Esek. 5:13 - Ebaibul

¹³ “Apaki nai ŋin edaunor aŋoikinit kaŋ ikes ka iŋes editeunia anyunyura kaŋ aneni kec, iŋes ayenunia ayoŋ atemar etiyakin ŋuna acamit ayoŋ akitiyakin. Ekaku ketoodik ayoŋ ikes alilit kaŋ, eyenunete ikes atemar ayoŋ Ekapolon abu erworor ŋakiro ŋun alelakinit.

Esek. 5:13 Iomraidhean Croise

Isa. 1:21

“Okoe aruwor ŋituŋa a etaun a ŋolo sek ekinyoma ŋulu emalaaka! Ayakasi paaran neni keŋ ŋituŋa ŋulu atubete ŋakiro anakiyookino, ayai paaran akiyookino lotuŋa keŋ. Nai tokona aruwor ŋituŋa keŋ ŋikaarak.

Isa. 1:24

“Aŋun irworo Ekapolon ŋolo ipukat daadaŋ, Ekapolon a ŋajoresyo, Ekapolon ŋolo etiron ŋolo a Ŋisirael ebe, ‘Okoe! anyunyurikin ayoŋ ŋimoe kaŋ, ido enyaŋa ŋuna etiyata ŋimoe kaŋ neni kaŋ.

Isa. 59:17

Abu iŋes tonap akiyookino ikwa arapet ka aiuno ikwa akopiya ŋina iuryarit akou nyewana; abu iŋes tonap ŋilowi ŋulu ka akinyaŋar, ido abu kimuko akuwan keŋ anainakina esibit ekaaso imukokina.

Isa. 9:7

Erubakini apedor keŋ iyata jik, ido eyakaun ekisil ŋoloruba napukan keŋ, ilunyokin iŋes lokicoloŋ a Daudi kipuka, itogogoŋi iŋes apukan keŋ, anakitub ŋakiro eriyan ka anakiyookino ameun alorwa a lu tari ŋikaru ka ŋikaru elelakinit Ekapolon ŋolo a ŋajoresyo akitiyakin ŋun.

Yer. 14:12

Tari kiredakis ikes akiron, nyeirari ayoŋ akigworo kec, tari keyaut ikes neni kaŋ ŋainakineta ŋuna epeyo ka ŋainakineta ŋuna a ŋikinyom, nyacamuni ayoŋ ŋainakineta kec, nai aari ayoŋ ikes a ekileŋ, a akoro ka a ŋidekesinei.”

Yer. 15:9

Eyaloloŋ aberu ŋina sek ayakar ŋidwe ŋikanikaarei ka eridak, aruwor akica daŋ aneni keŋ akiryonut, eruma iŋes ŋileec ka aruwor ajamuwara. Ainakini ayoŋ ŋimoe kus tomunyasi ŋulu eriŋa idoŋito eyarete alotuŋa kus. Ayoŋ Ekapolon erworo ŋun!”

Yer. 25:12

Ekaku a ŋikaru a ŋatomonikanikaarei esicani ayoŋ erwosit a Babilon ka ŋituŋa a akwap a ŋin, akwap a Ŋibabiloniyae, aŋuna ka asecit kec, eruwor akwap ŋin acaryoit ŋikaru ka ŋikaru.

Aum. 4:11

Abu Ekapolon toŋo nooi, tonyunyur eryenyaana nooi; kinokak akim Sion ŋina abu tonyamuwa etaun tari neni isyakinitotor ŋaduketa.

Aum. 4:22

Okoe ŋituŋa a Sion adaun akisican iyes aŋuna ka asecit kus; nyerubakini Ekapolon ikimyekinit iyes iyakasi nakwapin. Nai okoe iyes ŋituŋa ke Edom ikisicani iyes Ekapolon aŋuna a asecit kus, isileereuni Ekapolon ŋasecisya kus.

