Esek. 46:9 - Ebaibul

⁹ “Ani epote Ŋisirael kiŋaren Ekapolon anapakio aŋuna a ŋasuban a ŋuna emaikina kitiyaetei, emaikina ituŋanan daadaŋ ŋini elomuni akilip nalapatu ŋina alotooma alopuke a ŋolo alo Kuju kitor lopuke ŋolo alo Kwap eboŋori ka ŋini elomuni akilip nalapatu ŋin alopuke a ŋolo alo Kwap kitor lopuke ŋolo alo Kuju. Nyemaikina ŋituŋa kitoro lopukei ŋulu sek alomuniata ikes tooma nalapatu, nai emaikina tocorota kiropo alopuke a ŋoloce.

Esek. 46:9 Iomraidhean Croise

Ŋikiru. 84:7

Iyata agogoŋu neni kec apaki ŋina elosyoto; iŋolikinete ikes alo Sion Akuj ŋina iloit ŋakujo daadaŋ.

Awos. 34:23

Emaikina ŋituŋa daadaŋ ŋulu erae ŋisapa alokidiŋ kus potu neni ke Ekapolon Akuj a Ŋisirael ŋaponet ŋauni a ŋolokaru,

Esek. 1:12

Arubakinit ŋolotorube elosi kiŋaren jik; neni daadaŋ acamito ikes alosit, apotu ikes toloto inaa emam aboŋor.

Esek. 1:17

Ani elosete ikes, apedorete alosit ŋolowae daadaŋ alotooma ŋiwaetin ŋuluomwon ŋulu eŋoliyarito ikes; pa aboboŋeneete ŋiboorei ŋulu ekwaan ka ŋakejen ŋuna a agaari ŋun elosete ŋisubuna.

Esek. 36:38

Tolalaar nooi ikwa ekimar a ŋamesekin a ŋuna eramaryo erae ŋainakineta, tolalaar nooi ikwa ekimar a ŋamesekin a ŋuna eramanaryo Yerusalem ŋapakio ŋuna eyakatar ŋasuban. Ilelebun ŋituŋa lotaunio ŋulu emunaara ŋul lopite ŋolo ilelebununotor ŋamesekin Yerusalem. Eyenunete nai ŋituŋa ŋul atemar arae ayoŋ Ekapolon.”

Esek. 40:24

Abu nai ekile ŋol okoriko ayoŋ lowae ŋolo alo Kwap Akai ka Akuj; abu ayoŋ eŋolik a nen epuke ŋolo eŋoliyarit lowae ŋolo alo Kwap. Abu ekile ŋol kipim ŋipirin a epuke a ŋol ka agule ŋina ayai lopuke ŋol, toryamu eriyan ŋimitae ka ŋulu a aris iŋes epim.

Esek. 44:24

Ani keyakaun ebura edio, ŋisacaradotin ikes emaikina totubo ŋakiro a ebura a ŋol, emaikina ikes totubo ŋakiro iwuapito ŋuna adau ayoŋ atubun. Emaikina ikes kirica ŋikisila kaŋ ka ŋakiro ŋuna atubu ayoŋ kitiyata ikes anasuban a daadaŋ a ŋuna ainak ayoŋ ikes akitiyaenen. Emaikina ikes torubakis etamunito akituruworit akoloŋit kaŋ ŋina a Sabato ŋina asegan.

Esek. 8:14

Abu nai Akuj okoyau ayoŋ lopuke ŋolo ayai lowae ŋolo alo Kuju Akai ka Akuj, eboiyete a nen ŋaberu ŋuna egworosi aŋuna a Tamus.

Mika 6:6

“Nyo emaikina ayoŋ oyau neni ke Ekapolon a Akuj a ŋina alokidiama, apaki ŋina abunio akilip neni keŋ? Emaikina mono ayoŋ oyau ŋainakineta ŋuna epeyo, kaapei ka ŋitak ŋulu erae apolou kec ekaru epei a?

Mal. 4:4

“Totamutu mono iyes ŋakiro ŋuna abu Moses eketiyan kaŋ ikitatam iyes, Ŋikisila ka ŋitalyo ŋulu abu ayoŋ oinak iŋes alomoru a ŋolo enyaritae Oreb, aŋuna a Ŋisirael daadaŋ.

Ŋikis. 16:16

Ŋarwa ŋauni alotooma ekaru emaikina ŋisapa kus daadaŋ potu kiŋaren Ekapolon Akuj kus nakibois ŋina ebuni Ekapolon aseun; ŋarwa ŋun ikes nu: Ŋarwa ŋuna a ŋasuban a ŋuna emam ŋakinyalet, ŋarwa ŋuna a ŋasuban a ŋuna a ŋisabito ka ŋarwa ŋuna a ŋasuban a ŋuna a ŋisakaitei, nyemaikina ikes potu neni a Ekapolon eororete ŋakan, emaikina ikes yaut idiobore.

Ŋibur. 10:38

Aŋun, iŋes ŋini iyookino aŋuna akanupitor ayoŋ, eyari, nai iŋes ŋini ikutukutoori, nyakajoikinete ayoŋ ŋakiro keŋ.”