Esek. 5:11 - Ebaibul

¹¹ Aŋun, ikwapei araakar ayoŋ Akuj ŋina ayari, aŋuna itisiliyaniata iyes Akai kaŋ a aronis a daadaŋ ka asiilyo kus daadaŋ, ajoŋoe ayoŋ amina iyes, nyekeŋolikini ayoŋ iyes, ido ekesyon, kori okoesik akisican.

Esek. 5:11 Iomraidhean Croise

2 Ŋirw. 21:4

Toduk iŋes ŋamuroeta ŋuna ilipere ŋakujo ŋunagelae tooma Akai ka Akuj, neni koloŋ abala Ekapolon, “Yerusalem bon iŋes ekelipere ayoŋ.”

2 Ŋirw. 21:7

Abu kiwuak etorube ŋolo ecieunitae ŋolo ka akuj a ŋinaberu a ŋina anyaritae Asera tooma kai ka Akuj, neni koloŋ alimokinit Ekapolon Daudi ka lokoku keŋ Solomon ebe, “Kai ka Akuj na ane alo Yerusalem, iŋes aseu ayoŋ anakwap a daadaŋ a ŋina a ŋikabilae a ŋulutomon ka ŋiarei a Ŋisirael atemar ekelipere ayoŋ ŋikaru ka ŋikaru.

2 Ŋirw. 23:12

Ani ŋamuroeta ŋuna aya nagule ŋina alokidiama akai ka Aas, Ŋamuroeta ŋuna adukete ŋirwosi a Yudaya ka ŋuna aduki Manase nalapatui ŋunaarei ŋuna ka Akai ka Akuj, abu Yosia toukono, tobwaŋabwaŋa, tosodi tobukono ŋakielet nayonae Kidiron.

2 Ŋakiro a ŋirwa 33:4

Toduk iŋes ŋamuroeta ŋuna ilipere ŋakujo ŋunagelae tooma Akai ka Akuj neni koloŋ abala Ekapolon, “Yerusalem bon iŋes ekelipere ayoŋ.”

2 Ŋakiro a ŋirwa 33:7

Abu kiwuak Kai ka Akuj etorube ŋolo ka akuj a ŋina anyaritae Asera, etorube ŋolo ecieuni iŋes, kiwuak Kai ŋin ŋina koloŋ alimokinit Ekapolon Daudi ka lokoku keŋ Solomon ebe, “Kai ka Akuj na ka ne Yerusalem, iŋes aseu ayoŋ anakwap a daadaŋ a ŋina a ŋikabilae a Ŋisirael atemar ekelipere ayoŋ ŋikaru ka ŋikaru.

2 Ŋakiro a ŋirwa 36:14

Apotu ŋisacaradotin daadaŋ ŋulu apolokinito ŋuluce kaapei ka ŋituŋa ŋuluce daadaŋ toruwor nooi ŋulu pa ekinyoma. Apotu kiwuapa ŋakiro ŋuna asiilyanak daadaŋ ŋuna etiyaete ŋituŋa a ŋakwapin a ŋunace, aŋun, apotu kitorona Akai ke Ekapolon alo Yerusalem ŋina sek aris Ekapolon kitaleu.

Yob 27:22

Eremun ekuwuam ŋol neni kec emam akimyekin; eemete ikes anagogoŋu a ekuwuam a ŋol eŋirikinito nooi akerit.

Ŋikiru. 107:39

Ani apaki ŋina akudyokunioto ŋituŋa ŋul ka ŋina apapanuniata, aŋuna ka akiimakinit ka ŋican ta akiyaloloŋ,

Ŋikiru. 95:11

Aŋun, ananyunyura kaŋ, abu ekoŋ otema, ‘Nyelomarete ikes jik nakwap ŋina amaikina ayoŋ esieŋunia ikes.’ ”

Yer. 10:24

Ekapolon kisicanae isua, nai anakiyookino, nyikisican isua anaŋoit kon, anerae acepaki ikimunyari iyoŋ isua daadaŋ.