Esek. 13:15

Ewuakini ayoŋ anyunyura kaŋ narwatata ka neni a ŋulu apotu kirworo ŋisosowae. Akalimokini ayoŋ iyes atemar adaun arwatata ka adaun ŋulu apotu kiosakis eraŋgi ŋolo akwaŋan ka adaun ŋulu apotu kirworo ŋisoswae

Esek. 14:21

“Ŋuna iŋita Ekapolon Akuj ikes nu, ‘Etya nai ai epite ŋolo erokyarotor ŋakiro alo Yerusalem apaki ŋina eyakuunia ayoŋ ŋakisicaneta kaŋ ŋuna apipilak ŋaomwon? Ŋimoe, eron ka ŋityaŋ ŋulu anyamak ta ŋidekesyo, tomunyasi ŋul ŋituŋa ka ŋibaren a Yerusalem.’

Esek. 16:42

Ekaku a ŋun, etiditeuni ayoŋ anyunyura kaŋ aneni kon ka alemari alilikinit kaŋ iyoŋ, inapakin ŋatameta kaŋ edaun aŋoit aneni kaŋ.

Esek. 16:63

Ani nai esyoni ayoŋ ŋuna daadaŋ itiya iyoŋ, itamuni iyoŋ ŋuna itiya ka ikirumete ŋileec nyirworik nabo jik aŋuna a ŋileec kon.”

Esek. 17:21

Earyo ŋasigarya keŋ daadaŋ apaki ŋina ebwaŋatar, ido ŋuna idoŋete, ielaryo ŋolowae ka akwap daadaŋ. Ŋakiro ŋun nai iyenunia iyoŋ atemar ayoŋ Ekapolon abu erwor ŋakiro ŋun.’ ”

Esek. 20:21

Nai apotu ŋidwe ŋul toŋero akiwuap ayoŋ; apotu nyiwuap ŋikisila kaŋ ka apotu nyiwuap ecoikinito nooi ŋakiro ŋuna alimokinit ayoŋ ikes ŋuna iteyarete ituŋanan erae kiwuap. Apotu ikes tojamuwasi akoloŋit ŋina a Sabato. “Abu nai ayoŋ otamak atemar emaikina anyunyura kaŋ min neni kec, emaikina ayoŋ oŋoik ikes eman analoŋisat.

Esek. 20:8

Nai apotu ikes toŋero ŋakiro kaŋ, nyiirasi ŋuna erworo ayoŋ; mam ipei daŋ alokidiŋ kec ŋini abu tocaka akuj keŋ ŋina aminakinit, kori apotu nyecamut akiŋer akiwuapit ŋakujo a Ijipit. “Abu nai ayoŋ otamak atemar emaikina anyunyura kaŋ min neni kec, emaikina ayoŋ oŋoik ikes eman anakwap a Ijipit.

Esek. 21:17

Ayoŋ daŋ aramakini ŋakan kaŋ, todaun nai aŋoit aneni kaŋ. Ayoŋ Ekapolon alimu ŋun.”

Esek. 21:22

Ikamuni iŋes aloteten keŋ ekaleŋeleŋet ŋolo igiritae ekiro a Yerusalem. Apolou keŋ atemar elimokinitae iŋes alosit akiwuakin Yerusalem ŋiboorei ŋulu ebwaŋere arwatata ka alimokin ŋituŋa keŋ akiar ŋituŋa a Yerusalem, acelun aŋuna ka akisimukekin ŋikajiok, akiwuakin lopukei a Yerusalem ŋiboorei ŋulu ebwaŋere ŋipukei, adukokin akititis narwatata a Yerusalem ka arekin Yerusalem ŋaduketa ŋuna aoyak ŋuna irikaunitere iŋes.

Esek. 23:25

Ewuakini ayoŋ neni kon alilit ŋina ekemanitor iyoŋ, ikotere ikes ikisicanete iyoŋ ka aryenyeo. Etubutubuyete ikes ŋikumes ka ŋaki kon, earyo ŋituŋa kon ŋulu ebucanarosi. Ikamarete ŋimoe ŋul ŋidwe kon ŋulusapa ka ŋulupesur ka icunyaryo ka akim ŋituŋa kon ŋulu ebucanarosi.

Esek. 24:13

Ani eketaleuni ayoŋ iyoŋ analeeco kon a ŋina abosan, ibu iyoŋ nyitaleun anabosis kon a ŋin; mam nabo nyikitaleunio iyoŋ jik akitodol ŋina etemokinio ayoŋ ŋuna akaŋoikinitor iyoŋ.

