Esek. 7:11 - Ebaibul

¹¹ alomu aronis ŋina alalan nooi anaryenyeo. Mam Ŋisirael ŋini idoŋi, mam tari aloboro kec a ŋulu alalak, ŋini idoŋi mam tari ebari kec nyidoŋi; nyidoŋi tari ibore idio ŋini epol egyelit.

Esek. 7:11 Iomraidhean Croise

Ŋikiru. 125:3

Nyerubakinete ŋulu aronok jwi jwi ipukato akwap a ŋulu iyookino; anerae epedorete ŋulu iyookino akitiya aronis.

Ŋikiru. 73:8

Ekyenatar ikes ŋituŋa ŋuluce ka irworosi ikes ŋakiro ŋuna aronok; iturosi ikes, ido etukete ŋakiro ŋunakisicanet ŋuluce.

Ŋikiru. 78:64

aponi ŋisacaradotin kec toarae, todaun ŋapuseru kec apaki ŋinakigworyet.

Isa. 14:29

Nyilelyana iyes Ŋipilistin daadaŋ, anerae alemar ituŋanan ŋini sek ikisicanit iyes. Nyemaikina iyes ilelyanete aŋuna atwania ŋolo aronon ikwa emun ŋol, anerae analyasit a ŋolo aronon a ŋol, ebuni ece ŋolo aronon ikwa akipom, eletonit ŋolo ikwaan ka emun ŋolo adedeŋan ŋolo epori.

Isa. 5:7

Erae Isirael emanikor ŋolo a epiini ŋolo a Ekapolon a ŋolo a ŋajoresyo, ido erae ŋituŋa a Yudaya ŋikito a epiini ŋulu ajokak ŋulu edupakinit Ekapolon. Eitanit Ekapolon atemar kitiyata ŋituŋa a Yudaya ŋuna iyookino, nai abu kiŋolik aara. Eitanit iŋes atemar toruwor ikes ŋulu iyookino, nai abu kiira akigworo bon!

Isa. 9:4

anerae ikwapei akoloŋit ŋina aponere kilounere Ŋimidian, ilema iyoŋ ŋican ŋulu aryamunito ŋituŋa kon, ilema iyoŋ ŋituŋa ŋulu esicanito ŋituŋa kon ta aryenyeo ŋina a ŋulu esicanito ŋituŋa kon.

Yer. 22:18

“Aŋun, alimu Ekapolon ŋakiro nu aŋuna a erwosit Yeoiakim a lokoku a Yosia a ŋolo a Yudaya ebe, Nyiwololoete ikes aŋuna keŋ ebasi, ‘Okoe lokaato kaŋ,’ kori ‘Okoe nakaato kaŋ.’ Nyiwololoete ikes aŋuna keŋ ebasi, ‘Okoe Ekapolon,’ kori ‘Okoe erwosit!’

Yer. 25:33

“Epetakin ŋawat a ŋituŋa a ŋulu eari Ekapolon kwap, ameun a epeiwae akisalet a akwap tari ŋoloce nyigworyo ŋituŋa ŋul, kori nyecunakinio, kori nyenukyo, imyekinio ikes a nen kikwaanikinos ka aoret alokidiama ŋalup.”

Yer. 6:7

Erubakinito ŋituŋa a Yerusalem itiyaete aronis kec erae ŋina ejok aneni kec, lopite ŋolo erubakinitor akare eyakar ŋakipi ŋuna ajokak. Epupio ŋuna ka aronis ka ŋinyas bon alotooma keŋ, eyakasi neni jik ŋikadyakak ka ŋulu ewanan.

Yer. 7:34

Tosodi, etasaluni ayoŋ ecelet ŋolo ka alelyanu ka alakara, etasaluni ayoŋ ecelet ŋolo a ateran ka eteran alotaunio a Yudaya ka alorotin a Yerusalem, anerae eruwor akwap ŋin acaryoit.

Esek. 45:9

“Alimu Ekapolon Akuj atemar, okoe ŋikepukak a Isirael, itiyata iyes akisec ŋinapei paaran, toesikisi aryenyeo ka akisicanit ŋuluce, kitiyata ŋuna ajokak ka ŋuna iyookino, tojoŋoto akirisit ŋituŋa kaŋ anakwap kec, ayoŋ Ekapolon Akuj akalimokinit iyes.”

