Esek. 7:27 - Ebaibul

²⁷ Ikalouni erwosit kus, edaun akigeno aneni alokoku a erwosit, emaranikinete aŋuna ka akuryanu a ŋituŋa a akwap kus. Ekesicani ayoŋ iyes lopite ŋolo itiyatotor iyes; akatubokini ayoŋ iyes lopite ŋolo itubonokiniata iyes ŋuluce. Ŋun nai iyenuniata iyes atemar arae ayoŋ Ekapolon.’ ”

Esek. 7:27 Iomraidhean Croise

1 Ŋirw. 20:28

Bu ekile ŋolo arae ituŋanan ŋini ka Akuj diyete neni ayai erwosit a Isirael tema, “Ebala Akuj, ‘Aŋuna etamyata Ŋiramean atemar erae Ekapolon Akuj ŋina eyai lomukura, meere Akuj ŋina eyai neni emam ŋimukura, akajalakini ayoŋ iyoŋ ajore na ŋina alalan ŋin toar, ido nai iyenuni iyoŋ atemar arae ayoŋ Ekapolon.’ ”

Yob 8:22

Irumete ŋileec ŋulu ikiremokino iyoŋ, ido emunaaryo ŋakais a ŋikaronok.”

Ŋikiru. 109:18

Arae ibore keŋ akicen ŋituŋa a ŋinapaki; emaikina ŋicen ŋul kiloŋiyasi iŋes ikwa ŋakipi, emaikina ŋicen ŋul kiibaasi iŋes ikwa akimyet.

Ŋikiru. 109:19

Emaikina iŋes kiwok ŋicen ŋul, emaikina iŋes tolida ŋicen ŋul ŋirwa daadaŋ.”

Ŋikiru. 109:29

Kimyek ŋulu ekesitakinito ayoŋ tobutasi ŋileec, kiluluyasi ikes ŋileec lopite ŋolo ikiluluyarya ekaaso.

Ŋikiru. 35:26

Kimyek daadaŋ ŋulu akakyenatar ayoŋ alocan kaŋ kisurumae ŋileec ka ŋibiler; kimyek daadaŋ ŋulu iturosi alokiŋaren kaŋ kiruma, ŋileec ka tojoŋoi akitopoloorit.

Ŋikiru. 9:16

Eyenen Ekapolon alotooma akiyookino keŋ; ikamunete ŋulu aronok ŋakiro kec ŋuna etiyata ikes.

Isa. 3:11

Ekaŋ iyes ŋulu ikiilit aŋuna ka asecit kus! Erokyata nooi ŋakiro aŋuna kus, anerae itiyakinio neni kec ŋuna apotu ikes kitiyata neni a ŋuluce.

Esek. 14:23

Etikiun etau kon iŋolikini iyoŋ ŋipitesyo ka ŋiticisyo kec, anerae ianyuni iyoŋ atemar nyitiya ayoŋ ŋadi neni a ŋituŋa a Yerusalem pa edyakarito ikes.”

Esek. 18:30

“Aŋun, okoe Ŋisirael, akatubokini ayoŋ iyes daadaŋ anakiro a ŋuna iwuapito iyes. Tokiwa! Toŋero aronis daadaŋ ŋina itiyaete iyes, ani kemam ikimunyari iyes asecit.

Esek. 21:25

Ani eruwor iyoŋ, iyoŋ ekaŋileec, ekarikon a Isirael ŋolo aronon, ŋolo aapuu akoloŋit kon adolun, ŋolo aapuu apaki ŋina ikisicanere;

Esek. 26:16

Apaki ŋin, eŋerete ŋirwosi daadaŋ ŋulu a ŋiculeta ka anam araakau ŋirwosi, elacarete ŋikaasoi kec ŋulu eraakatar ŋirwosi, elacarete ŋilowi kec ŋulu isibusitae. Emaranikinete ikes ebulit nooi ka iboikinosi kwap; emini amaran neni kec a ŋinapaki iŋolikinete ŋican ŋulu iryamut iyes.

Esek. 7:3

Imunyarosi tokona iyes, emyekini tokona ayoŋ aŋoit kaŋ bu neni kus; akatubokini ayoŋ iyes alopite a ŋolo itiyatotor iyes, ekesicani ayoŋ iyes aŋuna ka asiilyo a daadaŋ a ŋina itiyata iyes.

Esek. 8:1

Ani edoli ekaru ŋolo a ŋikanikapei, elap ŋolo a ŋikanikapei, ŋirwa ke elap ŋikan, apaki ŋina eboiyo ayoŋ alokai kaŋ, kiboiyete ŋikasikou ŋulu a Yudaya alokiŋaren kaŋ, abu apedor ŋina ke Ekapolon Akuj bu neni kaŋ a nen.

Yoel 3:17

“Aŋun, iyenunete iyes atemar, eboi ayoŋ Ekapolon Akuj kus alomukura kaŋ a ŋolo asegan. Eruwor Yerusalem akibois ŋina asegan, ido nyilounete nabo ŋituŋa ŋulugelae kidiŋ iŋes jik.

Mat. 7:2

anerae ikitubonokinio iyes ikwaŋinapei itubonokiniata iyes ŋuluce ka etyae ŋolo iinakinete iyes, iŋes ikiinakinio iyes.

Yak. 2:13

Anerae emam akisyon anatubokino a ŋina a ituŋanan a ŋini nyisyoniyenene ŋituŋa ŋuluce, nai ŋulu isyoniyete ŋuluce, nyikerito ikes atubokino.