Esek. 43:8

Apaki ŋina aponiata ŋirwosi a Ŋisirael toduko ŋipukei kec diyete ŋulu kaŋ ka kiwuanakis ŋakito ŋuna anawae ka ŋuna alokidiama ŋipukei diyete ŋuna kaŋ, toruwor arwatata bon eyai kidiŋ kaŋ ka ikes, apotu ikes apaki ŋin tomunaasi ekiro kaŋ ŋolo asegan anakitiya asiilyo. Aŋun, abu ayoŋ anaŋoit kaŋ omunya ikes.

Esek. 6:10

Eyenunete nai ikes anakiro aŋun atemar arae ayoŋ Ekapolon ka ŋakiro ŋuna abala ayoŋ ikes nyitiyata, pa arae ca ŋuna kitukuryanet ikes.’

Esek. 6:12

Eari edeke ikes ŋulu iboiyete aneni alwanan ka emunyaryo a ekileŋ ikes ŋulu iboiyete anepei a ne, ido ŋulu idoŋete ŋulu imyekinio nyear ekileŋ, kori edeke, eari akoro. Epite ŋol iŋes iŋolikiniata ikes anyunyura kaŋ aŋuna kec.

Esek. 7:3

Imunyarosi tokona iyes, emyekini tokona ayoŋ aŋoit kaŋ bu neni kus; akatubokini ayoŋ iyes alopite a ŋolo itiyatotor iyes, ekesicani ayoŋ iyes aŋuna ka asiilyo a daadaŋ a ŋina itiyata iyes.

Esek. 7:8

Aapuu ayoŋ ayaun anyunyura kaŋ neni kus; iŋolikinete tokona iyes aŋoit kaŋ eyakaun neni kus. Akatubokini ayoŋ iyes lopite ŋolo itiyatotor iyes, ekesicani iyes aŋuna ka asiilyo kus a daadaŋ.

Dan. 11:36

“Itiyae nai erwosit ŋolo alo Kuju ŋuna italakarito iŋes. Itopoloor iŋes bon kitusubun epol akilo ŋakujo daadaŋ ka irwori iŋes ŋakiro ŋuna aronok itoroniyarit Akuj a ŋakujo. Itiyae iŋes ŋakiro daadaŋ ejok akitodol apaki ŋina ebunio anyunyura ŋina ka Akuj neni keŋ, anerae ŋuna emaikina kitiyae, itiyakin.

Dan. 9:2

abu ayoŋ Daniel, ekaru ŋol oyenu alokitaaboi ŋakiro a Ekapolon aneni a Yeremia a ekadwaran, ŋakiro ŋuna ebookoi idoŋi Yerusalem esil ŋikaru ŋatomonikanikaarei.

Osea 10:10

Abuni ayoŋ akisican ikes apaki ŋina acamitor, ecunakinosi ŋituŋa a ŋakwapin akitijikin ikes, eenete ŋimoe kec ikes aŋuna a ŋasecisya kec a ŋunaarei.

Sakar 6:8

Abu emalaika okonyar ayoŋ tema, “Kiŋolik iyoŋ, ekesieŋut ayoŋ ŋaŋolei ŋuna alosete nakwap ŋina alo Kuju anaŋoikinit kaŋ akwap ŋina alo Kuju.”

Ŋikis. 28:63

Ikwaŋina abunio tojoik Ekapolon ikitobar iyes ka akitipitun iyes toruworos ŋituŋa ŋulu alalak, ejoikini Ekapolon ayaun akinyasuno ka amunyaro neni kus. Ikimunyaryo iyes anakwap a ŋina ilosete iyes akituruwor ŋina kus.

Ŋikis. 32:36

“Kire jik, ituruwori Ekapolon ŋituŋa keŋ ŋulu iyookino, isyoni Ekapolon ŋiketiyak keŋ apaki ŋina eyenunia iŋes atemar adaun agogoŋu kec, ŋina idoŋioto ŋulu eenitae ka ŋulu nyeenitae.