Esek. 5:11

Aŋun, ikwapei araakar ayoŋ Akuj ŋina ayari, aŋuna itisiliyaniata iyes Akai kaŋ a aronis a daadaŋ ka asiilyo kus daadaŋ, ajoŋoe ayoŋ amina iyes, nyekeŋolikini ayoŋ iyes, ido ekesyon, kori okoesik akisican.

Esek. 5:4

Alotim a ŋulukudyo a ŋul, tolemu ŋidi kimasak nakim tonyamuwa, itoodiuni akim kec atemar isyakini amunyaro a nen, ido kiniepa Losirael daadaŋ.”

Esek. 6:11

“Ŋakiro ŋuna irworo Ekapolon Akuj ikes nu, ‘Kibapibapakisi ŋakan kus, topeto akwap a ŋakejen, kikaloutu iyaloloŋete aŋuna ka aronis a daadaŋ ka asiilyo ŋina etiyata Ŋisirael, anerae emunyari ikes ekileŋ ka akoro ta edeke.

Esek. 7:16

Ani keyakaun ŋulu ebucarosi tosiwa, eryamunio ikes alokidiama ŋimoru ikwa ŋakuryo ŋuna a ŋakadipaalae, eryamunio ŋinituŋanan igworo aŋuna a ŋasecisya keŋ.

Esek. 7:2

“Iyoŋ, lokoku a ituŋanan, ŋakiro ŋuna irworo Ekapolon Akuj aŋuna ka akwap a Ŋisirael ikes nu, ‘Adaun apaki! Adolu apaki ŋina ikisicanere iyes alowaetin a ŋuluomwon a akwap kus a daadaŋ.

Esek. 7:23

Kitemonokisi ŋiriko! Anerae elelebun atwanare ŋina ka atubonokin nakwap kus, elelebun aryenyeo lotaun kus.

Esek. 8:17

Tema nai Akuj neni kaŋ, “Lokoku a ituŋanan, iŋolik iyoŋ ŋakiro nu a? Nyerae mono ibore ŋini aronon nooi akiŋolikin asiilyo ŋina itiyaete ŋituŋa a Yudaya a ne a? Emaikina mono ikes kilelebikis tari aryenyeo nakwap ka torubakis eketoŋoito ayoŋ a? Kiŋolik iyoŋ epite ŋolo iasyata ikes akitoŋo ayoŋ nooi alopite a daadaŋ a ŋolo ecamito ikes!

Amos 3:10

Alimu Ekapolon Akuj ŋakiro nu ebe, “Nyeyenete ikes akitiya ŋuna iyookino, eryenyaanikinito ŋulu iboiyete anakais a ŋuna ka apukan ŋituŋa ka eŋatanarete ŋiboro kec.”

Amos 6:3

Okoe iyes ŋulu iwounito acamun atemar ebunit akoloŋit ŋina ka akinyasuno, nai ŋuna itiyaete iyes itaapuunete akoloŋit ŋin.

Mika 2:2

Iŋobelete ikes ŋimanikorin, ido kikamanasi. Iŋobelete ikes ŋirerya a ŋituŋa, ido todemasi. Edemanarete ŋituŋa ŋiboro kec.

Mika 3:3

Irikasi iyes ŋituŋa kaŋ, iryetasi iyes ŋawat kec, ibilibiliyasi ŋakoyo kec, itubutuboto ŋakoyo kec esibit akiriŋ nina idorokinio ka asipirya, esibit akiriŋ ŋina idorokinio ka amot.”

Mika 6:12

Eryenyaaka ŋikabarak kon, irworosi ŋituŋa ŋulu iboiyete alotooma kon alyokonu, erae daadaŋ ŋuna irworosi ikes alyokonu.

Sepan. 1:18

Nyepedori esilipa, kori egolid kec aiun ikes akoloŋit ŋin ŋina ka anyunyura ke Ekapolon; apaki ŋin ŋina elilitor iŋes nooi, emunyaryo ŋituŋa ka akwap a daadaŋ; anerae itasaluni Ekapolon atipei pa eyenio apaki ibore daadaŋ ŋini eyai nakwap.”

Yak. 2:13

Anerae emam akisyon anatubokino a ŋina a ituŋanan a ŋini nyisyoniyenene ŋituŋa ŋuluce, nai ŋulu isyoniyete ŋuluce, nyikerito ikes atubokino.