Esek. 7:7 - Ebaibul

⁷ Adolu amunyaro kus neni kus, iyes ŋituŋa ŋulu iboiyete anakwap a Isirael. Adolu esaa, aapuu akoloŋit ŋina ke ekaile meere ŋina ebolyare itiyao ŋasuban alomoru.

Esek. 7:7 Iomraidhean Croise

Akisy. 19:15

Ani ereŋuni akwap eapuuni akiwalar, todyeka ŋimalaikan Lot, temasi, “Tonyou, ya aberu kon ka ŋidwe kon ŋulupesur ŋulu eya ne, ani kemam, ikimunyaryo iyes daŋ anakisicanio a ŋina a etaun a lo.”

Akisy. 19:24

Totiyau Akuj sulpa ka akim alokidiama ikwa akiru lotaunio ŋulu a Sodoma ka Gomora;

Isa. 13:22

Epote ŋibuin arwore anaduketa keŋ a ŋuna aoyak ka elomarete ŋikweei nakais kec ŋuna ka apukan, aapuu apaki ŋina inyasunere Babilon, adaun ŋirwa keŋ.”

Isa. 16:10

Alemar alakara ka alelyanu aneni a ŋimanikorin a ŋulu araak, ido adaun ituŋanan eriŋa eeo alomanikorin a ŋikito a epiini mam ituŋanan eriŋa ecela a nen, mam ituŋanan eriŋa ecui epiini anacuet, anerae alema ayoŋ ŋulu sek ecelasi a nen.

Isa. 17:14

Ani edoli eboŋ bu ekabule atipei, nai ani iwalari akwap, toŋopiyasi ikes. Erae ŋun ŋakiro ŋuna itiyakinosi neni a ŋulu enyasut akwap kosi ka erae ŋuna eryamunete ŋulu aŋatasi ŋiboro kosi.

Isa. 22:5

Esubakinit Ekapolon a ŋajoresyo akoloŋit, akoloŋit ŋina ka akiguro ka akipuda ta akibiler, itiyakin ŋun anakadipaalat a ŋina a akisileerekinet, akoloŋit ŋina eritakinere ŋarwatatain ka ŋina igworotor ŋituŋa enyarito ŋimoru kiŋarakis ikes.

Yer. 20:7

Okoe Ekapolon ikisupa iyoŋ ayoŋ ka adau ayoŋ akisuparo ikilou iyoŋ ayoŋ ka iruwor iyoŋ ekelounan. Aruwor ayoŋ ŋolo akakyenare apaaran jwii; akajamuwarito ayoŋ ŋituŋa daadaŋ.

Yer. 50:27

Toara ŋasigarya keŋ daadaŋ torikosi ikes neni eŋolere. Acakec, adolu akoloŋit kec, adolu apaki ŋina ka akisicanio kec!

Esek. 12:28

Aŋun, tolimok ikes atemar ŋakiro ŋuna irworo Ekapolon Akuj ikes nu, ‘Emam nabo alotooma ŋakiro ŋuna alimu ayoŋ ŋuna itididiyo, ŋakiro daadaŋ ŋuna alimu ayoŋ, isiyookinio.’ ”

Esek. 30:3

Tolimu ŋun, anerae aapuu akoloŋit ŋin, aapuu akoloŋit ŋina itiyakinia Ekapolon ŋuna ecamit, elalata ŋidouwon akoloŋit ŋin, eruwor apaki ŋin ŋina emunyarere ŋakwapin.

Esek. 7:12

Adolu esaa, aapuu akoloŋit; nyemaikina ŋini egyeli ibore tolelyan, kori ŋini egyelanari ibore kiitono ibore ŋin; anerae ebunit anyunyura kaŋ neni a ŋinituŋanan.

Yoel 1:15

Okoe etya ŋican ka akoloŋit a ŋin ai! Anerae aapuu akoloŋit ŋina ke Ekapolon; ebuni akoloŋit ŋin ikwaan ka ŋina ikimunaarya ŋolo Etiron.

Amos 4:13

“‘Kiirasi mono iyes iŋes ŋolo abu tosub ŋimoru ka ekuwuam, iŋes ŋolo isileerekini ŋituŋa ŋatameta keŋ ka iloconokini akuwar toruwor apaaran, iŋes ŋolo ipukat nakuj ka akwap, erae ekiro keŋ Ekapolon Akuj ŋina a ŋajoresyo.’”

1 Pet. 4:17

Adolu apaki ŋina isyakinia atubokino; isyaunio mono atubokin ŋituŋa ŋulu erae ŋulu ka Akuj. Ani kisyaunio aneni yok, ikokini nai eŋetakin aneni a ŋulu eŋerito Ŋakiro ŋuna Ajokak, ŋuna eponito aneni ka Akuj ai?