Esek. 47:22 - Ebaibul

²² Iryamunete iyes iŋes erae ŋina aruwor ŋina kus jik. Emaikina ŋituŋa ŋulugelae ŋulu iboiyete ka iyes, ŋulu adaut auruun ŋidwe a ne toryamut neni eruwor neni kec apaki ŋina ikoryata iyes akwap. Emaikina ikes yae erae ŋituŋa ŋulu ka akwap a Isirael. Emaikina ikes kilamilama kaapei ka iyes apaki ŋina ekorere akwap neni a ŋikabilae a Isirael.

Esek. 47:22 Iomraidhean Croise

Isa. 14:1

Nai isyoni nabo Ekapolon ŋiletok a Yakob ka eseuni nabo Ŋisirael, iwuakini ikes nabo nakwap kec, epote ŋituŋa ŋulugelae akiboi kaapei ka ŋiletok a Yakob.

Esek. 45:1

“Ani ikorakini iyoŋ Ŋisirael akwap ŋina eruwor ŋina a ŋolokabila, emaikina iyoŋ totyaka nawae aŋuna a Ekapolon akwap ŋina erae aoyau keŋ ŋakilomitae ŋatomon ka ŋaarei ta atutubet, torae auruwuanut ŋakilomitae ŋatomon. Emaikina akwap ŋin daadaŋ erae ŋina eseg.

Esek. 47:21

Aŋun, ikorakinete iyes akwap na neni kus a ŋikabilae a Isirael.

Esek. 47:23

Igelaanot daadaŋ ŋini iboiyete ka iyes, eryamuni akibois keŋ kaapei ka ŋituŋa a ekabila a ŋolo iboiyoto iŋes. Ayoŋ Ekapolon Akuj alimu ŋun.

Esek. 48:29

Akwap ŋin iŋes emaikina iyes tokora toruwor ŋina aŋikabilae a Isirael ka epite ŋol emaikina iyes tokoryata iŋes. Ayoŋ Ekapolon Akuj alimu ŋun.

Ŋilep. 19:34

Emaikina iyes totiŋito ituŋanan ŋin esibit erae ŋini a ekabila kus pei. Tominas iŋes ikwa imininia iyes make, anerae iraakasi paaran iyes daŋ ŋigelaanotin alo Ijipit. Arae ayoŋ Ekapolon Akuj kus.

Ŋitic. 11:18

Ani iirarete ikes ŋun, tojoŋoto apega. Kipuro Akuj temasi, “Ainaki nai Akuj ŋulu nyerae Ŋiyudayan daŋ apaki ŋina ekiyata, toyara!”

Ŋitic. 15:9

Abu nyiwuak atyaketait kidiŋ yok ka ikes, nai abu kitesegu ŋitai kec anakisyon ŋasecisya, anerae apotu tonupa.

Ŋirom. 10:12

Anerae emam atyaketait eyai kidiŋ Ŋiyudayan ka ŋulu nyerae Ŋiyudayan; erae Akuj apei ka erae Ekapolon a daadaŋ, ido iterereŋi nooi daadaŋ ŋulu ilipete neni keŋ.

Ŋiep. 3:6

Ŋakiro ŋuna imunono ikes nu ebe, aŋuna a Ŋakiro a ŋuna Ajokak, amora ŋituŋa ŋulu nyerae Ŋiyudayan ka Ŋiyudayan ŋarereŋisyo ŋuna ka Akuj; eraakasi ikes ŋipei ka amora ŋakiikineta ŋuna abu Akuj kiik alotooma Yesu Kristo.

Ŋikis. 10:19

Emaikina nai iyes daŋ tominas ŋituŋa ŋulugelae, anerae irae paaran iyes daŋ ŋigelae anakwap a Ijipit.

Ŋikol. 3:11

Aŋakiro a ŋun, emam nabo atyaketait eyai kidiŋ Ŋiyudayan ka ŋulu nyerae Ŋiyudayan, kidiŋ ŋituŋa ŋulu ileŋeritae ka ŋulu nyileŋeritae, ŋulu a ŋikabilae a ŋice, ŋituŋa ŋulu emam akiyen, ŋipi ka ŋituŋa ŋulu elacakina, nai Kristo iŋes epol akilo daadaŋ ka eyai Kristo neni a daadaŋ.