Esek. 7:16 - Ebaibul

¹⁶ Ani keyakaun ŋulu ebucarosi tosiwa, eryamunio ikes alokidiama ŋimoru ikwa ŋakuryo ŋuna a ŋakadipaalae, eryamunio ŋinituŋanan igworo aŋuna a ŋasecisya keŋ.

Esek. 7:16 Iomraidhean Croise

Esir 9:15

Okoe Ekapolon, Akuj a Isirael, iyookino iyoŋ, nai ikideun isua ikirae ŋipiya, lopite ŋolo eyakatar ŋakiro tokona. Ikiya isua kiŋaren kon ikiyakar ekaile, anerae mam ituŋanan epedori akiwo alokiŋaren kon aŋuna a ŋakiro aŋun.”

Ŋikiru. 55:2

Kiirarae ayoŋ, ido itoboŋok ayoŋ. Ayai ayoŋ locan ŋulu apipilak nooi, ido ekesyaasi ayoŋ ŋatameta,

Isa. 1:9

Ani kerae nyikiesikinitor iwon Ekapolon ŋolo a ŋajoresyo ŋipiya yok ŋidi, kikikokinit iwon Sodoma ka kikikwaanikina ka Gomora.

Isa. 37:31

Epitunete ŋituŋa a Yudaya ŋulupiya, edupakin ikwa ŋataaŋor alokwap ekitoe ka elalaketa ikwa ŋaraito alokidiama ekitoe.

Isa. 38:14

“Eoroonor ayoŋ aditiyar etoil kaŋ ka apalagag egworo ayoŋ lopite ŋolo erwor akuri. Aup ŋakonyen kaŋ akireorit kidiama. Okoe Ekapolon, ekesicanitae ayoŋ, toruwor ekeuryaran kaŋ.

Isa. 59:11

Ipopolao isua daadaŋ ikwa ŋityaŋ ŋulu adedeŋak, igworoe isua nooi ikwa ŋakuryo. Iitanitae isua akiyookino, nai nyeryamuna, iitanitae isua aiuno, nai elwana aiuno aneni kosi.

Isa. 59:12

Elal isua abilibil ŋikisila alokiŋaren kon, ikisitakinito isua ŋasecisya kosi. Kire ikibilibilit isua ŋikisila anepei a ne ka ikiyeni isua ŋasecisya kosi,

Yer. 3:21

“Epupio etoil ŋolo ebunit alokidiama ŋikamukumukui ŋulu aororut, epupio akigworo ka adyekitoi a ŋituŋa a Isirael, anerae enyasut ikes epite ŋolo eboiyoto, emuryak ikes Ekapolon Akuj kec.

Yer. 31:9

Epote ikes igworosi, ido enyakuni ayoŋ ikes emaimai, etorunio ayoŋ ikes nayona ŋuna a ŋakipi, etorunio ayoŋ ikes lorot ŋolo ecorot ŋolo emam ibore igukini ikes, anerae aruwor ayoŋ papa a Ŋisirael ka erae Epuraim lokoku kaŋ ŋolokiyae.”

Yer. 44:14

ikotere emamukaunor ipei daŋ a Ŋiyudayan a ŋulu apotu toloto akiboi Ijipit ŋini ebucar, kori eiun, kori eboŋori nakwap a Yudaya. Tari kimuit ikes aboŋor Yudaya, nyeboŋorete ikes jik, alemar ŋikerimitok ŋidi bon.’ ”

Yer. 44:28

Ani ŋulu epuunosi alokileŋ eboŋorete anakwap a Ijipit Yudaya, erae ŋidikudyo, tosodi nai eyenunete ŋipiya a Ŋiyudayan ŋulu apotu toloto akiboi alo Ijipit ŋakiro ŋun atemar ŋakiro a ŋae eyookin aŋuna kec, kori aŋuna kaŋ.

Yer. 9:19

anerae epupyo akiwolol a ŋituŋa alo Sion ebasi, ‘Amunyaroi iwon! Aryamun iwon ŋileec nooi, emaikina iwon emyekisi akwap yok, anerae amunaar ŋakais yok.’

Esek. 14:22

Tari keyakaun ŋul, epiyanun alo Yerusalem ŋituŋa ŋice, eyaunete ŋituŋa ŋul ŋidwe kec ŋulusapa ka ŋulupesur kiŋa etaun. Epote ikes neni kon Esekiel, ani iŋolikini iyoŋ ŋipitesyo ka ŋiticisyo kec, etikiun etau kon aŋuna iŋolikinia atemar iyookino akisicanet ŋina abu ayoŋ oyau Yerusalem, ikilimokinete iyoŋ ŋakisicaneta daadaŋ ŋuna etiya ayoŋ nen atemar iyookino ŋakiro ŋuna abunio ayoŋ esicania Yerusalem.

Esek. 34:6

Apotu ŋamesekin kaŋ kielaros, apotu kitwaŋata alokidiama ŋikamukumukui daadaŋ ka anawaetin a ŋikamukumukui a daadaŋ a ŋulu aoyak, apotu ŋamesekin kielaros nakwap daadaŋ, todaun ituŋanan iwarari, kori iŋitanari neni eya.

Esek. 36:31

Itamunete nai iyes aronis ŋina ipotu iyes kitiyata ka ŋiticisyo kus daadaŋ ŋulu pa ajokak, ido iluŋete iyes ŋawat kus aŋuna a ŋasecisya ka asiilyo ŋina ipotu iyes kitiyata.

Naum 2:7

Apotu ŋikaremok kikamasi arwosit ŋina a etaun, torikosi; Kialoloŋo ŋaketiyak a arwosit a ŋin, kigworo iworoete lopite ŋolo erwotor ŋakuryo, toramete ŋatorobwo kec iyaloloŋete.

Sepan. 1:14

“Aapuu akoloŋit ŋina apolon ŋina ke Ekapolon, aapuu, ido iburuburuuna atipei. Epipil nooi akigworo akoloŋit ŋin ŋina ke Ekapolon, ikalounete ŋikajiok a nen neni apipilan nooi.