Esek. 5:15 - Ebaibul

¹⁵ Apaki ŋina akaŋoikinia ka akaryenyanikinia ayoŋ iyes, eketuruwo akitocoikinet a ŋuluce, ebuli ŋakwapin daadaŋ ŋuna idunyatar iyes. Ikiŋolikinete ikes iyes ikimenito ka ikijamuwarito.

Esek. 5:15 Iomraidhean Croise

1 Ŋirw. 9:7

ŋun nai alemarya ayoŋ Ŋisirael anakwap a ŋina adau ayoŋ ainakin ikes. Akai daŋ ŋina etaleu ayoŋ aŋuna ekiro kaŋ, alemari ayoŋ ojoŋo akitere; toruwor Isirael akwap ŋina nyeriŋa eyai toruwor ŋina edoŋ erae eemut bon, ŋina ekyenatar ŋituŋa a ŋakwapin a daadaŋ.

2 Ŋakiro a ŋirwa 29:8

Aŋakiro a ŋun, abu Akuj toŋoik ŋituŋa a Yudaya ka Yerusalem, eturuwo ikes ŋulu ekuryaka nooi, ŋulu ikiinakinete asuro, aumokin ka ajamuwaro lopite ŋolo iteoto iyes ikes tokona.

Ŋikiru. 39:11

“Iŋenyakini ka isicani iyoŋ ŋituŋa aŋuna ka asecit kec; itadaununi iyoŋ ebari kec ikwa itodaunia esipiran akimuj, kire jik erae ituŋanan daadaŋ icaryoit, ekuwuam koŋin.

Ŋikiru. 79:4

Ikiruwor isua ŋulu ikibolyatar ŋikidunyet kosi, ikiruwor isua ŋulu ikijamuwarito ka ŋulu ikikyenatar ŋikidunyet kosi.

Isa. 26:9

Ekeitanit ayoŋ iyoŋ nakwaare, ikiwarit iyoŋ etau kaŋ eŋirikinit nooi; anerae ani iyauni iyoŋ ŋikisila kon nakwap, eyeunete ŋituŋa ŋulu iboiyete anakwap ŋuna ka akiyookino.

Isa. 43:28

Aŋun, abu ayoŋ ojamuwa ŋikapolok anakibois kaŋ a ŋina asegan ka abu epotok ŋiletok a Yakob namunyaro ka emyek ŋiletok a Isirael erae ŋulu ejamuwaritae.”

Yer. 23:40

Tosodi alemari ayoŋ ajokis a nen ŋikaru ka ŋikaru okoinak iyes ŋileec ŋulu a ŋikaru ka ŋikaru, ŋulu nyimuryakinosi.”

Yer. 29:18

Ewuapakini ayoŋ ikes a ejie, a eron ka edeke, eturuwori ayoŋ ikes ŋulu nyejokak aneni a ŋituŋa a ŋakwapin a daadaŋ anakwap, eruworosi ikes ŋulu ilamitae, ŋulu nyejokak aneni a ŋulu iŋolikinete ikes, ŋulu ejamuwaritae,

Aum. 2:15

Ŋituŋa daadaŋ ŋulu itorunete Yerusalem, eramete ŋatorobwo eumokinito aŋuna kus. Epodosi ka imuŋimuŋete ŋakyes eumokinito aŋuna a ŋituŋa a Yerusalem ebasi, “Erae mono lo etaun ŋolo paaran ebus nooi akilo a? Erae mono lo etaun ŋolo paaran alelakinito ŋituŋa daadaŋ anakwap a?”

Aum. 2:16

Ikikyenatar iyes ŋimoe kus daadaŋ; ikijuutiyanarete iyes ka ikimwanakinete ebasi, “Adaun ro iwon amunaar iŋes! Okoe, arae ro akoloŋit edaritae iwon na, etemokin tokona, ikiŋolik iwon!”

Esek. 11:9

Ekeritari ayoŋ iyes alotaun a lo, ekepotok neni a ŋituŋa a ŋulu erae ŋigelaanotin, ido ekesican iyes.

