Esek. 5:10 - Ebaibul

¹⁰ Kire jik, enyamete ŋikauruunak ŋidwe kec alokidiŋ kus ka enyamete ŋidwe ŋikauruunak kec; ekesicani ayoŋ iyes ka eelari ŋipiya kus iwace.

Esek. 5:10 Iomraidhean Croise

2 Ŋirw. 6:29

Aponi nai isua kidorokinoe lokoku kaŋ tonyamae. Ani taparacu keŋ, olimoki ayoŋ aberu na otema, ‘Yau nai lokoku kon onyama.’ Nai, ewua iŋes lokoku keŋ.”

Neem. 1:8

Totamu ŋakiro ŋuna ibu iyoŋ kicik eketiyan kon Moses ibala, ‘Ani pa kiwuapa iyes ŋakiro kaŋ ekeelari ayoŋ iyes nakwapin a ŋituŋa;

Ŋikiru. 44:11

Ibu iyoŋ ikimyek isua ikiŋolyo ikwa ŋamesekin, ido ikiela isua nakwapin.

Isa. 49:26

Etanyami ayoŋ ŋulu ikisicanito iyes ŋawat kec a ŋilopeyek, emerakinosi ikes a ŋaokot kec pei lopite ŋolo emeratar a epiini. Eyenunete nai ŋituŋa daadaŋ atemar arae ayoŋ Ekapolon Ekaiunan kus ka Ekalakunan kus Ekapolon ŋolo etiron ŋolo a Yakob.

Isa. 9:20

Iudaete a ŋakan kec aŋuna aloteten nai erubakini akoro enyamit, imujete ŋituŋa a ŋakan kec a ŋuna alokedyeny nai nyimwokete. Enyami ŋinituŋanan akuwan a ituŋanan keŋ pei.

Yer. 13:14

Etidiŋakini ayoŋ ikes make, ediŋakinosi ŋikauryak ka ŋidwe kec, kori nyaiuni idio tuŋanan apaki ŋina abunio ayoŋ amunyar ikes.’ ”

Yer. 19:9

Tosodi ainakini ayoŋ ŋituŋa a Yudaya ka ŋulu a Yerusalem tonyama ŋawat a ŋidwe kec a ŋulusapa ka a ŋulupesur, enyamete daadaŋ ŋawat a ŋikidunyet kec anapaki a ŋina irikaunere etaun ka alocan a ŋulu iteryamunete ŋimoe kec ŋulu ecamito akiar ikes.

Yer. 44:12

Amunyari ayoŋ ŋipiya a Yudaya daadaŋ ŋulu imukekinito alosit nakwap a Ijipit, akiboi a ina, etwakete ikes daadaŋ anakwap a Ijipit a ekileŋ ka akoro, ameun a ŋulucaryo tari ŋulu itopolooritae etwakete ikes a ekileŋ ka a akoro, ejamuwarete ŋituŋa ikes ka iyanyio ŋituŋa isitiyao ekiro kec, ituruworyo ekiro kec ŋolo icenere ŋuluce ka ŋolo inyasere ŋuluce.

Yer. 49:32

Eŋataryo ŋikaala kec, eŋataryo ŋaatuk kec. Ealari ayoŋ lowaetin daadaŋ ŋituŋa ŋulu ebanyito ŋakyes kec, ka ayauni ayoŋ neni kec ŋican alowaetin a daadaŋ.

Yer. 49:36

ka etukutuni ayoŋ neni keŋ ekuwuam alowaetin a daadaŋ a ŋuluomwon, ealari ayoŋ ikes lokuwuamin ŋul daadaŋ, mam akwap ŋina nyerikoryo ŋituŋa a Elam.

Yer. 50:17

“Ikwaan ŋituŋa a Isirael ka ŋamesekin ŋuna irisito ŋiŋatunyo. Ekiŋaren abu erwosit ka Asiriya toar ikes, ido ekaku amunya ikes erwosit Nebukadinesar ŋolo a Babilon.

Yer. 9:16

Ealari ayoŋ ikes nakwapin ŋuna nyeyenete ikes, kori ŋuna pa ayenete atapapaa kec, ido eyakikini ayoŋ ikes ŋimoe ŋulu epote akitijiore ikes tari ŋina amunyarya ayoŋ ikes daadaŋ.”

Aum. 2:20

Okoe Ekapolon, kiŋolik mono iyoŋ! Ŋae mono ŋinapei isican iyoŋ lopite lo? Emaikina mono ŋaberu tonyama ŋidwe kec ŋulu adaut ikes akitanun a?

Aum. 4:10

Apaki ŋina aryamunitotor ŋituŋa kaŋ ŋican; apotu tari ŋaberu ŋuna sek aminasi ŋidwe kec, kipoto ŋidwe kec toruwor akimuj.

Aum. 4:16

Abu Ekapolon kiela ikes, nyemitak ikes nabo jik. Abu Ekapolon nyitopoloo ŋisacaradotin ka nyeminak ŋikasikou kec.

Aum. 4:3

Tari ŋikweei itanakete ŋitak kec, nai aryenyaaka ŋituŋa kaŋ, etiŋito ŋidwe ka aryenyeo, lopite ŋolo imyekiniata ŋakaleeso ŋitak kec analoŋisat.

Esek. 12:14

Eelari ayoŋ lowaetin daadaŋ ŋituŋa ŋulu ka atukot keŋ daadaŋ ka ŋulu iŋarakinito iŋes akipuka ejok ta ŋasigarya keŋ daadaŋ. Ainakini ayoŋ ŋituŋa kiwara ikes toara.

