Esek. 47:1 - Ebaibul

¹ Abu ekile ŋol ekenyaku ayoŋ lopuke ŋolo ka Akai ka Akuj, abu ayoŋ eŋolik a nen ŋakipi ŋuna aleleete alokwap epuke ŋolo ka Akai ka Akuj; aleleete ŋakipi ŋun lowae ŋolo alo Kide (anerae eŋoliyarit Akai ka Akuj lowae ŋolo alo Kide); aleleete ŋakipi ŋun alokwap epuke ŋolo ka Akai ka Akuj alowae a ŋolo alo Kwap, etorito diyete namuroet alowae a ŋolo alo Kwap.

Esek. 47:1 Iomraidhean Croise

Ŋikiru. 46:4

Eyai aŋolol ŋina eyaunit alakara lotuŋa ŋulu iboiyete alotaun a ŋolo ka Akuj, anakibois a ŋina asegan a ŋina eyai Akuj ŋina epol nooi.

Ŋikiru. 46:5

Eyai Akuj tooma etaun ŋol, nyielar etaun ŋol jik, iŋarakini Akuj etaun ŋol apaki ŋina iwalarya akwap.

Ŋikiru. 87:7

Ani etamunete ikes ŋieosyo, eikinete temasi “Tooma Sion, iŋes eryamunere iwon alelyanu daadaŋ.”

Isa. 2:3

Epote ŋituŋa anakwapin nen, ido temasi, “Potu, emaikina iwon etipeiyosi lokamukumukut ŋolo ke Ekapolon, Kai ŋina ka Akuj a Yakob, ikotere Ekapolon ikitatam iwon ŋuna ebala kiwuapa, ido opedosi iwon akiwuap ŋuna ebala iŋes.” Anerae Sion iŋes elomuniata ŋikisila, Yerusalem iŋes elomunia akirot ke Ekapolon.

Isa. 30:25

Akoloŋit ŋina earere ŋimoe kus ŋulu alalak ŋina eritarere ŋaduketa ŋuna aoyak, eyakaunosi ŋayona ŋuna elelyaata ŋakipi alomoru a ŋulu aoyak a daadaŋ ka alokamukumukui a ŋulu aoyak a daadaŋ.

Isa. 55:1

Okoe, potu daadaŋ ŋulu ikinyamit akure, potu neni eya ŋakipi ka iyes ŋulu imamukatar ŋisiliŋa potu, potu togyela ka kimuja! Potu togyela epiini ka ŋakile emam ŋisiliŋa ka emam etyae a ŋisiliŋa.

Yer. 2:13

“Anerae etiyata ŋituŋa kaŋ ŋaronisya ŋaarei: Akaesikis ikes ayoŋ, ŋolo ekoni aneni kec eitanit ŋolo a ŋakipi a ŋuna eteyarak, ido aboka aŋuna kec ŋakare ŋuna ebaabaato, ŋuna nyepedorete ŋakipi ayakau tooma kec.

Esek. 40:6

Abu ekile ŋol tolot lopuke ŋolo iŋoliyarit lowae ŋolo alo Kide, todoka anadoketa a epuke a ŋol, kipim nenilapat a epuke a ŋol ameun alokidiama tari kwap, toryamu erae ŋimitae ŋiuni.

Esek. 41:2

Arae alolomu a epuke a agule a ŋin ŋimitae ŋikan ka arae abutur a ŋarwatatain a ŋuna aya nawaetin a epuke a ŋol ŋimitae ŋiarei ka atutubet a ŋolowae a epuke. Abu daŋ ekile ŋol kipim agule ŋin, toryamu aoyau alosepyon erae ŋimitae ŋatomoniarei ka erae anakou ka neni iteotor ŋimitae ŋitomon.

Esek. 46:24

Tema nai ekile ŋol neni kaŋ, “Erae ŋul ŋikenoi ŋulu ipooto ŋulu itiyaete Kai ka Akuj ŋamuronisya ŋuna eyaununeete ŋituŋa.”

Esek. 47:12

Elomunete alokipetotyo a ŋuluarei, a ŋulu ka a ŋolol ŋikito ŋulu a ŋikabilae a daadaŋ ŋulu enyamyo ŋaraito kec. Nyeiniyarete ŋakwii a ŋikito a ŋul, kori nyeraraun kwap ŋaraito kec, nai erayete ikes ŋaraito ŋuna ajokak a ŋololap, anerae eleleunito ŋakipi neni kec anakibois a ŋina asegan. Eruwor ŋaraito kec akimuj ka eruwor ŋakwii kec ekitoe ŋolo ikitaŋaleuni.”

Esek. 47:2

Abu nai ekile ŋol okolomunia ayoŋ kiŋa, kitoroi lopuke ŋolo alo Kuju, ekesirimo ayoŋ akibois ŋin alokiŋa tari lopuke ŋolo alo Kide alapatu, abu ayoŋ eŋolik a nen ŋakipi eleleunito alowae a ŋolo alo Kwap.

Yoel 3:18

“Akoloŋit ŋin, elomuni epiini ŋolo abobon alomukur, eleleunete ŋakile alomukur, ido elelearete ŋakipi alotai a ŋayona a Yudaya a daadaŋ; elomuni elelya alo Kai ke Ekapolon, toleleya nayonae ŋina enyaritae Sitim.

Sakar 13:1

“Akoloŋit ŋin, eŋakinio elelya neni a ŋituŋa a ekal a Daudi ka neni a ŋulu iboiyete alo Yerusalem, ikotere kitaleun ikes anasecit ka anaronis.”

Sakar 14:4

Akoloŋit ŋin ewoi Ekapolon alomukura a ŋolo a ŋikito ka olipa, alo Kide Yerusalem, etyaka emukura ŋol ŋaarei, akisyakin alo Kide tari To, min nen akadipaalat ŋina apolon nooi, iyotori atyaketait apei Kuju iyotori ŋinace Kwap.

Sakar 14:8

Akoloŋit ŋin eleleunete alo Yerusalem ŋakipi ŋuna eyaunete akiyar, eleleyarete atutubet apei nanam ŋina Atwan ka atutubet apei nanam ŋina a Mediteranian, eleleete ŋakipi ŋun akamu ka akiporo.

Akis. 22:1

Abu nai emalaika eketoodik ayoŋ aŋolol ŋina a ŋakipi a ŋuna ka akiyar, ŋuna apariparete ikwa ŋakamilimili, toleleunito alokicoloŋ a ŋolo ka Akuj ka a ŋolo a Imesek.

Akis. 22:17

Ebasi Etau ka Ateran, “Bua!” Itemokino ituŋanan daadaŋ ŋini iirari nu tema, “Bua!” Itemokino iŋes ŋini enyamit akure bu, itemokino iŋes ŋini ecamit ŋakipi ŋuna ka akiyar, ya pa egyelit.