Esek. 5:8 - Ebaibul

⁸ ayoŋ Ekapolon Akuj erworo neni kec tokona atemar ekemani ayoŋ iyes. Ekesicani ayoŋ iyes iteete ŋituŋa a ŋakwapin a ŋunace.

Esek. 5:8 Iomraidhean Croise

Yer. 21:13

“Kiirasi, akaremokino ayoŋ iyes, okoe iyes ŋituŋa ŋulu iboiyete alokidiama akadipaalat, okoe iyes ŋituŋa ŋulu iboiyete alokamukumukut a ŋolo elalak ŋamoru. Iyes ŋulu irworosi ibasi, ‘Ŋae epedori akitijikin iwon, kori ŋae epedori alomun nakais kosi ŋuna eŋopitere?’

Yer. 21:5

Ayoŋ elope eketiji iyoŋ a agogoŋ kaŋ ka apedor kaŋ, anaŋoit, anadedeŋu ka ananyunyura a ŋina apolon.

Yer. 24:9

Eturuwori ayoŋ ikes ŋulu inyasuna, ibore ŋini aronon alotuŋa a ŋakwapin a daadaŋ, ŋulu nyejokak, ŋulu irworore, ŋulu eŋoito ka ŋulu icenen anakiboisyo a daadaŋ a ŋuna eritari ayoŋ ikes,

Yer. 50:7

Amunyasi ŋituŋa ŋulu aryamununeete ikes ŋituŋa kaŋ ka irworosi ŋimoe kec ebasi, ‘Mam ŋuna aronok etiyatae isua, anerae aseca ikes aneni a Ekapolon a ŋolo erae neni keŋ eyarikinito ikes, Ekapolon ŋolo arae akigeno atapapaa kec.’

Aum. 2:5

Ekwaanikin Ekapolon aneni yok ka ŋimoe; amunya iŋes Ŋisirael; amunya ŋakais daadaŋ ŋuna iboiyoto ŋirwosi a Isirael, aritaki kwap ka eturuwo ŋaduketa kec ŋunajiet ŋireŋoroto, etalal nooi akigworo ka aumonokin alotuŋa a Yudaya.

Aum. 3:3

Abu Akuj ekesican ayoŋ bon, okoboŋonok akisican apaaran jwii.

Esek. 11:9

Ekeritari ayoŋ iyes alotaun a lo, ekepotok neni a ŋituŋa a ŋulu erae ŋigelaanotin, ido ekesican iyes.

Esek. 13:8

“Aŋun, ŋakiro ŋuna irworo Ekapolon Akuj ikes nu, ‘Aŋuna irworyata iyes alyokonu ka itiyaata ŋakitoodyanakineta ŋuna ka amodiyo, ekeman ayoŋ iyes.’

Esek. 15:7

Etekini ayoŋ ikes etoroniyarit. Tari daŋ keiuna ikes alomoe a ŋulu ke ekiŋaren, emunyarete ŋimoe ikes, ido iyenunete iyes atemar arae ayoŋ Ekapolon apaki ŋina etekinio ayoŋ ikes etoroniyarit.

Esek. 16:41

Icunyete ikes ŋakais kus, ikisicana iyes alokiŋaren ŋaberu ŋuna alalak. Eketojoŋoe ayoŋ iyes araakau ŋamalaae ka ainanakin ŋisiliŋa neni a ŋuluminan kus.

Esek. 21:3

tolimok akwap a Isirael atemar alimu Ekapolon ŋakiro nu ebe, ‘Ekemanit ayoŋ iyes, alemuni ayoŋ ekileŋ kaŋ anakuraro, oarya alokidiŋ kus ŋulu iyookino ka ŋulu aronok.

Esek. 28:22

Tolimok ikes atemar, alimu Ekapolon Akuj ŋakiro nu, ‘Okoe ŋituŋa a Sidon, ekemanit ayoŋ iyes, eketopoloorete ayoŋ ŋituŋa kon. Eyenunete ikes atemar arae ayoŋ Ekapolon, eyenunete ikes ŋun apaki ŋina esicania ayoŋ ikes, etoodiun ayoŋ neni kec arae ŋolo asegan alotooma Sidon.

Esek. 30:19

Ani esicani ayoŋ Ijipit akoloŋit ŋin, eyenunete ikes atemar arae ayoŋ Ekapolon. ”

Esek. 34:10

alimu Ekapolon ebe, ‘Emanit ayoŋ ŋikeyokok a ŋamesekin kaŋ, eŋisi ayoŋ ikes okoinakis ayoŋ ŋamesekin kaŋ, etojoŋo nai ayoŋ ikes akitan ŋamesekin kaŋ, nyerubakinete nabo ŋikeyokok ŋul imujete. Aiuni ayoŋ ŋamesekin kaŋ anakituka kec, ikotere ikes ejoŋoete akinyam ŋamesekin kaŋ.’”

Esek. 35:3

tolimok atemar, alimu Ekapolon Akuj ŋakiro nu ebe, ‘Ekemanit ayoŋ iyoŋ, iyoŋ emoru Seir, eopeuni ayoŋ akan kaŋ neni kon ekemanit, eketuruwo iyoŋ akwap ŋina asilon ka akoŋinait.

Esek. 39:1

Abu Ekapolon Akuj kirwor neni kaŋ tema, “Lokoku a ituŋanan, todwar itoroniyarit Gog, tolimok iŋes atemar alimu Ekapolon Akuj ebe, ‘Okoe Gog, ekemanit ayoŋ iyoŋ, iyoŋ ekepukan ŋolo ipolokinit Mesek ka Tubal.

Esek. 5:15

Apaki ŋina akaŋoikinia ka akaryenyanikinia ayoŋ iyes, eketuruwo akitocoikinet a ŋuluce, ebuli ŋakwapin daadaŋ ŋuna idunyatar iyes. Ikiŋolikinete ikes iyes ikimenito ka ikijamuwarito.

Naum 2:13

Ebala Ekapolon ŋolo a ŋajoresyo neni kon Ninepe, “Akaremokino ayoŋ iyoŋ, ido ecunyakini ayoŋ ŋagaari kon ŋuna iritae a ŋaŋolei topuruut, earyo alojie ŋasigarya kon, alemari ayoŋ ŋiboro daadaŋ ŋulu ibu iyoŋ tolema aneni a ŋulucetuŋa ka nyiiraryo nabo ŋitoilon a ŋikiyakia kon.”

Mat. 22:7

Toŋo erwosit nooi, kiyakiya ŋajorei keŋ, tomunyasi ŋikaarak ŋul ka kicunya etaun kec.

Ŋikis. 29:20

nyecamuni Ekapolon akisyon ikes, anerae eŋoikini Ekapolon ikes nooi, erirauni aŋoit keŋ lopite ŋolo eriraunia akim, eryamunete nai ikes ŋilam daadaŋ ŋulu igiritae lokitaabo lo, ido ikisari Ekapolon ŋirorwa kec anakwap.