Yer. 16:18

Aboŋokini ayoŋ akisican ikes nabo aŋuna ka aronis kec ka aŋuna ka asecit kec, anerae apotu ikes kitoroniyasi akwap kaŋ a ŋalyalin, a ŋamuja, a ŋakujo kec a ŋuna nyeyarete, ido elelebikis nakwap kaŋ asiilyo.

Yer. 32:34

Apotu ikes tosipokis ŋitorubei ŋulu ka asiilyo Kai ŋina enyaritae a ekiro kaŋ, kinyasut Akai ŋin.

Yer. 44:4

Kikote neni daŋ, abu ayoŋ orubak ekeyakianakini iyes ŋiketiyak kaŋ ŋikadwarak abala, ‘Ekemaimai ayoŋ iyes, nyitiyata ŋakiro ŋuna ka asiilyo ŋun ŋuna aremokino ayoŋ!’

Aum. 2:17

Etiya tokona Ekapolon ŋuna sek acamit akitiya; esiyook ŋakiro keŋ ŋunakoloŋ aris kitemok atemar kitiyakin. Ikimunya iŋes iwon emam akisyon, ainaki ŋimoe alelyan aŋuna ka akiloun iyes, ainaki agogoŋu neni a ŋimoe kus.

Aum. 2:21

Emaikina mono ŋisacaradotin ka ŋikadwarak toarakinae Kai a Ekapolon a? Eperete ŋawat a ŋisorok ka ŋikasikou alorotin a etaun, aar ŋimoe ŋisorok ka ŋasorok kosi. Ibu iyoŋ Ekapolon toar ikes akoloŋit ŋina iŋoitor iyoŋ, ibu toar ikes emam akisyon.

Esek. 11:18

Ani ŋina eboŋunito Ŋisirael ne, elemarete alo Isirael ibore ŋini nyenyamio daadaŋ ka ŋakujo alo Isirael daadaŋ.

Esek. 11:21

Nai ikes ŋulu einakina alotai kec neni a ŋiboorei a ŋulu nyenyamio ka neni a ŋakujo, esicani ayoŋ ikes aŋuna a ŋiticisyo kec a ŋul.”

Esek. 23:28

Alimu Ekapolon Akuj atemar, ekepotokini ayoŋ iyoŋ neni a ŋituŋa a ŋulu ikimanito iyoŋ, neni a ŋituŋa a ŋulu ibu iyoŋ toŋer aŋuna ikitiliitotor ŋakiro ŋuna etiyaete ikes neni kon.

Esek. 23:38

Etiyata ikes tari ŋakiro nu neni kaŋ: Apotu apaki ŋinapei tomunaasi akibois kaŋ ŋina asegan ka apotu tojamuwasi akoloŋit kaŋ ŋina a Sabato.

Esek. 23:39

Akoloŋit ŋinapei aayata ikes ŋidwe kec erae ŋamuronisya neni a ŋakujo kec, apotu tolomasi nakibois kaŋ ŋina asegan tomunaasi, ŋakiro ŋun ikes apotu Oola ka Ooliba kitiyata alokai kaŋ.

Esek. 24:14

Ayoŋ Ekapolon adau alimun ŋun; ebunit apaki ka etiyakini ayoŋ ŋun. Nyemyekini ayoŋ akitiya ŋun, nyesyoni ayoŋ ituŋanan kon idio, mam tari nyeeŋuni ayoŋ aŋuna kon. Akatubokini ayoŋ iyoŋ aŋuna ŋipitesyo kon ka ŋakiro ŋuna itiyae iyoŋ.’”

Esek. 29:15

Eruwor ikes apukan ŋina epalag akilo ŋunace mam nabo nyitopoloor iŋes bon anakwapin a ŋunace. Eturuwori ayoŋ ikes ŋulu epalag ŋulu nyepedorete nabo jik akipuka ŋakwapin ŋunace.

