Esek. 47:13 - Ebaibul

¹³ Alimu Ekapolon Akuj atemar, erae lu ŋikukorin ŋulu ityakatyakaata iyes akwap ŋina eruwor ŋina a ŋikabilae a Isirael a ŋulutomon ka ŋiarei. Emaikina ekabila a Yosepu toryamu ŋakiboisyo ŋaarei.

Esek. 47:13 Iomraidhean Croise

Akisy. 48:5

Aŋun, ŋidwe kon ŋuluarei ŋulusapa ŋul, ŋulu ibu iyoŋ touru alo Ijipit eriŋa ayoŋ nyebuno neni kon nakwap a Ijipit, erae ikes ŋidwe kaŋ. Erae Epuraim ka Manase ŋidwe kaŋ; ikwapei eraakatar Ruben ka Simeon ŋidwe kaŋ.

Akisy. 49:26

Epolok nooi ŋarereŋisyo ŋuna ikigatakinit iyoŋ papa kon, iloito tari ŋarereŋisyo ŋuna a ŋimoru a ŋulu a ŋikaru ka ŋikaru, iloito tari alalau a ŋiboro a ŋimukura a ŋulu a ŋikaru ka ŋikaru; elipi toryamu Yosepu ŋarereŋisyo ŋun, aŋuna eraakar iŋes aponi tosetarae apolokin ŋikaitotoi keŋ.

1 Ŋakiro a ŋirwa 5:1

Arae lu ŋidwe a Ruben alokoku a Isirael a ŋolokiyae. (Arae iŋes ekiyae, nai aŋuna abunio Ruben tolomya aberu a papa keŋ apei ŋina pa eitit, aponi nyeinakin iŋes aruwor ŋolo epol alokaitotoi keŋ, aponi inakinae apolou neni a ŋidwe a Yosepu a ŋulusapa. Arae Yosepu lokoku a Isirael, aŋun, nyimarakinitae Ruben lororwa a ŋidwe a Isirael alopite a ŋolo ka apolou a ŋina euritere ikes;

Yer. 3:18

Alorwa a ŋul, imorikinosi ŋituŋa a Isirael ka ŋituŋa a Yudaya, epote ikes kaapei anakwap a ŋina alo Kuju a ŋina arikoritae ikes, epote nai ikes nakwap ŋina abu ayoŋ oinak atapapaa kec toruwor ŋina kec.

Yer. 31:1

Alimu Ekapolon ebe, “Apaki ŋin aruwor ayoŋ Akuj a ŋikalya a daadaŋ a ŋulu a ŋituŋa a Isirael, ido eruworosi ikes ŋituŋa kaŋ.

Esek. 48:1

Akisyakin alokukoru a ŋolo alo Kuju, tomyaa lorot ŋolo a Esibon ka akisyakin alo Leboamas tomyaa tari Asarenon (akwap ŋina eyai kidiŋ akwap ŋina a Damasko ka akwap ŋina ka Amas alowae a ŋolo alo Kuju), tomyaa alowae a ŋolo alo Kide lowae ŋolo alo To, eruwor nen akwap ŋina a ekabila a Dan.

Esek. 48:29

Akwap ŋin iŋes emaikina iyes tokora toruwor ŋina aŋikabilae a Isirael ka epite ŋol emaikina iyes tokoryata iŋes. Ayoŋ Ekapolon Akuj alimu ŋun.

Ekim. 34:1

Kirwor Ekapolon neni a Moses tema,

Yos. 16:4

Arae ŋin akwap ŋina apotu ŋituŋa a Yosepu ka ŋulu a Manase ta ŋulu a Epuraim toryamut erae ŋina kec.

Yos. 17:1

Aponi nai tokorakinae ekabila a Manase akwap, anerae arae Manase lokoku a Yosepu ŋolokiyae. Keris sek kekorakin Gilead ka Bacan neni a Makir a ŋolo erae ekiyae a Manase aŋuna araakar iŋes arwonit ŋina ajion. Anyaritae ekiro a papa a Makir Gilead.