Esek. 48:18 - Ebaibul

¹⁸ Nenice neni ideuna anaoyau a akibois a ŋina asegan, emaikina erae ŋakilomitae ŋakan emyaarit Kide ka ŋakilomitae ŋakan emyaarit To. Emaikina nen ibakiyarito ka akibois ŋina asegan. Akimuj ŋina elomuni a nen, emaikina erae ŋina a ŋituŋa a ŋulu itiyaete lotaun.

Esek. 48:18 Iomraidhean Croise

Esek. 45:6

“Kipimakisi akibois ace diyete ŋina asegan, kipima aoyau keŋ alosepyon erae ŋakilomitae ŋatomon ka ŋaarei ta atutubet, torae aoyau alowaetin a ŋulu euruwuaka ŋakilomitae ŋaarei ka atutubet, emaikina totyakarae akibois ŋin aŋuna ke etaun a ŋolo epedorete Ŋisirael daadaŋ ŋulu ecamito akiboiyo.

Esek. 48:17

Emaikina eyai neni emam ŋaduketa anawae etaun, alowae a ŋolo alo Kuju, emaikina nen erae ŋimitae amiat ka ŋatomoniarei ka ŋikan alowae ke epei tari ŋoloce ka alowae a ŋolo alo To, emaikina nen erae ŋimitae amiat ka ŋatomoniarei ka ŋikan alowae ke epei tari ŋoloce.

Esek. 48:19

Emaikina ŋiketiyak a etaun daadaŋ ŋulu a ŋikabilae a Isirael kitata akibois ŋin.

Yos. 9:27

Akoloŋit ŋinapei, kituruwo Yosua ikes ŋikayepak ŋakito ka ŋikaokok ŋakipi aŋuna a Ŋisirael ka Namuroet ŋina ke Ekapolon. Tari tokona eriŋa ikes itiyaete etic ŋol anakibois a ŋina aseu Ekapolon kilipyata ŋituŋa keŋ iŋes.