Esek. 33:11

Tolimok Ŋisirael atemar, ebala Ekapolon Akuj ebe, Ikwapei ayarya ayoŋ, nyalakara ayoŋ etwani ituŋanan toriŋa eyai naronis, nai emaikina ŋini eyai naronis toŋer akiwuapit ŋuna aronok, ido toyar. Toŋero, toŋero akiwuapit ŋuna aronok! Okoe Ŋisirael, kaanukiro icamitotor iyes atwakare?

Esek. 43:8

Apaki ŋina aponiata ŋirwosi a Ŋisirael toduko ŋipukei kec diyete ŋulu kaŋ ka kiwuanakis ŋakito ŋuna anawae ka ŋuna alokidiama ŋipukei diyete ŋuna kaŋ, toruwor arwatata bon eyai kidiŋ kaŋ ka ikes, apotu ikes apaki ŋin tomunaasi ekiro kaŋ ŋolo asegan anakitiya asiilyo. Aŋun, abu ayoŋ anaŋoit kaŋ omunya ikes.

Esek. 44:7

Ŋace ŋuna iatakis iyes nasiilyo kus ikes nu, iyaut iyes nakibois kaŋ ŋina asegan ŋituŋa ŋulugelaanotin ŋulu nyileŋeritae, ŋituŋa ŋulu nyekewuapito ayoŋ, elomete ŋituŋa ŋul akiyany Akai ka Akuj eriŋa iyes iyaunito neni kaŋ akimuj kaŋ, asepwae ka ŋaokot a ŋainakineta. Iŋero iyes acamunet kaŋ ka iyes anakitiya asiilyo kus ŋin daadaŋ.

Esek. 5:7

Aŋuna aruworotor ŋituŋa a Yerusalem ŋulu ipegeiyoro akilo ŋulu a ŋakwapin a daadaŋ a ŋuna eya nawaetin kec, ido nyiwuapa ikes Ŋikisila kaŋ ka nyitiya ŋuna atubunit ayoŋ, nai etiyata ŋuna etubunito ŋituŋa a ŋakwapin a daadaŋ aŋuna eya nawaetin kec,

Esek. 7:20

Alonapito kec a ŋulu ebusak, a ŋulu aponiata ikes kiturokinotor, apotu ikes kitiyaut ŋitorubei ŋulu ka asiilyo ka ŋakujo kec ŋuna pa acamit ayoŋ. Aŋun, eturuwori ayoŋ ikes ŋulu itoroniarito ŋiboro ŋulu ebaritotor ikes.

Esek. 7:4

Nyekemyekini ayoŋ iyes ekeŋolikini, nyekesyoni ayoŋ iyes. Ekesicani ayoŋ iyes a ŋakiro a ŋuna itiyata iyes ka aŋuna ka asiilyo a ŋina itiyaete iyes alokidiŋ kus. Ŋun nai iyenuniata iyes atemar arae ayoŋ Ekapolon.’

Esek. 7:9

Nyekemyekini ayoŋ iyes ekeŋolikini; nyekesyoni ayoŋ iyes. Ekesicani ayoŋ iyes lopite ŋolo itiyatotor iyes, ekesicani ayoŋ iyes aŋuna ka asiilyo a ŋina itiyaete iyes alokidiŋ kus. Ŋun nai iyenuniata iyes atemar erae ayoŋ Ekapolon ekesicanit iyes.

Esek. 8:15

Tema Akuj neni kaŋ, “Lokoku a ituŋanan, iŋolik iyoŋ ŋakiro nu a? Iŋolikini iyoŋ ŋace ŋuna ka asiilyo a ŋina apolon nooi akilo ŋun.”

Esek. 8:16

Abu nai Akuj okoyau ayoŋ nalapatu ŋina alotooma Akai ka Akuj, ayakasi diyete epuke ŋolo ka Akai ka Akuj, kidiŋ ebarasan ka namuroet ŋikilyok ŋulu aapiyarit ekimar kec ŋatomoniarei ka ŋikan. Amulenito ikes Akai ka Akuj, eŋoliyarito lowae ŋolo alo Kide, ejuuruyete ikes iŋoliyarito Kide, ilipete neni ka akoloŋ.