Esek. 12:15

Apaki ŋina eritarya ayoŋ ikes lotuŋa a ŋakwapin, eelak nakwapin ŋunagelae, eyenunete nai ikes atemar arae ayoŋ Ekapolon.

Esek. 17:21

Earyo ŋasigarya keŋ daadaŋ apaki ŋina ebwaŋatar, ido ŋuna idoŋete, ielaryo ŋolowae ka akwap daadaŋ. Ŋakiro ŋun nai iyenunia iyoŋ atemar ayoŋ Ekapolon abu erwor ŋakiro ŋun.’ ”

Esek. 20:23

Abu daŋ ayoŋ ekoŋ neni kec analoŋisat, olimok atemar ekeelari ayoŋ iyes lotuŋa a ŋakwapin ka akakorari ayoŋ iyes nakwapin.

Esek. 22:15

Ekeelari ayoŋ iyes nakwapin ka eketorotokini iyes nakiboisyo ŋuna alalak ka etasaluni ayoŋ aronis ŋina itiyaete iyes.

Esek. 36:19

Abu ayoŋ eela ikes nakwapin ŋunace ka aponi ikes tokorarae nakiboisyo, abu ayoŋ esican ikes aŋuna a ŋipitesyo kec ka aŋuna a ŋiticisyo kec.

Esek. 5:12

Atutubet kus apei alotooma ŋauni, emunyari edeke, kori emunyari eron alokidiŋ kus; atutubet ŋina a ŋaarei alotooma ŋauni, earakinio kiŋa ŋarwatatain a etaun kus ka atutubet ŋina a ŋauni alotooma ŋauni, eelari ayoŋ nariet, ido etutupak ikes ekileŋ kaŋ.

Esek. 5:2

Ani edaun ŋirwa ŋulu irikaunitere Yerusalem, emaikina kicuny alotooma etaun ŋitim ŋul atutubet apei alotooma ŋauni. Tolemu nabo atutubet ŋina a ŋaarei totubutubu a ekileŋ irimi alokiŋa etaun. Tosodi atutubet ŋina a ŋauni, emaikina kiela lokuwuam etutupak ayoŋ ikes ekileŋ kaŋ.

Esek. 6:8

“‘Nai apiyanuni ayoŋ ŋituŋa kus ŋidi. Ebucarosi ŋidi kus anatwanare a ŋina ikiaryata ŋakwapin iyes, ido ielaryo ŋul nakwapin.

Dan. 9:7

“Okoe Ekapolon, neni kon eyai akiyookino, nai eleereut ŋileec aneni kosi ŋirwa lu, ido etiyakin ŋun neni a ŋituŋa a Yudaya, neni a ŋituŋa a ŋulu iboiyete alo Yerusalem ka neni a Ŋisirael a daadaŋ a ŋulu eya diyete ne ka ŋulu eya neni alwanan nakwapin daadaŋ ŋuna ibu iyoŋ kiela aŋuna aponiata ikes toseca aneni kon.

Ŋilep. 26:29

Ikitanyami iyes akoro ŋawat a ŋidwe kus a ŋulusapa ka a ŋulupesur.

Ŋilep. 26:33

Ekeelari ayoŋ iyes nakwapin, ido eturubakini ayoŋ ŋimoe ikiwuapito iyes. Idoŋi akwap kus erae ŋina asilon ka eruwor ŋitaunio kus ŋireŋoroto.

Amos 9:9

“Ebala Ekapolon, ‘Kire jik, epukae ka eloilookini ayoŋ Ŋisirael kaapei ka ŋituŋa a ŋakwapin a daadaŋ, ekeike ikes lopite ŋolo ikeikea ituŋanan ŋikinyom, otyaka ŋituŋa ŋulu aronok daadaŋ aneni a ŋulu ajokak.

Sakar 2:6

Tolimok Ekapolon ŋituŋa keŋ tema, “Potu! Potu! Tomotunos anakwap a ŋina alo Kuju, anerae abu ayoŋ ekeala iyes lowaetin ka akwap daadaŋ.

Sakar 7:14

Aŋun, abu ayoŋ eela ikes lopite ŋolo ielarya ekuwuam ibore, apotu ikes kielar akiboi nakwapin ŋuna sek pa ayenete. Apotu kimyekis akwap na ŋina ajokan erae ŋina asilon, ŋina emam ituŋanan iboi alotooma keŋ.”

Luk. 21:24

Earyo ikes ŋice ka atum, ŋice eruworosi ŋirikon nakwapin ŋunace; ipudaete ŋituŋa ŋulu nyerae Ŋiyudayan Yerusalem, akitodol ŋirwa ŋulu esalunia apukan a ŋituŋa a ŋulu nyerae Ŋiyudayan.

Ŋikis. 28:64

Ikielari Ekapolon iyes nakwapin, idolete iyes nakisaleta ŋuna ka akwap, itiyanakinete iyes a nen ŋakujo ŋuna itiyaunitae a ŋakito ka ŋamoru, ŋakujo ŋuna nyeyenuna iyes ŋinapei, kori atapapaa kus.

Ŋikis. 32:26

Abu ayoŋ otamu akielar ikes ekisa ikes anatameta a ŋituŋa,

Ŋikis. 4:27

Ikielari Ekapolon iyes nakwapin a ŋituŋa a ŋulugelae, ŋidikudyo bon alotooma kus idoŋete nakwapin ŋuna ikirikori Ekapolon iyes.