Esek. 6:6 - Ebaibul

⁶ Eruwor ŋitaunio daadaŋ ŋulu iboiyoto iyes ŋireŋoroto ka ebwaŋabwaŋaaryo ŋaitae a ŋimoru kus, ikotere ŋamuroeta ŋuna edukitoe naitae ŋun, eruwor ŋacaryo ka ŋuna emunaara ka eruwor ŋakujo kus ŋuna ebwaŋabwaŋatae ka emunaaritae, ebwaŋabwaŋakinio kwap ŋamuroeta ŋuna icunyere ekinyate, ido eŋopiyari etic ŋolo idaut iyes akitiya.

Esek. 6:6 Iomraidhean Croise

1 Ŋirw. 14:23

Apotu ŋituŋa a Yudaya daŋ toduko aŋuna kec ŋakiboisyo ŋunamukur, kiwuanakis erae ŋakujo kec ŋamoru ka ŋitorubei ka akuj a ŋina enyaritae Asera lomukur ŋulu aoyak daadaŋ ka lokito ŋulu alibak daadaŋ.

Ŋikiru. 115:8

Ikwaanikin ŋulu itiyaete ŋakujo ŋun ka ŋakujo ŋun, ŋulu ikinyomito ŋakujo ŋun daŋ, ikwaanikin ka ikes.

Isa. 1:31

Ikwaanikinosi ŋikagogoŋok ka ŋanya ŋuna aonok, enepunete ŋiticisyo kec ikwa ekatyenyityenyit, icunyaryo ikes kaapei ka ŋiticisyo kec ŋulu aronok; emamukaun ŋini itojoŋoe ikes akinom.’ ”

Isa. 2:18

Itoŋopiyaryo jik ŋitorubei a ŋakujo.

Isa. 2:20

Akoloŋit ŋin, imasarete ŋituŋa neni a ŋisolimae ka neni a ŋimenwae ŋitorubei a ŋakujo kec ŋulu itiyaunitae a esilipa ka egolid, ŋitorubei a ŋakujo ŋulu sek etiyaunete ikes aŋuna ka akilip neni kec.

Isa. 27:9

Aŋakiro a ŋun, emookunio ŋituŋa a Yakob anasecit kec, eruwor nu ŋuna iwuapakinete kedaun amookuun ikes anasecit kec: Isyonio ŋasecisya kec erae ca kiryaasi ikes ŋamoru ŋuna edukitere ŋamuroeta kinyaadiyar kikokis esimit ka erae kedaun ŋitorubei a akuj a ŋina enyaritae Asera, kori ŋamuroeta ŋuna icunyere ekinyate.

Isa. 6:11

Abu nai ayoŋ eŋit iŋes otema, “Okoe Ekapolon, tari ori itiyasi ŋun?” Okoboŋok iŋes ayoŋ tema, “Tari ŋina eruworotor ŋitaunio kec ŋireŋoroto, todaun ŋituŋa iboiyete alotooma kec ka tooma ŋakais kec daŋ, tomamukaun ŋituŋa iboiyete, ido toruwor akwap kec ekasile nooi.

Isa. 64:10

Aruworosi ŋitaunio kon ŋulu asegak ŋaloŋisae, aruwor Sion aloŋisat, aruwor Yerusalem ereŋorot.

Yer. 10:22

Kiirasi ecelet! Topupokisi, ebunit, ebunit egurigur ŋolo apolon anakwap a ŋina alo Kuju; ebunit iŋes akituruwor ŋitaunio a Yudaya daadaŋ ŋireŋoroto, akituruwor nen neni iboiyoto ŋikweei.

Yer. 17:3

ta lomoru ŋulu eya nakwap neni emam ŋirerya. Epotori ayoŋ abaru kus ka ŋiboro ŋulu iŋadato iyes anakwap kus a daadaŋ, toŋatarae erae etacit aŋuna ka asecit kus.