Esek. 8:18

Aŋun, anyunyurikin ayoŋ ikes, nyacamuni ayoŋ akiŋolikin ikes, mam tari nyesyoni ayoŋ ikes; tari kigworo ikes neni kaŋ opupi ayoŋ ikes iworoete nooi, nyapupokini ayoŋ ŋakiro kec.”

Esek. 9:10

Aŋun, nyeŋolikini ayoŋ ikes oesik, kori nyesyoni ayoŋ ikes, nai etiyae ayoŋ neni kec ŋuna adaut ikes akitiya neni a ŋuluce.”

Esek. 9:5

Abu iŋes tolimok ŋirukitos a ekile a ŋol apupi ayoŋ tema, “Totupakisi iŋes kirimokis etaun daadaŋ toara ŋituŋa, nyimyekis ituŋanan daadaŋ ŋini iŋolikinete iyes, kori nyikisyon ituŋanan idio.

Ŋilep. 15:31

“‘Alopite a ŋol, iyokiuni iyoŋ Ŋisirael erae ŋulu nyitoroniyaritae ikotere nyetwaka erae ŋulu itoroniyaritae aŋuna ka amunaar eema kaŋ ŋolo eyai kidiŋ kec.’ ”

Amos 8:7

Ekoŋ Ekapolon ŋolo iturotor Ŋisirael ebe, ‘Kire jik, nyekemuryakini ayoŋ tari epei a ŋiticisyo a ŋulu aronok a ŋulu itiyaete Ŋisirael.

Sakar 11:6

Emam nabo ituŋanan eroko ayoŋ esyoni anakwap. Emyekini ayoŋ ŋituŋa kipukata ŋulu epolokinito ikes. Emunaarete ŋikepukak ŋul akwap, ido nyaiuni ayoŋ ŋituŋa anapedor a ŋikepukak kec.”

Mal. 3:17

Ebala Ekapolon ŋolo Etiron ebe, “Eruworosi ikes ŋulu kaŋ, ani edoli akoloŋit ŋina eturuworya ayoŋ ikes ŋituŋa kaŋ a elope, nyaari ayoŋ ikes, esyoni ayoŋ ikes lopite ŋolo epedorya papa akisyon lokoku keŋ ŋolo itiyanakini iŋes.

Ŋirom. 11:12

Abu asecit ŋina a Ŋiyudayan yau ŋarereŋisyo ŋuna alalak nakwap ka abu atwaniyar kec aiuno yau ŋarereŋisyo ŋuna alalak lotuŋa ŋulu nyerae Ŋiyudayan. Etyaunete nai ŋarereŋisyo ai ŋina imarakinere Ŋiyudayan daadaŋ etya neni etya aruwor ŋikanupak a Kristo!

Ŋirom. 11:21

Abu Akuj nyerimak Ŋiyudayan, ŋulu isikwaanitae ka ŋaten ŋuna lopeyek; itamete iyes atemar ikirimakini iŋes iyes a?

Ŋirom. 8:32

Abu Akuj nyewounia Lokoku keŋ, nai abu tojal iŋes aŋuna yok a daadaŋ! Abu ikiinak iwon Lokoku keŋ--nyikiinakini mono iŋes iwon ŋiboro daadaŋ alotooma Kristo a?

Ŋikis. 29:20

nyecamuni Ekapolon akisyon ikes, anerae eŋoikini Ekapolon ikes nooi, erirauni aŋoit keŋ lopite ŋolo eriraunia akim, eryamunete nai ikes ŋilam daadaŋ ŋulu igiritae lokitaabo lo, ido ikisari Ekapolon ŋirorwa kec anakwap.

Ŋibur. 6:13

Apaki ŋina eikinia Akuj Aburaam, abu tolimu ekiro keŋ ka alope apaki ŋina ekoŋio, ikwaŋina emamukar ice ŋini epol akilo iŋes.