Esek. 5:14 - Ebaibul

¹⁴ Nabo daŋ eturuwori ayoŋ etaun kus ereŋorot, ibore koŋin ŋini ejamuwarito ŋakwapin daadaŋ ŋuna eya nawaetin keŋ ka daadaŋ ŋulu itorunete diyete keŋ.

Esek. 5:14 Iomraidhean Croise

Neem. 2:17

Abu nai ayoŋ olimok ŋituŋa otema, “Iteete iyes ŋican ŋulu ikiyakar iwon, epite ŋolo eyakar Yerusalem emunaara ka emunaaritae ŋipukei keŋ ka akim. Potu odukokisi nabo arwatata a Yerusalem, ikotere nyikijamuwar nabo iwon.”

Yer. 19:8

Eturuwori ayoŋ etaun lo ŋolo a ŋinyas, etaun ŋolo ejamuwaryo. Ebuli ituŋanan daadaŋ itori diyete keŋ ka ejamuwari etaun ŋol aŋuna a ŋinyas a daadaŋ a ŋulu etiyakin lotaun ŋol.

Yer. 23:40

Tosodi alemari ayoŋ ajokis a nen ŋikaru ka ŋikaru okoinak iyes ŋileec ŋulu a ŋikaru ka ŋikaru, ŋulu nyimuryakinosi.”

Yer. 42:18

“Erae nu ŋakiro ŋuna alimu Ekapolon ŋolo a ŋajoresyo, Akuj a Ŋisirael ebe, ‘Lopite ŋolo abunio aŋoit kaŋ ka anyunyura kaŋ toyakaun neni a ŋituŋa a ŋulu eboiyete alo Yerusalem, ikwaŋinapei, ebuni anyunyura kaŋ neni kus daŋ apaki ŋina ilosyoto iyes Ijipit, iruworosi iyes ŋituŋa ŋulu icenere ŋuluce ka ŋulu inyasere ŋuluce, ikijamuwarete ŋituŋa iyes ka iyanyio ŋituŋa isitiyao ekiro kus. Nyiŋolikinete iyes akibois na nabo.’

Aum. 1:4

Igworosi ŋirotin ŋulu elomarere Sion, anerae mam ituŋanan elosenene Sion akitiya ŋasuban ŋuna sek emaikina kitiyaeneneetei a nen; Asilut ŋipukei a Sion daadaŋ, eumenete ŋisacaradotin keŋ; iyaloloŋete ŋapesur ŋuna eya Sion, eryamunit Sion ŋican ŋulu apipilak.

Aum. 1:8

Apotu ŋituŋa a Yerusalem toseca nooi, aŋun, eturuwor iŋes etaun ŋolo ejamuwaritae, ajamuwasi iŋes ŋituŋa daadaŋ ŋulu sek etopoloorito, anerae eŋolikis emam ibore eyai; eumenete ŋituŋa keŋ ka nyecamito akiŋolikin etaun kec.

Aum. 5:18

anerae asilyor emukura ŋolo a Sion aruwor ereŋorot; irimito ŋikweei anaduketa keŋ a ŋuna eritanakina.

Esek. 12:20

Eruwor ŋitaunio ŋulu tokona eyakasi ŋituŋa ŋireŋoroto koŋin ka esiluni akwap, ido iyenunete iyes atemar arae ayoŋ Ekapolon.’ ”

Esek. 16:57

eriŋa aronis kon nyisileereuno a? Nai tokona, iruwor iyoŋ ŋina ikikyenatar ŋituŋa ka Aram ka ŋikidunyet kec daadaŋ ta Ŋipilistin ka ŋikidunyet kon daadaŋ.

Esek. 22:4

Iruworosi iyes ŋikasecak aŋuna iaryata ŋituŋa ŋuluce ka imunaarosi iyes anakujo a ŋuna itiyaut iyes. Itaapuut iyes akoloŋit kus, adaun ŋikaru kus. Aŋun, eketuruwori ayoŋ iyes ŋulu ikikyenare anakwapin ka ŋulu ikisoloo anakiboisyo a daadaŋ.

Esek. 23:32

Alimu Ekapolon Akuj atemar, iryamuni iyoŋ ŋican ŋulu abu nakaato kon toryamu, epete ŋul tooma kon ka nawaetin kon ikiinakinete iyoŋ ŋican ŋul ajala bon ka ajamuwaro bon, anerae erae ŋican ŋulu epipil nooi.

Esek. 33:28

Etisiluni ayoŋ akwap kec ka eturuwori akoŋinait, esaluni agogoŋ keŋ ŋina sek ituror iŋes, esilunete ŋikamukumukui a Isirael, edaun ituŋanan itori nen.

Esek. 36:34

Itao nabo akwap ŋina abu toruwor ekasile, akilo ŋikalotok akitere iŋes erae ŋina asilon.’

Esek. 6:6

Eruwor ŋitaunio daadaŋ ŋulu iboiyoto iyes ŋireŋoroto ka ebwaŋabwaŋaaryo ŋaitae a ŋimoru kus, ikotere ŋamuroeta ŋuna edukitoe naitae ŋun, eruwor ŋacaryo ka ŋuna emunaara ka eruwor ŋakujo kus ŋuna ebwaŋabwaŋatae ka emunaaritae, ebwaŋabwaŋakinio kwap ŋamuroeta ŋuna icunyere ekinyate, ido eŋopiyari etic ŋolo idaut iyes akitiya.

Dan. 9:16

Okoe Ekapolon, alopite a ŋolo iwuapitor iyoŋ ŋuna ka akiyookino kon a daadaŋ, ikilipi nyicamak aŋoit kon ka anyunyura kon min lotaun kon Yerusalem ka lomukura kon ŋolo asegan. Aŋuna a ŋasecisya kosi ka aŋuna a ŋaronisya atapapaa kosi, aruwor Yerusalem ka ŋituŋa ibore ŋini emam ajokis alokidunyeta a daadaŋ.

Mika 3:12

Aŋuna a ŋakiro kus, itao Sion toruwor emanikor; eruwor Yerusalem ereŋorot ŋolo etukotor ŋamoru, ido elomuni amoni alomukura a ŋolo ka Akai ka Akuj.

Ŋikis. 28:37

Iruworosi iyes ŋulu ikijamuwaritae, ŋulu isiilyaka ka ŋulu ikirworore alotuŋa a daadaŋ a ŋakwapin a ŋuna ikiyai iyes Ekapolon.