Esek. 14:8

Etoroniyari ayoŋ ituŋanan ŋini itiyae ŋun. Eturuwori ayoŋ ituŋanan ŋini itiyae ŋun akitoodikinet, ibore ŋinicaryoit ka alemari ayoŋ iŋes alotuŋa kaŋ; ido iyenunete iyes atemar arae ayoŋ Ekapolon.

Esek. 16:41

Icunyete ikes ŋakais kus, ikisicana iyes alokiŋaren ŋaberu ŋuna alalak. Eketojoŋoe ayoŋ iyes araakau ŋamalaae ka ainanakin ŋisiliŋa neni a ŋuluminan kus.

Esek. 16:57

eriŋa aronis kon nyisileereuno a? Nai tokona, iruwor iyoŋ ŋina ikikyenatar ŋituŋa ka Aram ka ŋikidunyet kec daadaŋ ta Ŋipilistin ka ŋikidunyet kon daadaŋ.

Esek. 22:4

Iruworosi iyes ŋikasecak aŋuna iaryata ŋituŋa ŋuluce ka imunaarosi iyes anakujo a ŋuna itiyaut iyes. Itaapuut iyes akoloŋit kus, adaun ŋikaru kus. Aŋun, eketuruwori ayoŋ iyes ŋulu ikikyenare anakwapin ka ŋulu ikisoloo anakiboisyo a daadaŋ.

Esek. 23:32

Alimu Ekapolon Akuj atemar, iryamuni iyoŋ ŋican ŋulu abu nakaato kon toryamu, epete ŋul tooma kon ka nawaetin kon ikiinakinete iyoŋ ŋican ŋul ajala bon ka ajamuwaro bon, anerae erae ŋican ŋulu epipil nooi.

Esek. 25:17

Alosi ayoŋ akitiya anyaŋan ŋina apolon neni kec esican ikes anyunyurikinit. Eyenunete nai ikes atemar arae ayoŋ Ekapolon. Eyenunete ikes ŋun apaki ŋina eyakaunor anyaŋan neni kec.”

Esek. 30:19

Ani esicani ayoŋ Ijipit akoloŋit ŋin, eyenunete ikes atemar arae ayoŋ Ekapolon. ”

Esek. 5:16

Etoŋopiyari ayoŋ akimuj alo Yerusalem emyek ŋituŋa keŋ tonyam akoro. Ikipipilikinete iyes ŋakiro ŋuna ka aŋoit kaŋ lopite ŋolo epipilyata ŋikaleŋeleŋe ŋulu egumunitae amunyar ŋituŋa kus.

Esek. 5:8

ayoŋ Ekapolon Akuj erworo neni kec tokona atemar ekemani ayoŋ iyes. Ekesicani ayoŋ iyes iteete ŋituŋa a ŋakwapin a ŋunace.

Ŋilep. 26:32

Enyasuni ayoŋ akwap kus, ikotere ŋimoe kus ŋulu epote akiboi a nen eumokinete a ŋakiro a ŋun.

Naum 1:2

Erae Akuj Ekapolon ŋolo alilyan ka ŋolo enyaŋan. Inyaŋana Ekapolon ka epatana iŋes akiŋo. Isicani Ekapolon jik ŋulu eŋerito iŋes eŋoikini Ekapolon nooi ŋimoe keŋ.

1 Ŋikor. 10:11

Apotu ŋakiro ŋun daadaŋ kitiyakinos neni kec, erae akitaanyikinet aneni a ŋuluce ka aponi kigirae erae akiciket neni yok a ŋulu ikiboi anapakio a ŋuna eapiya Akoloŋit ŋina esidyon.

Ŋikis. 28:37

Iruworosi iyes ŋulu ikijamuwaritae, ŋulu isiilyaka ka ŋulu ikirworore alotuŋa a daadaŋ a ŋakwapin a ŋuna ikiyai iyes Ekapolon.

Ŋikis. 28:46

Idoŋete ŋilam ŋul eyakasi neni kus ka neni a ŋiletok kus erae ŋakitoodyanakineta ka ŋaumonokineta aneni kus ŋikaru ka ŋikaru.