Esek. 7:24 - Ebaibul

²⁴ Ayauni ayoŋ ŋituŋa a ŋakwapin ŋulu aronok nooi itodemasi iyes ŋakais kus. Etasaluni ayoŋ akituro a ŋikagogoŋok kus, emunaaryo ŋakiboisyo kus ŋuna ilipyata iyes.

Esek. 7:24 Iomraidhean Croise

Akisy. 47:26

Aŋun, abu Yosepu kituruwo ŋakiro ŋun ekisil a akwap a Ijipit, ido eriŋa tari tokona eyai ekisil ŋol ebe, atutubet apei alotooma ŋakan alokinyom a daadaŋ, erae ŋina a Parao. Ŋalup a ŋisacaradotin bon apotu nyeruwor ŋuna a Parao.

Ŋikiru. 106:41

Abu Akuj kipotok ikes napedor a ŋituŋa a ŋakwapin, ikotere ŋulu sek aremokino ikes ipukaete ikes.

Ŋikiru. 74:7

Ecunyakis ikes Akai kon; amunaasi ikes akibois ŋina sek ikilipere iyoŋ.

Ŋikiru. 83:12

ŋulu apotu temasi, “Ekamasi akwap ŋina ka Akuj toruwor ŋina yok.”

Isa. 5:14

Aŋun, eitan nooi akwap ŋina a ŋikatwak ikes aŋaar ŋalup nooi aŋuna kec, elomarete tooma ŋalup ŋikapolok a Yerusalem ka ŋituŋa ŋulu alalak kaapei ka asepic ŋina sek ecela a nen ta ŋulu sek itopoloorito iŋes.

Yer. 12:12

Aponito ŋituŋa ŋulu enyasut akwap kaŋ alokamukumukui a ŋulu ka aloŋisat, anerae ikimunyari ekileŋ a Ekapolon ameun alowae ka akwap ke epei tari ŋoloce; mam ituŋanan eiun.

Yer. 17:4

Aŋuna a ŋiticisyo kus, itwaniyarete iyes akwap kus ŋina abu ayoŋ okoinak iyes toruwor ŋina kus, ekemyekini ayoŋ iyes kitiyanakis ŋimoe kus anakwap a ŋina nyiyenete iyes, anerae ekwaanikin aŋoit ka akim, ido enepi ŋikaru ka ŋikaru.

Yer. 4:7

Elomunit anakibois keŋ ekenyasunan ŋakwapin lopite ŋolo elomunia eŋatuny anamoni, aloma iŋes anakibois keŋ akituruwor akwap kus acaryoit; eruwor ŋitaunio kus ŋulu inyasunitae, ŋulu emam ŋituŋa iboiyoto.

Yer. 6:12

Eruworosi ŋakais kec ŋuna a ŋituŋa a ŋice, ŋimanikorin kec daŋ eruworosi ŋulu a ŋituŋa a ŋice, ŋaberu kec daŋ eruworosi ŋuna a ŋituŋa a ŋice, anerae esicani ayoŋ ŋituŋa ŋulu ka akwap a Isirael.

Aum. 5:2

Aruwor akwap kosi ŋina a ŋigelaanotin, aruwor ŋirerya kosi ŋulu a ŋituŋa a ŋakwapin a ŋace.

Esek. 21:2

“Lokoku a ituŋanan, kiŋoliya lowae ŋolo eyai Yerusalem, tolimonok ŋakiro ŋuna itoroniyaritere ŋakiboisyo ŋuna ilipyata ŋituŋa, todwar itoroniyarit akwap a Isirael;

Esek. 21:31

Abukuni ayoŋ neni kus anyunyura ka akakutakini ayoŋ iyes anyunyura ŋina amwanan pe. Ekepotokini ayoŋ iyes nakan a ŋiryenyaanotin a ŋulu eyenete nooi epite ŋolomunaaret.

Esek. 24:21

“Tolimok Ŋisirael atemar ebala Ekapolon Akuj ebe, ‘Eapi ayoŋ amunaar akibois kaŋ ŋina asegan, ŋina erae iŋes iryamunitotor iyes agogoŋu ŋina iturotor, akibois ŋina ikibobokinit iyes akitere ka ŋina iburit ŋitai kus. Earyo a ekileŋ ŋidwe kus ŋulusapa ka ŋulupesur ŋulu ipotu iyes kimyekis alo Yerusalem.

Esek. 28:7

ayauni ayoŋ ŋituŋa ŋulugelaanotin ikiman iyoŋ, ayauni ayoŋ ŋituŋa ŋulu eryenyaaka anakwap nooi; eŋatarete ikes a ŋileŋia kec akibuses ŋina ka aosou kon. Emunaarete ikes apolou kon ŋina ailiilon

Esek. 33:28

Etisiluni ayoŋ akwap kec ka eturuwori akoŋinait, esaluni agogoŋ keŋ ŋina sek ituror iŋes, esilunete ŋikamukumukui a Isirael, edaun ituŋanan itori nen.

Sepan. 1:13

Eŋatarete ŋituŋa ŋuluce ŋiboro kec, ebwaŋabwaŋaaryo ŋakais kec. Edukokinete ikes ŋakais, nai nyiboikinosi ikes nakais ŋun; edupakinete ikes ŋikito ke epiini; nai nyemasete epiini a ŋikito a ŋul.”