Esek. 7:19 - Ebaibul

¹⁹ Imasakinete ikes esilipa kec lorotin ŋulu a ŋitaunio kec, itoroniyarete ikes egolid kec. Itiyaete ikes ŋun, anerae nyepedori esilipa kori egolid kec aiun ikes akoloŋit ŋina ebunio anyunyura a Ekapolon neni kec. Nyepedorete ikes alemar akoro aneni kec, kori akisimwon ŋakookyes kec a esilipa, kori a egolid, anerae apotu esilipa ka egolid kiŋalaasi ikes nasecit.

Esek. 7:19 Iomraidhean Croise

2 Ŋirw. 7:15

Torotokis ikes kiwuapa ŋasigarya ka Aram todolo Yorodan, toryamut ŋilowi ecakanakina erot daadaŋ. Arae ŋilowi ŋul ŋulu kimasanarete ŋasigarya aŋuna ka asuronot. Toboŋut nai ŋikilyok ŋulu eyakit erwosit tolimokis eemut neni ke erwosit.

Ŋakit. 10:2

Emam ibore ŋini eryamuni ituŋanan alobari a ŋolo eryamununuyo anakitiya aronis, nai ikiuni iyoŋ anatwanare, akiyookino.

Ŋakit. 11:4

Emam ajokis itiyakini ebari neni kon akoloŋit ŋina itwania iyoŋ, nai ikilakuni iyoŋ anatwanare akiyookino.

Ekal. 5:10

Ituŋanan ŋini emina ŋisiliŋa, nyetemari aryamu ŋisiliŋa ŋulu itemokino, tari ŋini emina ebari, nyeryamuni ibore daadaŋ ŋini ecamit iŋes aryamun.

Isa. 2:20

Akoloŋit ŋin, imasarete ŋituŋa neni a ŋisolimae ka neni a ŋimenwae ŋitorubei a ŋakujo kec ŋulu itiyaunitae a esilipa ka egolid, ŋitorubei a ŋakujo ŋulu sek etiyaunete ikes aŋuna ka akilip neni kec.

Isa. 30:22

Tosodi nai, inyasunete iyes ŋitorubei a ŋakujo kus ŋulu eburusiyaritae a esilipa ka ŋitorubei ŋulu eburisikinitae egolid. Icakarete iyes ikes esibito ŋaraco ŋuna asiilyanak, itemarete iyes neni kec, “Nyikicamit isua iyes!”

Isa. 55:2

Kaanukiro isitiyaere iyes ŋisiliŋa kus agyelya ibore ŋini nyerae akimuj? Kaanukiro icanicaniata iyes agogoŋu kus a etic a ŋolo nyiryamunia akimwonikina? Topupokinae ayoŋ ejok, ido kimuja akimuj ŋina ajokan ka tolakaros imujete akimuj ŋina etuman.

Aum. 4:1

Ekwaanikin tokona ŋituŋa kosi ka egolid ŋolo aaŋoryan. Ekwaanikin ŋituŋa kosi ielara ka ŋamoru ŋuna ka Akai ka Akuj ŋuna tokona ielakina lorotin ŋulu ke etaun.

Esek. 13:5

Nyitipeiyoro iyes neni eukonoro anarwatata alotaun kus, kori nyedukokina iyes nabo neni eukoro anarwatata aŋuna a Ŋisirael, ikotere arwatata ŋin eiuni Ŋisirael apaki ŋina ke ejie a ŋolo ebuni akoloŋit ŋina ke Ekapolon.

Esek. 14:7

Ani kelot aneni kaŋ Esiraelit edio, kori ituŋanan ŋinigelaanot ŋini iboi alo Isirael, kiwuak etau keŋ neni a ŋakujo ka kimyek aronis erikori iŋes nasecit, ido ani kitiya ŋun, tolot neni a ekadwaran, akiŋit ŋuna abala ayoŋ, ayoŋ Ekapolon elope aboŋokini iŋes.

Esek. 30:3

Tolimu ŋun, anerae aapuu akoloŋit ŋin, aapuu akoloŋit ŋina itiyakinia Ekapolon ŋuna ecamit, elalata ŋidouwon akoloŋit ŋin, eruwor apaki ŋin ŋina emunyarere ŋakwapin.

Esek. 44:12

Nai aŋuna aponiata ŋilepi kitiyata etic aŋuna a ŋituŋa alokiŋaren ŋakujo kec, torikosi Ŋisirael nasecit, aŋun adau ayoŋ Ekapolon Akuj akikoŋ ekyaarit akan kaŋ atemar emaikina ikes kisicanae aŋuna ka asecit kec.

Sepan. 1:18

Nyepedori esilipa, kori egolid kec aiun ikes akoloŋit ŋin ŋina ka anyunyura ke Ekapolon; apaki ŋin ŋina elilitor iŋes nooi, emunyaryo ŋituŋa ka akwap a daadaŋ; anerae itasaluni Ekapolon atipei pa eyenio apaki ibore daadaŋ ŋini eyai nakwap.”

Sepan. 1:3

Amunyari ayoŋ ŋituŋa ka ŋibaren ta ŋityaŋ, amunyari ayoŋ ŋikyeny ka ŋikolya. Esipiyori ayoŋ ŋulu aronok epite ŋolo eyaryata. Amunyari ayoŋ ŋituŋa anakwap.

Mat. 16:26

Alipoida eryamuni ituŋanan erae keŋata iŋes akwap daadaŋ, nai totwania akiyar keŋ? Mam jik! Kori nyo epedorya ituŋanan akisyecia akiyar keŋ?

Ŋirom. 11:9

Ido ebala Daudi ebe, “Elipi ayoŋ neni ka Akuj toruwor ŋasuban kec ŋaunoi ŋuna isirumere ikes; elipi ayoŋ kisican Akuj ikes.