Esek. 7:10 - Ebaibul

¹⁰ Kiirasi aapuu akoloŋit! Abu! Eelun amunyaro kus, alalaar aryenyeo, alalaar akituro,

Esek. 7:10 Iomraidhean Croise

Ŋikiru. 89:32

esicani ayoŋ ikes aŋuna a ŋasecisya kec; eteryamuni ayoŋ ikes ŋican aŋuna a ŋadyakanareta kec.

Ŋakit. 14:3

Ibuŋao ŋibaŋaanotin anakiro a ŋuna irworosi ikes, nai eiunito ŋikaosok ŋakiro ŋuna irworosi ikes.

Ŋakit. 16:18

Erikori akituro ituŋanan nakinyasuno, ido erikori ajamuwarit ŋuluce ituŋanan nacaryonut.

Isa. 10:5

Okoe iyes ŋituŋa ka Asiriya! Anaŋoit kaŋ, ekesitiyae ayoŋ iyes, napedor kus eyai ebela ŋolo ka anyunyura kaŋ.

Isa. 21:12

Toboŋok ekedaran nakwaare tema, “Ebunit ataparacu, nai ewariuni nabo. Ani kicamit iyoŋ akiŋita, kiŋit ka toboŋu nabo akiŋita.”

Isa. 28:1

Ekaŋ iyoŋ Isirael akwap ŋina iturotor ŋikamerak a Epuraim, akwap ŋina ecucukaiya akibuses ikwa ŋatur ŋuna itanapikinitae neni a ŋikapolok; a ŋulu imujete ŋamuja ŋuna ajokak; akwap ŋina a ŋulu eumiya epiini!

Esek. 12:23

Tolimok tokona ikes atemar ŋakiro ŋuna irworo Ekapolon Akuj ikes nu, ‘Etasaluni ayoŋ akitadapet na, ido ejoŋoete ikes alimunun iŋes jik alo Isirael. Nai tolimok ikes atemar aapuut ŋirwa ŋulu isiyookinere ŋakiro ŋuna itoodiunetae daadaŋ.

Esek. 19:14

Amyaa akim ŋinapei anatorom keŋ, anomiya ŋaten keŋ ka ŋaraito keŋ. Emam nabo atorom keŋ ŋina agogoŋon ŋin neni idoŋit, neni emaikina tolemunae ebela a erwosit. “Erae lo eete ŋolo ka aumonokin ka emaikina kisitiyae erae eete ŋolo ka aumonokin.”

Esek. 21:10

epenar ekileŋ aŋuna ka aarya, apwasi, ipareo ikwa akimilyaunet! Alipite ikiryamunia iwon alelyanu? Idaut iyes ŋituŋa kaŋ ajamuwar ekepukan ka daadaŋ ŋuna ikilimokinitae iyes akiwuap.

Esek. 21:13

Ekatakini ayoŋ ŋituŋa kaŋ, kaanukiro ijamuwaryata iyes ekepukan? Nyitiyakin ŋakiro ŋun daadaŋ.’

Esek. 30:3

Tolimu ŋun, anerae aapuu akoloŋit ŋin, aapuu akoloŋit ŋina itiyakinia Ekapolon ŋuna ecamit, elalata ŋidouwon akoloŋit ŋin, eruwor apaki ŋin ŋina emunyarere ŋakwapin.

Esek. 7:12

Adolu esaa, aapuu akoloŋit; nyemaikina ŋini egyeli ibore tolelyan, kori ŋini egyelanari ibore kiitono ibore ŋin; anerae ebunit anyunyura kaŋ neni a ŋinituŋanan.

Esek. 7:6

Adolu neni kus adaun, adolu neni kus adaun, ikinyoik iyes ikitoŋoiya, kiirasi abu!

Esek. 7:9

Nyekemyekini ayoŋ iyes ekeŋolikini; nyekesyoni ayoŋ iyes. Ekesicani ayoŋ iyes lopite ŋolo itiyatotor iyes, ekesicani ayoŋ iyes aŋuna ka asiilyo a ŋina itiyaete iyes alokidiŋ kus. Ŋun nai iyenuniata iyes atemar erae ayoŋ Ekapolon ekesicanit iyes.

Dan. 4:37

Ayoŋ Nebukadinesar epuro ka etopoloorit erwosit ŋolo eyai nakuj, anerae erae ŋiticisyo keŋ daadaŋ ŋulu a kire ka iyookino ŋuna itiyae iŋes, tosodi epedori iŋes akitiditeun ŋulu iturosi.

Yoel 1:15

Okoe etya ŋican ka akoloŋit a ŋin ai! Anerae aapuu akoloŋit ŋina ke Ekapolon; ebuni akoloŋit ŋin ikwaan ka ŋina ikimunaarya ŋolo Etiron.

Ekim. 17:8

Ani taparacu keŋ elosi Moses loeema ŋolo ayai Asaduku ŋina ka Acamunet, toryamu atemar kiminiaut ŋakwii alobela a ŋolo ka Aron a ŋolo arae ŋuna a ekabila a Lepi; toryamu kiminiaut ŋakwii, keturout ŋatur ka kerau ŋaraito ŋuna ka Alimond ŋuna akokito.

1 Ŋites. 5:3

Erae apaki ŋina etemaryata ŋituŋa ebe, “Eyai ekisil ka emam awasya,” iŋes atipei eŋesunor akinyasuno neni kec! Eŋesun iŋes lopite ŋolo eŋesunor aryebo neni ka aberu a ŋina eapi akidoun, ka emam ŋituŋa ebucarosi.

Yak. 4:6

Nai einanakini iŋes ajokis ŋina alalan; aŋun, elimunit Akigiret ebe, “Itepegi Akuj ŋiketurok, nai einanakini ajokis neni a ŋulu itiditeuna.”