Esek. 7:18 - Ebaibul

¹⁸ Enapete ikes ŋiguniyae, ilopiyari ekabule ikes. Ilelebun ŋileec neni a ŋinituŋanan, ebanyaryo ŋitim anakou a ŋinituŋanan.

Esek. 7:18 Iomraidhean Croise

Akisy. 15:12

Ani ewaiyari akoloŋ, kilurut Aburam ŋajo, tojotoor nooi; a nen, min akiryonut ŋina eryono cuc ŋina ikitubuli neni ayai Aburam.

Yob 21:6

Ani etamakini ayoŋ epite ŋolo eyakar akuwan kaŋ, akakadakini ayoŋ, ido inyasun akuwan kaŋ daadaŋ tomaranik aŋuna ke ekabule.

Ŋikiru. 35:26

Kimyek daadaŋ ŋulu akakyenatar ayoŋ alocan kaŋ kisurumae ŋileec ka ŋibiler; kimyek daadaŋ ŋulu iturosi alokiŋaren kaŋ kiruma, ŋileec ka tojoŋoi akitopoloorit.

Isa. 3:24

Eyakaun nen abosis meere eure a akimyet a ŋina akukunyon, enapi ŋinituŋanan auno meere ausi, edaun anakyes kec ŋitim ŋulu sek eoitoe ejok, enapete ikes ŋiguniyae meere ŋilowi ŋulu ajokak, edaun akibuses aneni kec ka irumete ŋileec ikes.

Yer. 3:25

Emaikina iwon opero alokwap ka ŋileec yok, emaikina ikirapuwasi iwon ŋileec ŋulu nyitopolooritere iwon Ekapolon, anerae ikisec iwon aneni a Ekapolon Akuj yok, iwon kaapei ka atapapaa yok; ameun anasoroko yok tari nakoloŋit na, ido nyiwuapa iwon ŋuna irworo Ekapolon Akuj yok.”

Yer. 48:37

“Abanyasi ikes daadaŋ ŋakyes kec ka ŋipeneka kec, eyakasi ŋajemei nakan kec a daadaŋ ka anapa ikes daadaŋ ŋiguniyae anacirin kec.

Yer. 6:25

Nyilot lomanikorin, kori nyilot alorotin, anerae eyakatar ŋimoe yok ŋiboro ŋulujiet, eyai ekabule lowaetin yok daadaŋ.’

Yer. 6:26

“Irworo Ekapolon neni a ŋituŋa keŋ ebala, ‘Okoe ŋituŋa kaŋ, tonapa ŋiguniyae, kipunupunakinosi lokurono, kigworo lopite ŋolo igworore aŋuna a ikoku a ŋinidonupei, kiwololoto akiwolol ŋina apipilan nooi; anerae ebuni neni kus ekenyasan pa iyenete iyes.’

Esek. 27:31

Ebanyete ikes ŋakyes kec aŋuna kon ka enapete ŋilowi ŋulukigworet. Ikalounete ikes aŋuna kon enomorito ŋakiro ŋitai nooi, erae akigworo ŋina apipilan.

Yoel 1:13

Tonapa ŋiguniyae, iyes ŋisacaradotin, ido kgiworo; kiwololoto, iyes ŋulu itiyaete Namuroet. Potu, tonapa ŋiguniyae akuwar kya, iyes ŋulu irae ŋiketiyak ŋulu ka Akuj; anerae alemar alo Kai ka Akuj kus ŋainakineta ŋuna a ŋikinyom ka ŋimaten.

Amos 8:10

Eturuwori ayoŋ ŋasuban kus ŋuna igworore ka ŋieosyo kus daadaŋ eruworosi ŋulu ka akiwolol. Eketanapi ayoŋ iyes daadaŋ ŋiguniyae anacirin, eketabanyari ayoŋ iyes ŋitim anakyes kus; ekesigwori ayoŋ iyes lopite ŋolo igworore ikoku ŋinikiyae; eruwor akoloŋit ŋin daadaŋ ŋina aronon nooi.’