Yer. 2:15

Erurumata ŋimoe kec neni kec esibito ŋiŋatunyo, erurumata ŋimoe kec ecelasi nooi. Eturuwosi akwap a Ŋisirael acaryoit, enyasun ŋitaunio kec, mam ituŋanan iboi alotooma kec.

Yer. 34:22

Alimokini ayoŋ ikes toboŋut lotaun lo, itijikinete ikes ŋituŋa a etaun a lo, ido kikamasi etaun ka kicunyakis a akim. Eturuwori ayoŋ ŋitaunio a Yudaya ŋireŋoroto, neni emam ŋituŋa eya.”

Yer. 51:18

ecaryooko ikes, erae etic ŋolo ejamuwaritae, emunyaryo ikes apaki ŋina ka atubokino kec.

Yer. 9:10

“Tema Yeremia, Egworo ka ewololoe ayoŋ aŋuna a ŋimoru ka ewololoe aŋuna a ŋinya a ŋulu ka aloŋisat, anerae aruwor ŋikoŋinae, emam ibore itorenene nen, nyeriŋa epupyo ŋaatuk erwosi a nen, aekasi ŋikeny ka ŋityaŋ a nen.

Yer. 9:11

Eturuwori ayoŋ Yerusalem neni etukotor ŋamoru ŋuna eritakinitae kwap, eturuwori iŋes neni eperyoto ŋikweei; ka eturuwori ŋitaunio a Yudaya ŋireŋoroto, neni emam ŋituŋa iboiyete alotooma kec.”

Yer. 9:19

anerae epupyo akiwolol a ŋituŋa alo Sion ebasi, ‘Amunyaroi iwon! Aryamun iwon ŋileec nooi, emaikina iwon emyekisi akwap yok, anerae amunaar ŋakais yok.’

Esek. 12:19

ido tolimok ŋituŋa ŋulu ka akwap kon atemar ŋakiro ŋuna irworo Ekapolon Akuj aŋuna a ŋituŋa a ŋulu iboiyete alo Yerusalem anakwap a Isirael ikes nu, ‘Enyamete ikes akimuj kec ekuryanito ka emasete ŋakipi kec ekadakinit, anerae elemaryo anakwap kec ibore daadaŋ aŋuna ka aryenyeo a ŋituŋa a daadaŋ a ŋulu iboiyete anakwap a ŋin.

Esek. 16:39

Ekepotokini ayoŋ iyoŋ nakan a ŋuluminan kon, ikiryetasi ikes iyoŋ toritakis kwap ŋakiboisyo ŋunakilipet ŋakujo ka ŋunakitiyaet ŋakiro ŋuna ka amalao. Etalacari ayoŋ ŋul ibore daadaŋ aneni kon, yaasi tari ŋiboro ŋulu ebusak ŋulu inapit iyoŋ, ikimyekis iyoŋ ileri emam ibore iyakatar.

Esek. 30:13

“Alimu Ekapolon Akuj ŋakiro nu ebe, Amunaari ayoŋ ŋakujo etasaluni ayoŋ ŋitorubei ŋulu eya Memipis; emamukaun anakwap a Ijipit erwosit nabo; aŋun, ewuakini ayoŋ akuryanu lotuŋa a akwap a Ijipit.

Esek. 35:4

Eturuwori ayoŋ ŋitaunio kon ŋulu emunaaritae; iruwor iyoŋ akwap ŋina asilon, ido iyenuni iyoŋ atemar arae ayoŋ Ekapolon.’

Esek. 5:14

Nabo daŋ eturuwori ayoŋ etaun kus ereŋorot, ibore koŋin ŋini ejamuwarito ŋakwapin daadaŋ ŋuna eya nawaetin keŋ ka daadaŋ ŋulu itorunete diyete keŋ.

Esek. 6:4

Eukonoryo ŋamuroeta ŋuna edukitoe neni kus, ebwaŋabwaŋaaryo ŋamuroeta ŋuna icunyere ekinyate aneni kus ka aari ayoŋ ŋituŋa kus alokiŋaren ŋakujo kus.

Esek. 6:7

Earakinio ŋituŋa kus kidiŋ kus; ŋun nai ikiteyenunete iyes atemar arae ayoŋ Ekapolon.

