Esek. 46:24 - Ebaibul

²⁴ Tema nai ekile ŋol neni kaŋ, “Erae ŋul ŋikenoi ŋulu ipooto ŋulu itiyaete Kai ka Akuj ŋamuronisya ŋuna eyaununeete ŋituŋa.”

Esek. 46:24 Iomraidhean Croise

Esek. 44:11

Eruwor ikes ŋiketiyak nakibois ŋina asegan alo Kai ka Akuj, ŋulu iyokiyete ŋipukei ŋulu ka Akai ka Akuj ka ŋulu itiyaete Kai ka Akuj; epedorete ikes akiar ŋibaren ŋulu eyaunitae nen erae ŋainakineta ŋuna epeyo ka ŋamuronisya a ŋuna a ŋituŋa. Emaikina ikes kitiyata etic aŋuna a ŋituŋa.

Esek. 44:14

Ainakini ayoŋ ikes apolokin ŋiticisyo alo Kai ka Akuj ka akitiya ŋiticisyo daadaŋ ŋulu emaikina kitiyae alo Kai ka Akuj.’ ”

Esek. 46:20

Tema ekile ŋol neni kaŋ, “Erae akibois ŋin neni ipooto ŋisacaradotin akiriŋ a ŋainakineta a ŋuna ka akiilit anasecit ka ŋuna ka asecit ta neni ipooto ikes ŋainakineta aŋuna a ŋikinyom ikotere ikes nyelomuniata ŋainakineta ŋun nalapatu ŋina alokiŋa, yaasi asegis neni a ŋituŋa.”

Esek. 46:23

Arekinitae arwatata ŋina a ŋamoru nawaetin a ŋinalapatu a ŋunaomwon a ŋun, anaŋakinitae ecoto alokwap ŋamoru kiryam arwatata daadaŋ.

Esek. 47:1

Abu ekile ŋol ekenyaku ayoŋ lopuke ŋolo ka Akai ka Akuj, abu ayoŋ eŋolik a nen ŋakipi ŋuna aleleete alokwap epuke ŋolo ka Akai ka Akuj; aleleete ŋakipi ŋun lowae ŋolo alo Kide (anerae eŋoliyarit Akai ka Akuj lowae ŋolo alo Kide); aleleete ŋakipi ŋun alokwap epuke ŋolo ka Akai ka Akuj alowae a ŋolo alo Kwap, etorito diyete namuroet alowae a ŋolo alo Kwap.

Mat. 24:45

“Ŋae nai erae eketiyan ŋolo aoson ŋolo kikinyoma, ŋolo aseu ekapolon keŋ apolokin ŋuluceketiyak tokoranakini akimuj edoli apaki?

1 Pet. 5:2

Kiyoko ejok ŋamesekin ŋuna erae ŋituŋa ŋulu ikiinakinit Akuj iyes. Nyitiyata ŋun anakitiŋakina, nai anainakina ikwaŋina ecamitor Akuj, meere aŋuna ke eropit ca, nai aŋuna ka acamit akitiya.