Esek. 47:9 - Ebaibul

⁹ Neni daadaŋ eleleyari aŋolol ŋin, eyarete ŋisubuna daadaŋ ŋulu a ŋakipi, eyakaun nakipi ŋun ŋikolya ŋulu alalak nooi, anerae neni daadaŋ elomarete ŋakipi ŋun ananam, eruwor ŋakipi a nen ŋuna ajokak; eyari ibore daadaŋ aneni eleleiyari aŋolol.

Esek. 47:9 Iomraidhean Croise

Ŋikiru. 103:3

Isyoniyenene Ekapolon ŋasecisya kaŋ daadaŋ, eketaŋaleununui iŋes ayoŋ alodekesyo kaŋ a daadaŋ;

Ŋikiru. 78:16

Abu kitolomu akalele anataaba, kiteleleu ŋakipi lopite ŋolo eleleata ŋaŋololin.

Awos. 15:26

tema, “Ani kiwuapa iyes ejok ŋuna irworo Ekapolon Akuj kus, ido kitiyata ŋuna iyookino alokiŋaren kaŋ, totamunito nooi akiwuapit ŋakiciketa ka ŋikisila kaŋ daadaŋ, nyayauni ayoŋ neni kus adio a ŋakisicaneta a ŋuna abu ayoŋ esicania Ŋijipitian, anerae arae ayoŋ Ekapolon ŋolo eketaŋaleununui iyes.”

Isa. 12:3

“Elakarosi ŋituŋa ka Akuj apaki ŋina eiunia Akuj ikes; elakarosi ikes lopite ŋolo elakarotor ŋituŋa ŋulu enyamit akure emasete ŋakipi.”

Isa. 30:26

Akoloŋit ŋina imadya Ekapolon neni ewanan alotuŋa keŋ ka ŋina itaŋaleunio Ekapolon ŋajemei ŋuna abu iŋes kiteryamu ŋituŋa keŋ, ecauni elap ikwa akoloŋ ekwaŋiar akica a akoloŋ akilo tari ŋarwa ŋakanikaarei, ikwaanikin akica ŋin bon ka ŋina a ŋirwa a ŋikanikaarei.

Isa. 49:12

Kiirasi, epote ŋirotin ŋul aneni alwanan, kiirasi epote ŋirotin ŋul alo Kuju ka alo To, epote ŋirotin ŋul anakwap a Sinim.”

Isa. 55:1

Okoe, potu daadaŋ ŋulu ikinyamit akure, potu neni eya ŋakipi ka iyes ŋulu imamukatar ŋisiliŋa potu, potu togyela ka kimuja! Potu togyela epiini ka ŋakile emam ŋisiliŋa ka emam etyae a ŋisiliŋa.

Sakar 2:11

Epote ŋakwapin ŋuna alalak akoloŋit ŋin neni ke Ekapolon, eruwor ikes ŋituŋa keŋ, iboikin Ekapolon kaapei ka ikes. Iyenunete nai iyes atemar Ekapolon ŋolo Etiron iŋes ekeyakuunit ayoŋ neni kus.

Yoa. 14:19

Apaki adio cicinyekeŋolikinete nabo ayoŋ ŋituŋa ŋulu ka akwap a na, nai ikiŋolikinete iyes ayoŋ ka aŋuna ayarya ayoŋ, iyarete iyes daŋ.

Yoa. 14:6

Tolimok Yesu Tomas tema, “Arae Ayoŋ erot, Arae ŋuna a kire ka Arae akiyar; nyepedori ituŋanan abunore neni a Papa, mati kitoru neni kaŋ.

Yoa. 3:16

Kire, abu Akuj tomina akwap nooi, tojal tari Lokoku keŋ ŋolo donupei, ikotere ŋini enupi iŋes nyebukori, nai toryamu akiyar ŋina nyedaun.

Yoa. 4:14

nai ŋini emasi ŋakipi ŋuna ainakini ayoŋ iŋes, nyenyami akure nabo jik. Ŋakipi ŋuna abuni ayoŋ ainakin iŋes, eruworosi aneni keŋ eitanit ŋolo a ŋakipi a ŋuna eyaunete akiyar ŋina nyedaun.”

Yoa. 5:25

Akalimokini ayoŋ iyes kire atemar, ebunit apaki ka iŋes napei na, ŋina eponiata ŋikatwak akiirar etoil ŋolo a Lokoku ka Akuj; ikes ŋulu iirarete, eyarete.

Yoa. 6:63

Erae Etau ŋolo ka Akuj iŋes ikiini akiyar; ecaryono apedor ŋina a ituŋanan. Ŋuna akalimok ayoŋ iyes erae ŋuna ileleba Etau tooma kec ka eyaunete akiyar.

Ŋitic. 2:41

Tonupa ŋituŋa ŋulu alalak ŋakiro keŋ kibatisae, ido kiyatakin lokanupak ŋituŋa ŋulu adolito ŋalipyo ŋauni akoloŋit ŋin.

Ŋitic. 2:47

epurosi ikes Akuj ka tominakinito ŋituŋa daadaŋ ikes. A ŋinakoloŋit, eyatanakini Ekapolon natukot kec ŋulu aiununuyo.

Ŋitic. 21:20

Ani kiirasi ikes erwor a Paulo, kipuro ikes Akuj. Temasi nai ikes daadaŋ neni a Paulo, “Lokaato, kiŋolik iyoŋ epite ŋolo alo Yerusalem a ne: eyakasi Ŋiyudayan ŋulu edolito ŋalipyo, ŋulu aruworosi ŋikanupak a Yesu. Tari kikote neni, iricakinito ikes daadaŋ Ŋikisila a Moses.

Ŋitic. 4:4

Nai apotu ŋituŋa ŋulu alalak, ŋulu apotu kiirasi ŋakiro a Ŋikiyakia tonupa; toapik ekimar a ŋikilyok ŋalipyo ŋakan.

Ŋitic. 5:14

Apotu ŋaberu ka ŋikilyok ŋulu alalak tonupa Ekapolon, kiyatakinos lokanupak.

Ŋitic. 6:7

Kielakin nai akirot ka Akuj nen, kiyatakin nooi ekimar a ŋikasyomak alo Yerusalem. Apotu daŋ ŋisacaradotin ŋulu alalak kiwuapa Ŋakiro ŋuna Ajokak, tonupa Yesu.

Ŋirom. 8:2

Anerae ekisil ŋolo ke Etau a ŋolo ka Akuj, ŋolo eyaununui akiyar neni yok anakimorikina ka Yesu Kristo, iŋes akalacu ayoŋ alokisil a ŋolo ka asecit a ŋina ikirikori natwanare.

1 Ŋikor. 15:45

Anerae ebasi Ŋakigireta ebe, “Abu Akuj tosub ituŋanan ŋini ke ekiŋaren--Adam--erae ituŋanan ŋini eyari”; nai Adam ŋolo esidyon--Kristo--abu toruwor Etau ŋolo einanakini akiyar.