Osea 10:2

Aŋun, ileleba alyokonu lotai kec, aŋun emaikina tokona ikes kidaŋidaŋa ekaile ŋolo ka asecit kec. Ebwaŋabwaŋaari Ekapolon ŋamuroeta kec tomunaa ŋipirin kec.

Osea 10:8

Emunaaryo ŋakiboisyo ŋuna aoyak ŋuna eya Apen, ŋakiboisyo ŋuna aponeta Ŋisirael toseceta. Erupunete ŋinya ka ŋikukwa anamuroeta kec. Etemarete ikes neni a ŋimoru, “Kiwuae isua” ka etemarete ikes neni a ŋikamukumukui, “Toritaunosi neni kosi.”

Ŋilep. 26:30

Amunaari ayoŋ neni ilipyata iyes alokidiama ŋimukur, amunaari ŋamuroeta ŋuna icunyata iyes ekinyate, atukokini ayoŋ ŋawat kus kidiama ŋitorubei a ŋakujo kus. Akaŋeri ayoŋ iyes.

Ŋilep. 26:31

Eturuwori ayoŋ ŋitaunio kus ŋireŋoroto, eruwor ŋakiboisyo kus ŋuna sek ilipyata iyes ŋuna esilok, ido nyakabobokini nabo ayoŋ eure a ŋainakineta kus a ŋuna epeyo

Mika 1:7

Ebiliilaaryo ŋitorubei a ŋakujo ŋulu eya tooma keŋ. Icunyaryo ŋainakineta a ŋakujo keŋ daadaŋ, enyasuni ayoŋ ŋitorubei a ŋakujo keŋ daadaŋ. Aŋuna abunio Samaria tocunia ŋainakineta anamalao ka akilip neni a ŋakujo, isitiyao ŋainakineta ŋun amalaania nabo.

Mika 3:12

Aŋuna a ŋakiro kus, itao Sion toruwor emanikor; eruwor Yerusalem ereŋorot ŋolo etukotor ŋamoru, ido elomuni amoni alomukura a ŋolo ka Akai ka Akuj.

Mika 5:13

Amunaari ayoŋ ŋakujo kus ka ŋipirin ŋulu a ŋitalyo kus; nyirubakinete nabo iyes ilipete neni a ŋiboorei a ŋulu itiyaunito iyes.

Abak. 2:18

Nyo epoida a akuj a ŋina itiyaunitae? Erae iŋes ibore koŋin ŋini erae ituŋanan itiyaunit, emam ŋakiro ŋuna ikilimokini, nai irworosi ŋiketiyaunak kec alyokonu aŋuna kec. Anijokis itiyae iŋes neni a ŋini abu kiceu iŋes, ikotere kikinyomae iŋes? Erae iŋes akuj ŋina itiyaunitae ka erae iŋes koŋin, nyirworo.

Sepan. 1:18

Nyepedori esilipa, kori egolid kec aiun ikes akoloŋit ŋin ŋina ka anyunyura ke Ekapolon; apaki ŋin ŋina elilitor iŋes nooi, emunyaryo ŋituŋa ka akwap a daadaŋ; anerae itasaluni Ekapolon atipei pa eyenio apaki ibore daadaŋ ŋini eyai nakwap.”

Sakar 13:2

Ebala Ekapolon ŋolo Etiron ebe, “Akoloŋit ŋin, ekisari ayoŋ anakwap ŋirorwa a ŋakujo, ido nyetamunio nabo ikes jik. Alemari ayoŋ anakwap ŋulu itusubuna ŋikadwarak kaapei ka ŋulu ilipete ŋakujo.

1 Sam. 5:4

Nai, ani nabo enyounete ikes ataparacu ŋinace, toryamut Dagon imasakina kwap edot aloreet, eyai kiŋaren Asaduku ke Ekapolon, ketuborosi akou ka ŋakan keŋ neni kec bon eya lopuke. Akuwan bon nenisulut edoŋit neni keŋ.