Esek. 7:3 - Ebaibul

³ Imunyarosi tokona iyes, emyekini tokona ayoŋ aŋoit kaŋ bu neni kus; akatubokini ayoŋ iyes alopite a ŋolo itiyatotor iyes, ekesicani ayoŋ iyes aŋuna ka asiilyo a daadaŋ a ŋina itiyata iyes.

Esek. 7:3 Iomraidhean Croise

Akisy. 6:13

Tolimok Akuj Noa tema, “Adau ayoŋ atubun amunyar ŋituŋa daadaŋ anakwap, anerae eelakis ŋituŋa aryenyeo nakwap; nai tokona, amunyari ayoŋ ŋituŋa kaapei ka akwap.

Isa. 47:7

Ibu iyoŋ tema, ‘Aruwor ayoŋ arwosit ŋikaru ka ŋikaru.’ ido ibu nyitamu ŋakiro ŋun, kori nyitamatam ŋuna itiyakin anakiro a ŋun ekaku.

Yer. 13:14

Etidiŋakini ayoŋ ikes make, ediŋakinosi ŋikauryak ka ŋidwe kec, kori nyaiuni idio tuŋanan apaki ŋina abunio ayoŋ amunyar ikes.’ ”

Esek. 11:21

Nai ikes ŋulu einakina alotai kec neni a ŋiboorei a ŋulu nyenyamio ka neni a ŋakujo, esicani ayoŋ ikes aŋuna a ŋiticisyo kec a ŋul.”

Esek. 16:38

Akatubokini ayoŋ iyoŋ lopite ŋolo etubonokinere ŋaberu ŋuna elomito ka ŋuna adaut akiar ŋituŋa. Ayauni ayoŋ ananyunyura ka analilit kaŋ anyaŋan neni kon okoar iyoŋ.

Esek. 16:43

Aŋuna pa ibunio iyoŋ totamunia ŋirwa ŋulu ka asoroko kon ŋulu akatiŋitor ayoŋ iyoŋ ejok, a ŋun ikitoŋo iyoŋ ayoŋ anakiro a daadaŋ a ŋuna itiya iyoŋ, ŋakiro ŋun nai eketoboŋokinio ayoŋ iyoŋ ŋiticisyo kon pei ikisicanere iyoŋ. “‘Kaanukiro ibunio iyoŋ kiatakinia amalao nakiro ŋuna aronok ŋuna sek itiyae iyoŋ?

Esek. 16:59

Ŋakiro ŋuna irworo Ekapolon Akuj ikes nu, “Ekesicani ayoŋ iyoŋ lopite ŋolo itiyator iyoŋ, anerae anakimyekin iyoŋ akiwuap acamunet kaŋ ka iyoŋ, ijamuwa iyoŋ ŋuna abu ayoŋ ekoŋ.

Esek. 18:30

“Aŋun, okoe Ŋisirael, akatubokini ayoŋ iyes daadaŋ anakiro a ŋuna iwuapito iyes. Tokiwa! Toŋero aronis daadaŋ ŋina itiyaete iyes, ani kemam ikimunyari iyes asecit.

Esek. 21:25

Ani eruwor iyoŋ, iyoŋ ekaŋileec, ekarikon a Isirael ŋolo aronon, ŋolo aapuu akoloŋit kon adolun, ŋolo aapuu apaki ŋina ikisicanere;

Esek. 22:31

Aŋun, abukokini ayoŋ anyunyura kaŋ neni kec, opyea ikes anaŋoit a ŋina ka anyunyura kaŋ; adau ayoŋ akimyekin ŋakiro ŋuna itiyaete ikes pena nakyes kec pei.’ ”

Esek. 24:14

Ayoŋ Ekapolon adau alimun ŋun; ebunit apaki ka etiyakini ayoŋ ŋun. Nyemyekini ayoŋ akitiya ŋun, nyesyoni ayoŋ ituŋanan kon idio, mam tari nyeeŋuni ayoŋ aŋuna kon. Akatubokini ayoŋ iyoŋ aŋuna ŋipitesyo kon ka ŋakiro ŋuna itiyae iyoŋ.’”

Esek. 33:20

Nai ibasi iyes, ‘Nyiyookino akiwuapit ŋuna ebala Ekapolon.’ Okoe Ŋisirael, akatubokini ayoŋ iyes daadaŋ anakiro aŋuna iwuapito iyes!”

Esek. 36:19

Abu ayoŋ eela ikes nakwapin ŋunace ka aponi ikes tokorarae nakiboisyo, abu ayoŋ esican ikes aŋuna a ŋipitesyo kec ka aŋuna a ŋiticisyo kec.

Esek. 5:12

Atutubet kus apei alotooma ŋauni, emunyari edeke, kori emunyari eron alokidiŋ kus; atutubet ŋina a ŋaarei alotooma ŋauni, earakinio kiŋa ŋarwatatain a etaun kus ka atutubet ŋina a ŋauni alotooma ŋauni, eelari ayoŋ nariet, ido etutupak ikes ekileŋ kaŋ.

Esek. 5:13

“Apaki nai ŋin edaunor aŋoikinit kaŋ ikes ka iŋes editeunia anyunyura kaŋ aneni kec, iŋes ayenunia ayoŋ atemar etiyakin ŋuna acamit ayoŋ akitiyakin. Ekaku ketoodik ayoŋ ikes alilit kaŋ, eyenunete ikes atemar ayoŋ Ekapolon abu erworor ŋakiro ŋun alelakinit.

Esek. 7:2

“Iyoŋ, lokoku a ituŋanan, ŋakiro ŋuna irworo Ekapolon Akuj aŋuna ka akwap a Ŋisirael ikes nu, ‘Adaun apaki! Adolu apaki ŋina ikisicanere iyes alowaetin a ŋuluomwon a akwap kus a daadaŋ.

Esek. 7:27

Ikalouni erwosit kus, edaun akigeno aneni alokoku a erwosit, emaranikinete aŋuna ka akuryanu a ŋituŋa a akwap kus. Ekesicani ayoŋ iyes lopite ŋolo itiyatotor iyes; akatubokini ayoŋ iyes lopite ŋolo itubonokiniata iyes ŋuluce. Ŋun nai iyenuniata iyes atemar arae ayoŋ Ekapolon.’ ”

Esek. 7:4

Nyekemyekini ayoŋ iyes ekeŋolikini, nyekesyoni ayoŋ iyes. Ekesicani ayoŋ iyes a ŋakiro a ŋuna itiyata iyes ka aŋuna ka asiilyo a ŋina itiyaete iyes alokidiŋ kus. Ŋun nai iyenuniata iyes atemar arae ayoŋ Ekapolon.’

Esek. 9:10

Aŋun, nyeŋolikini ayoŋ ikes oesik, kori nyesyoni ayoŋ ikes, nai etiyae ayoŋ neni kec ŋuna adaut ikes akitiya neni a ŋuluce.”

Osea 12:3

Ani eriŋa Yakob eyai nakook a toto keŋ, abu kikamu atotinyo alokaato keŋ ka ani eruwor iŋes ekile, abu kisilek Akuj.

Amos 8:2

Ekeŋit ayoŋ Ekapolon tema, “Amos, nyo ite iyoŋ?” Oboŋok ayoŋ otema, “Ete ayoŋ ebukit ŋolo eya ŋaraito ŋuna akonok.” Tema nai Ekapolon neni kaŋ, “Adolu apaki ŋina esidyon aŋuna a ŋituŋa kaŋ a Ŋisirael, nyesyoni ayoŋ ikes nabo jik.