Esek. 6:13 - Ebaibul

¹³ Eyenunete nai ikes atemar arae ayoŋ Ekapolon apaki ŋin ŋina iŋolikiniata ikes ŋalyalin a ŋituŋa kec eperete alokidiŋ ŋakujo kec, alodiyete ŋamuroeta kec, alokidiama ŋikamukumukui ŋulu aoyak daadaŋ, alokidiama ŋimoru daadaŋ, alokwap ŋikito ŋulu alibak daadaŋ ka alokwap ŋolokuyon eya ŋakuii daadaŋ, nakiboisyo ca daadaŋ ŋuna apeyoto ikes neni a ŋakujo ŋainakineta ŋuna ebob eure icunyo neni a ŋakujo kec.

Esek. 6:13 Iomraidhean Croise

1 Ŋirw. 14:23

Apotu ŋituŋa a Yudaya daŋ toduko aŋuna kec ŋakiboisyo ŋunamukur, kiwuanakis erae ŋakujo kec ŋamoru ka ŋitorubei ka akuj a ŋina enyaritae Asera lomukur ŋulu aoyak daadaŋ ka lokito ŋulu alibak daadaŋ.

2 Ŋirw. 16:4

Abu iŋes tomuro ka inanak ŋainakineta aneni elipeneneere ŋakujo ka alokamukumukui ta alokwap ŋikito ca daadaŋ ŋulu alibito.

Isa. 1:29

Eroketa aneni kus ŋakiriketa ŋuna sek ilipyata iyes ka erokeata aneni kus ŋimanikorin ŋulu sek iseunito iyes.

Isa. 37:20

Aŋun, tokona okoe Ekapolon Akuj kosi, toiunae isua anapedor a Senakerib, ikotere eyenunete ŋituŋa a ŋapukasinei a daadaŋ anakwap atemar iyoŋ bon irae Ekapolon.”

Isa. 66:17

Ŋituŋa ŋulu italeosi ka itesegasi aŋuna ka alosit akilip neni a ŋakujo alomanikorin, ŋulu elosete erae ŋikewuapak a ŋolo isilipi ikes neni a ŋakujo, ŋulu enyamete akiriŋ a ŋiguruyei ka ŋamuja ŋuna itoroniyaritae ta ŋisolimae, emunyaryo daadaŋ kaapei.

Yer. 13:27

Adau ayoŋ akiŋolikin ŋiticisyo kus ŋulu aronok, epite ŋolo iloseneneoto iyes akilip neni a ŋitorubei aŋakujo alomoru ka anakadipaalae ikerete isibito ekile ŋolo imunit aberu a ekidunyet keŋ kori ikwa

Yer. 2:20

“Alorwa a ŋulu akoloŋ ipotu iyes ikiŋero ayoŋ ka ipotu kimyekis acamuna kus ka ayoŋ, ido temasi ‘Nyikitiyanakini isua iyoŋ!’ Ipotu iyes kilipa neni a ŋakujo alokidiama ŋimukura daadaŋ ka alokwap ŋikito ŋulu alibak daadaŋ.

Yer. 3:6

Abu Ekapolon kirwor neni kaŋ alorwa a ŋulu epukator erwosit Yosia tema, “Iŋolik iyoŋ ŋuna adaut ŋituŋa a Isirael ŋulu emam anupit ŋul akitiya, epite ŋolo alosyoto ikes akilip lokamukumukui daadaŋ ka lokito daadaŋ ŋulu alibak akitiya ŋuna ka amalao a nen a?

Esek. 18:6

ani pa kenyami iŋes ŋamuja anamuroeta a ŋuna edukitoe lomoru, kori pa kemitakinit ŋakujo ŋuna a Ŋisirael, ani pa kitiyae iŋes ŋace ŋuna aronok naberu a ekidunyet keŋ, kori kiryamanakin ka aberu apaki ŋina eyakar lolap,

Esek. 20:28

Ani kadau ayoŋ ayaun ikes nakwap ŋina sek eiikinit ayoŋ ainakin ikes, apotu ikes inakis ŋamuronisya neni a ŋakujo anakiboisyo ca a daadaŋ a ŋunamukur aŋuna apotu ikes kiŋolikis, kori alokito ca a daadaŋ a ŋulu alibak a ŋulu apotu ikes kiŋolikis. Apotu ikes eketoŋoa ayoŋ a ŋamuronisya a ŋuna apeyete ikes ka a ŋainakineta a ŋuna ke epiini aŋuna ayeneneete ikes nen.

Esek. 23:41

Ipotu iyes kiboikinos lokicoloŋ ŋolo ebusan, ŋolo ayai diyete emesa ŋolo epesitae ejok, ŋolo ipotu iyes kiwuakis ekinyate ŋolo arae ŋolo kaŋ ka akimyet ŋina arae ŋina kaŋ.

Esek. 43:7

Abala ituŋanan ŋin neni kaŋ, “Lokoku a ituŋanan, erae na akibois ŋina eyai ekicoloŋ ŋolo ka apolou kaŋ ka neni ewuakinit ayoŋ ŋakejen kaŋ. Erae ne neni eboikin ayoŋ oruko ka Ŋisirael ŋikaru ka ŋikaru. Nyemunaarete nabo Ŋisirael ekiro kaŋ ŋolo asegan, nyitiyakinete ikes, kori ŋirwosi kec ŋun anakilip neni a ŋakujo a ŋace, kori anakinuk ŋawat a ŋirwosi kec nakibois na.

Osea 4:13

Einanakinete ikes ŋamuronisya alokidiama ŋimoru ka einanakinete ŋainakineta alokidiama ŋikamukumukui, einanakinete ŋainakineta alokwap ŋikuyono, alokwap ŋikito ŋulu enyaritae popilari ka alokwap ŋimuturunyo, anerae ejokak ŋitolimon a ŋikito a ŋul. “Aŋun, itiyaete ŋidwe kus ŋulupesur amalao ka elomeneneete ŋaterak kus.

Sepan. 1:10

“Akoloŋit ŋin, iiraryo akigworo alopuke a ŋolo a ŋikolya ka akiwolol anakibois a ŋina kitete alotaun ka abilibiliunun ŋina ireta alokamukumukui.