Esek. 5:5 - Ebaibul

⁵ Ŋakiro ŋuna irworo Ekapolon Akuj ikes nu, “Kiŋolikisi mono iyes Yerusalem. Adau ayoŋ asekin iŋes kidiŋ ŋakwapin, eya ŋakwapin ŋunace nawaetin keŋ daadaŋ.

Esek. 5:5 Iomraidhean Croise

Ŋikiru. 87:3

Okoe etaun ŋolo ka Akuj, elimitoe ŋakiro ŋuna etiyae alotooma kon erae ŋuna ka aumokin.

Yer. 6:6

Alimu Ekapolon ŋolo a ŋajoresyo ebe, “Toyepakisi ŋikito keŋ kwap, todukokisi akititis ŋina elomarere akitijikin Yerusalem, Erae Yerusalem etaun ŋolo emaikina kisicanae, emam ibore ice eyai tooma keŋ mati akisicanit ŋuluce bon.

Aum. 1:1

Kesilyor etaun lo, ŋolo paaran eleleba ŋituŋa! Ekwaanikin bareca iŋes ka apuserut, torae bo sek arae iŋes etaun ŋolo etopoloorito ŋituŋa a ŋakwapin! Etaun lo iŋes sek epol anakiboisyo a ŋunace, ekwaanikin tokona ka epito.

Esek. 16:14

Abu arwonu kon todol tari nakwapin ŋunace, arae ŋun aŋuna ka akibuses kon a ŋina ajokan nooi a ŋina abu ayoŋ okoinak iyoŋ.

Esek. 4:1

Tema Akuj neni kaŋ, “Lokoku a Ituŋanan, tolemu amatapal, kiwuak kiŋaren kon toramak kidiama keŋ etorube ŋolo ke etaun a Yerusalem.

Esek. 5:4

Alotim a ŋulukudyo a ŋul, tolemu ŋidi kimasak nakim tonyamuwa, itoodiuni akim kec atemar isyakini amunyaro a nen, ido kiniepa Losirael daadaŋ.”

Mika 5:7

Epote nai ŋituŋa a Yakob ŋulu apiyanun akiboiyor nakwapin ŋuna alalak, ikwaanikin ikes a nen ka ŋakopi ŋuna eyaunit Ekapolon, ŋuna itojokete akwap, ikwaanikin ikes a nen ka akiru ŋina itilibuni ŋinya. Eruwor Akuj iyoki ikes, meere ituŋanan.

Mat. 5:14

“Iraakasi iyes akica ŋina ka akwap. Nyepedori etaun ŋolo edukitoe kidiama emukura akiŋop.

1 Ŋikor. 10:4

tomata daŋ ŋakipi ŋuna ainakini iŋes ikes. Apotu ikes tomata anataaba a ŋina ka Akuj a ŋina arukito ka ikes; arae ataaba ŋin Kristo elope.

Ŋikis. 4:6

Emaikina iyes kiwuapa ikes ejok, anerae itoodiunete ŋun aosou kus ka apedor ŋinayenunet ŋakiro aneni a ŋituŋa a ŋakwapin, ido ani iirarete ikes ŋuna a ŋikisila a ŋul, etemarete ikes, “Kire jik erae ŋituŋa lu ŋulu aosok ka ŋulu eyakatar apedor ŋinayenunet ŋakiro!”

Ŋikis. 8:20

Imunyarosi iyes lopite ŋolo amunyarotor ŋituŋa a ŋakwapin ŋulu amunyari Ekapolon alokiŋaren kus, anerae nyiwuapa iyes ŋuna alimu Ekapolon Akuj kus.