata, iboiyonokin ikes kiŋaren kon topupokis ŋakiro ŋuna irworo iyoŋ, nai nyitiyaete ikes iwuapito ŋakiro ŋun. Irworosi ikes esibit einakina nooi akiwuap ŋakiro ŋun, nai ileleba arorokanut lotai kec ŋina ka aryamun ibore alopite a ŋolo nyiyookino.

Esek. 37:1

Abu apedor ŋina ke Ekapolon bu neni kaŋ, abu etau a Ekapolon okoya ayoŋ ekewuak kidiŋ akadipaalat; eleleba ŋakoyo nakadipaalat ŋin.

Esek. 40:1

Alokaru a ŋolo a ŋatomoniarei ka ŋikan eyakae isua nakwapin, torae apaki ŋin akisyakinet a ekaru a ŋol, ŋirwa a elap ŋitomon, toris ŋikaru ŋitomon ka ŋiomwon kelunyar ameun apaki ŋina enyasunere Yerusalem, abu apedor ŋina ke Ekapolon min neni kaŋ, okoyau ayoŋ neni sek ayai Akai ka Akuj.

Esek. 7:27

Ikalouni erwosit kus, edaun akigeno aneni alokoku a erwosit, emaranikinete aŋuna ka akuryanu a ŋituŋa a akwap kus. Ekesicani ayoŋ iyes lopite ŋolo itiyatotor iyes; akatubokini ayoŋ iyes lopite ŋolo itubonokiniata iyes ŋuluce. Ŋun nai iyenuniata iyes atemar arae ayoŋ Ekapolon.’ ”

Esek. 8:2

Abu ayoŋ eŋoliya kidiama, eŋolik etorube ŋolo ekwaan ka ituŋanan. Atakani iŋes anacir tari nakejen ikwaan ka akim ka ameun anacir tari nakou anwakinwaki ekoni asuwat ŋina epwasitae.

Mal. 2:7

Erae etic ke esacaradoti akitatam ŋuna ka aosou, ido emaikina ŋituŋa kiwara ŋakiro ŋuna itatami iŋes, anerae erae iŋes ekiyakia ŋolo ke Ekapolon a ŋolo Etiron.

Ŋitic. 20:33

Iyenete iyes ŋilopeyek atemar nyiwuakina ayoŋ ekibure losilipa a ituŋanan a idio, logolid kori lolowi,